 |
 |
 |
 |
 |
 |
 |
 |
 |
 |
 |
 |
 |
 |
സോള്: വടക്കന് കൊറിയ പുതിയ ആണവ പരീക്ഷണത്തിനുള്ള ഒരുക്കം തുടങ്ങിയതായി തെക്കന് കൊറിയയുടെ ഇന്റലിജന്സ് റിപ്പോര്ട്ട്. ഇതോടെ വടക്കന് കൊറിയ വീണ്ടും പ്രകോപനപരമായ തീരുമാനം എടുക്കുന്നതോടെ അന്താരാഷ്ട്ര സമൂഹത്തെ വെല്ലുവിളിക്കുകയാണ് ഇത് ഈ മേഖല കൂടുതല് സംഘര്ഷങ്ങള്ക്ക് സാദ്ധ്യത വര്ദ്ധിപ്പിക്കും. തെക്കന് കൊറിയയുടെ വക്താവ് പറഞ്ഞു.
- ന്യൂസ് ഡെസ്ക്
വായിക്കുക: ആണവം, ക്രമസമാധാനം, യുദ്ധം
ടെഹ്റാന്: ഇറാനിലെ പാര്ലമെന്റിലേക്കു നടന്ന തെരഞ്ഞെടുപ്പില് ഫലം പുറത്തുവന്ന ഭൂരിപക്ഷം സീറ്റുകളിലും പ്രസിഡന്റ് അഹമ്മദി നെജാദിന്റെ എതിരാളികളായ കണ്സര്വേറ്റീവുകള് വിജയം നേടി. ഫലം പുറത്തുവന്ന 60 സീറ്റുകളില് 46 സീറ്റുകളിലാണ് കണ്സവേറ്റീവ് പാര്ട്ടി വിജയം നേടിയത്. ഫലം പുറത്തുവരാനുള്ള 11 സീറ്റുകള് നെജാദിന്റെ പാര്ട്ടിയും എതിരാളികളും സമാസമം ആകുമെന്നാണ് കരുതുന്നത്. നെജാദിന്റെ ജന്മനഗരത്തിലെ ഗര്സര് മണ്ഡലത്തില്നിന്നു മത്സരിച്ച നെജാദിന്റെ ഇളയ സഹോദരി പര്വീണ് അഹ്മദി നെജാദ് കണ്സര്വേറ്റീവ് പാര്ട്ടി സ്ഥാനാര്ഥിയോട് പരാജയപ്പെട്ടത് നെജാദിന്റെ പാര്ട്ടിക്കു വലിയ പ്രഹരമായി. പര്വീണ് നിലവില് ടെഹ്റാന് മുനിസിപ്പല് കൗണ്സിലറാണ്.
ഇറാന് പ്രസിഡന്റ് തെരഞ്ഞെടുപ്പിന് രണ്ടുവര്ഷം കൂടി ബാക്കിയുണ്ട്, ഈ വിജയത്തോടെ പ്രതിപക്ഷം കൂടുതല് ശക്തമായിരിക്കെ ഇനി പാര്ലമെന്റില് നെജാദിന്റെ നില കൂടുതല് പരുങ്ങലിലാവും ഇനി നേരിടേണ്ടിവരിക.
- ന്യൂസ് ഡെസ്ക്
വാഷിംഗ്ടണ്: അമേരിക്കന് സമ്മര്ദ്ദങ്ങള്ക്ക് വഴങ്ങി ആണവ പദ്ധതികളും ബാലിസ്റ്റിക് മിസൈല് പരീക്ഷണങ്ങളും താല്ക്കാലികമായി നിര്ത്തി വയ്ക്കാന് ഉത്തര കൊറിയന് ഭരണാധികാരി കിം ജോങ് ഉന് തീരുമാനിച്ചതായി അമേരിക്ക അറിയിച്ചു. ഉത്തര കൊറിയയുമായി അമേരിക്ക ചൈനയില് വെച്ച് ചര്ച്ചകള് നടത്തിയിരുന്നു. യുറേനിയം സമ്പുഷ്ടീകരണവും നിര്ത്തി വച്ചതായി ഉത്തര കൊറിയ അറിയിച്ചു. യുറേനിയം സമ്പുഷ്ടീകരണം തുടരുന്നില്ലെന്ന് ഉറപ്പാക്കുന്നതിനായി യു. എന് . ആണവ പരിശോധകര്ക്ക് രാജ്യത്ത് പ്രവേശനം നല്കാനും ഉത്തര കൊറിയ സമ്മതിച്ചിട്ടുണ്ട്. കൊറിയന് പരമാധികാരി കിം ജോങ് ഇല്ലിന്റെ വിയോഗത്തെ തുടര്ന്ന് അധികാരമേറ്റ മകന് കിം ജോങ് ഉന് രണ്ടു മാസത്തിനു ശേഷം എടുക്കുന്ന ഏറ്റവും നിര്ണായകമായ തീരുമാനമാണിത്. ആണവ പരീക്ഷണങ്ങള് താത്കാലികമായി നിര്ത്തി വയ്ക്കാന് തീരുമാനിച്ച സാഹചര്യത്തില് യു. എസ്. ഭരണകൂടം ഉത്തര കൊറിയയ്ക്കു 2,40,000 ടണ് ഭക്ഷ്യ സഹായം നല്കും. ഉത്തര കൊറിയയുടെ തീരുമാനത്തെ യു. എസ്. വിദേശ കാര്യ സെക്രട്ടറി ഹില്ലരി ക്ലിന്റണ് സ്വാഗതം ചെയ്തു.
- ന്യൂസ് ഡെസ്ക്
വായിക്കുക: അമേരിക്ക, ആണവം, ഉത്തര കൊറിയ
ടെഹ്റാന് : ഇസ്രായേല് തങ്ങളെ ആക്രമിക്കുകയാണെങ്കില് അത് ഇസ്രയേലിന്റെ അന്ത്യം കുറിക്കും എന്ന് ഇറാന് പ്രതിരോധ മന്ത്രി മുന്നറിയിപ്പ് നല്കി. ഇസ്രായേല് ഇറാന്റെ ആണവ കേന്ദ്രങ്ങള് ആക്രമിക്കുകയാണെങ്കില് അതിന് കടുത്ത ശിക്ഷ തന്നെ അനുഭവിക്കേണ്ടി വരും എന്ന ഇറാന്റെ ശക്തമായ താക്കീതാണിത്.
അടുത്ത കാലത്തായി ഇറാനെ ആക്രമിക്കും എന്ന് ഇസ്രായേല് പലപ്പോഴായി സൂചിപ്പിച്ചു വരുന്നതിനു മറുപടി ആയാണ് ഇറാന്റെ ഈ താക്കീത്. അമേരിക്കയും യൂറോപ്യന് രാജ്യങ്ങളും ഇസ്രയേലിനൊപ്പം ഇറാന് ആണവ ആയുധങ്ങള് വികസിപ്പിക്കുന്നതായി ആരോപിക്കുമ്പോഴും തങ്ങള് ആണവ ഊര്ജ്ജ ഉല്പ്പാദനം പോലുള്ള സമാധാനപരമായ ആവശ്യങ്ങള്ക്ക് വേണ്ടിയാണ് ആണവ പദ്ധതികള് നടപ്പിലാക്കുന്നത് എന്ന് ഇറാന് ആവര്ത്തിച്ചു വ്യക്തമാക്കുന്നു.
- ജെ.എസ്.
വായിക്കുക: ആണവം, ഇറാന്, ഇസ്രായേല്, യുദ്ധം
ബെയ്ജിങ്: വിവാദമായ ആണവ പദ്ധതിയെക്കുറിച്ച് അമേരിക്കയും വടക്കന് കൊറിയയും തമ്മില് ചൈനയുടെ തലസ്ഥാനമായ ബെയ്ജിങ്ങിലെ അമേരിക്കന് എംബസിയില് വെച്ച് ഇരു രാജ്യത്തിന്റെയും പ്രതിനിധികള് ചര്ച്ച പുനരാരംഭിച്ചു. അമേരിക്കയുടെ പ്രതിനിധി ഗൈ്ളന് ഡേവിസും കൊറിയന് പ്രതിനിധി കിം കെയ് ഗ്വാനുമാണ് ചര്ച്ചയില് പങ്കെടുക്കുന്നത്.
വടക്കന് കൊറിയയുടെ പരമാധികാരി കിം ജോങ് ഇലിന്റെ മരണത്തിന് ശേഷം ഇതാദ്യമായാണ് രണ്ട് രാജ്യങ്ങളും തമ്മില് ചര്ച്ച നടക്കുന്നത്. അമേരിക്ക മുമ്പ് പറഞ്ഞ തെമ്മാടി രാഷ്ട്രങ്ങളില് വടക്കന് കൊറിയയും ഉള്പെട്ടിരുന്നു. വടക്കന് കൊറിയ നടത്തിവരുന്ന യുറേനിയം സമ്പുഷ്ടീകരണം നിര്ത്തലാക്കിയാല് രാജ്യത്തിനെതിരെ ഏര്പ്പെടുത്തിയിരുന്ന ഉപരോധത്തില് ഇളവു വരുത്താമെന്ന് നേരത്തേ ചര്ച്ചകളില് അഭിപ്രായം ഉയര്ന്നിരുന്നുവെങ്കിലും വടക്കന് കൊറിയ അതിന് വഴങ്ങിയിരുന്നില്ല.
- ന്യൂസ് ഡെസ്ക്
വാഷിംഗ്ടണ് : ഇറാന് എതിരെയുള്ള ഉപരോധത്തില് മറ്റ് രാഷ്ട്രങ്ങളോടൊപ്പം ഇന്ത്യയും പങ്ക് ചേരും എന്ന് അമേരിക്ക പ്രതീക്ഷ പ്രകടിപ്പിച്ചു. ഇതിന്റെ ഭാഗമായി ഇന്ത്യ ഇറാനില് നിന്നും വാങ്ങുന്ന എണ്ണയുടെ അളവില് ഗണ്യമായ കുറവ് വരുത്തും എന്നാണ് അമേരിക്കയുടെ പ്രതീക്ഷ. എന്നാല് ഭക്ഷണം, മരുന്ന് എന്നിങ്ങനെയുള്ള വ്യാപാരം ഇറാനുമായി തുടരുന്നതില് അമേരിക്കയ്ക്ക് എതിര്പ്പില്ല. ഇറാന്റെ ആണവ പദ്ധതികള്ക്ക് കരുത്ത് പകരുന്ന എണ്ണ കച്ചവടം തടയുക എന്നതാണ് ഉപരോധത്തിന്റെ ലക്ഷ്യം. അല്ലാതെ ഭക്ഷണവും മരുന്നുമൊക്കെ ഇറാനില് എത്തുന്നത് തടയുകയല്ല എന്നും അമേരിക്കന് വക്താവ് പത്ര സമ്മേളനത്തില് അറിയിച്ചു.
സൗദി അറേബ്യ കഴിഞ്ഞാല് ഇന്ത്യ ഏറ്റവും അധികം എണ്ണ ഇറക്കുമതി ചെയ്യുന്നത് ഇറാനില് നിന്നാണ്. പ്രതിമാസം 1.2 കോടി ബാരല് ക്രൂഡ് ഓയില് ഇന്ത്യ ഇറാനില് നിന്നും വാങ്ങുന്നുണ്ട്.
- ജെ.എസ്.
വായിക്കുക: അമേരിക്ക, ആണവം, ഇറാന്, മനുഷ്യാവകാശം, യുദ്ധം, സാമ്പത്തികം
ടെഹ്റാന് : ഐക്യരാഷ്ട്ര സഭയുടെ ആണവ സംഘം ഇറാനില് എത്തി. ഇറാന് ആണവ ആയുധങ്ങള് നിര്മ്മിക്കുവാനുള്ള ശ്രമത്തിലാണ് എന്ന ആരോപണത്തിന്റെ പശ്ചാത്തലത്തില് ആണ് ഈ സംഘത്തിന്റെ സന്ദര്ശനം. അന്താരാഷ്ട്ര ആണവോര്ജ്ജ ഏജന്സിയുടെ നേതൃത്വത്തില് എത്തിയ സംഘത്തില് ഫ്രാന്സില് നിന്നും ദക്ഷിണ ആഫ്രിക്കയില് നിന്നുമുള്ള രണ്ട് മുതിര്ന്ന ആണവായുധ വിദഗ്ദ്ധരും ഉള്പ്പെടുന്നു. ഇറാനിലെ ആണവ ശാസ്ത്രജ്ഞരുമായി കൂടിക്കാഴ്ചകള് നടത്തുക, രേഖകള് പരിശോധിക്കുക, വിവിധ വിഷയങ്ങളില് ഇറാന് അധികൃതരുടെ ഉറപ്പുകള് സമ്പാദിക്കുക എന്നിങ്ങനെ ഒട്ടേറെ ലക്ഷ്യങ്ങളാണ് സംഘത്തിന്റെ മുന്പില് ഉള്ളത്. എന്നാല് തങ്ങള് ആണവായുധങ്ങള് വികസിപ്പിക്കുന്നു എന്നത് കെട്ടിച്ചമച്ച രേഖകളുടെ അടിസ്ഥാനത്തില് പാശ്ചാത്യ രാഷ്ട്രങ്ങള് നടത്തുന്ന കുപ്രചരണം മാത്രമാണ് എന്നും അതിനാല് തന്നെ ഈ വിഷയത്തില് എന്തെങ്കിലും ചര്ച്ച നടത്തേണ്ട കാര്യമില്ല എന്നുമുള്ള ഇറാന്റെ നയം ആയിരിക്കും സംഘത്തിന്റെ ഏറ്റവും വലിയ തലവേദന.
- ജെ.എസ്.
കരാക്കസ്: ഇറാന് മേല് ശക്തമായ ഉപരോധങ്ങള് അമേരിക്കയും യൂറോപ്യന് യൂണിയനുകളും കൊണ്ടുവന്ന സാഹചര്യത്തില് ഇറാന് ജനതയ്ക്ക് എല്ലാ വിധ പിന്തുണയും നല്കുന്നതായി വെനസ്വേലന് പ്രസിഡന്റ് ഹ്യൂഗോ ഷാവേസ് പറഞ്ഞു. സാമ്രാജ്യത്വം കൂടുതല് ശക്തിയാര്ജ്ജിക്കുകയാണെന്നും ഇതിനെതിരെ ഇറാന് ജനതയുമായി സഹകരിക്കുമെന്നും അദ്ദേഹം കൂട്ടിച്ചേര്ത്തു. ലാറ്റിനമേരിക്കന് സന്ദര്ശനത്തിനിടെ ഇറാന് പ്രസിഡന്റ് അഹമദി നജാദുമായി സംസാരിക്കുകയായിരുന്നു അദ്ദേഹം. ഇറാന്റെ ആണവപരിപാടികള് ലോകഭീഷണിയാണെന്ന അമേരിക്കയുടെ കുറ്റപ്പെടുത്തലുകളെ ഇരുനേതാക്കളും തള്ളിക്കളഞ്ഞു. ഇറാന് ആണവായുധം സ്വായത്തമാക്കാന് ശ്രമിക്കുന്നു എന്ന ആരോപണം ഉന്നയിച്ച അമേരിക്ക ഇതേ നുണ പറഞ്ഞു കൊണ്ടാണ് ഇറാഖില് അധിനിവേശം നടത്തിയതെന്നും ഇറാഖ് പ്രസിഡന്റ് നെജാദ് ഓര്മ്മപ്പെടുത്തി. വികസനത്തിലേക്ക് കുതിക്കുന്ന ഇറാന്റെ മുന്നേറ്റമാണ് അമേരിക്കയെ ചൊടിപ്പിച്ചതെന്നും നെജാദ് കുറ്റപ്പെടുത്തി. എന്നാല് ആരുടെ കൈവശമാണ് ബോംബുകള് യഥേഷ്ടം ഉള്ളതെന്ന് ലാറ്റിനമേരിക്കന് രാജ്യങ്ങള്ക്ക് വ്യക്തമായി അറിയാം. ഇറാനും വെനിസ്വേലയും സമാധാനം ആഗ്രഹിക്കുന്ന രാജ്യങ്ങളാണെന്ന് കൂടിക്കാഴ്ചയില് ഇരുനേതാക്കളും അഭിപ്രായപ്പെട്ടു
- ന്യൂസ് ഡെസ്ക്
കറാക്കസ്: ഇറാന് പ്രസിഡന്റ് അഹ്മദി നെജാദ് അഞ്ച് ദിവസത്തെ ലാറ്റിനമേരിക്കന് പര്യടനം ആരംഭിച്ചു. വെനിസ്വേലയിലെത്തിയ നെജാദിന് അവിടെ ഉജ്ജ്വല സ്വീകരണമാണ് ലഭിച്ചത്. ഞായറാഴ്ച കറാക്കസിലെ സൈനിക വിമാനത്താവളത്തിലെത്തിയ നെജാദിനെ വെനിസ്വേലന് വൈസ് പ്രസിഡന്റ് ഏലിയാസ് ജോവ മിലാനോയുടെ നേതൃത്വത്തിലുള്ള സംഘം സ്വീകരിച്ചു. പ്രസിഡന്റ് ഹ്യൂഗോ ചാവെസുമായും നെജാദ് കൂടിക്കാഴ്ച നടത്തും. അഞ്ച് ദിവസം നീളുന്ന പര്യടനത്തിനിടെ, കടുത്ത അമേരിക്കന് വിരുദ്ധ നിലപാട് സ്വീകരിക്കുന്ന നികരാഗ്വ, ക്യൂബ, എക്വഡോര് എന്നീ രാജ്യങ്ങളും അദ്ദേഹം സന്ദര്ശിക്കും.
അമേരിക്കയുടെയും യൂറോപ്യന് യൂനിയന്റെയും കടുത്ത ഉപരോധത്തെ പ്രതിരോധിക്കുന്നതിന്റെ ഭാഗമായി കഴിഞ്ഞ ദിവസം
അമേരിക്കയുടെ അടിച്ചമര്ത്തലുകള്ക്കെതിരെയുള്ള പ്രതിരോധവും സമാന മനസ്കരായ രാജ്യങ്ങളുമായി നവകൊളോണിയല് വിരുദ്ധ കാഴ്ചപ്പാടുകള് പങ്കുവെക്കലുമാണ് പര്യടനത്തിന്െറ ഉദ്ദ്യേശമെന്ന് തെഹ്റാനില് യാത്രക്കൊരുങ്ങവെ നെജാദ് പറഞ്ഞു.
- ന്യൂസ് ഡെസ്ക്
വാഷിംഗ്ടണ് : ഉത്തര കൊറിയയ്ക്ക് ആണവ സാങ്കേതിക വിദ്യ കൈമാറ്റം ചെയ്തു പിടിയിലായ പാക് ആണവ ശാസ്ത്രജ്ഞന് എ. ക്യു. ഖാന് ഇന്ത്യയ്ക്കും ആണവ വിദ്യ കൈമാറിയിട്ടുണ്ടെന്നു അമേരിക്കന് ആയുധ വിദഗ്ദ്ധന് ഒരു മാസികയില് എഴുതിയ ലേഖനത്തില് വെളിപ്പെടുത്തി. അമേരിക്കന് ആയുധ നിയന്ത്രണ വിദഗ്ദ്ധന് ജോഷുവ പോള്ളക് ആണ് ഈ വിചിത്രമായ വാദം ഉന്നയിച്ചിരിക്കുന്നത്.
എന്നാല് ഈ വാദത്തിന് ഉപോല്ബലകമായി ഏറെയൊന്നും ഇദ്ദേഹത്തിന് പറയാനില്ല. ഖാന് പാക്കിസ്ഥാന് വേണ്ടി വികസിപ്പിച്ച സെന്ട്രിഫ്യൂജ് ഇന്ത്യ തങ്ങളുടെ യുറേനിയം സമ്പുഷ്ടീകരണത്തിന് ഉപയോഗിക്കുന്ന സെന്ട്രിഫ്യൂജിന് സമാനമാണ് എന്നത് മാത്രമാണ് ഇദ്ദേഹം പറയുന്നത്. എന്നാല് ഈ ലേഖനം പ്രത്യക്ഷപ്പെട്ടത് നഗ്ന ചിത്രങ്ങള് പ്രദര്ശിപ്പിക്കുന്ന പ്ലേബോയ് മാസികയിലാണ് എന്നത് ഈ വാദത്തിന്റെ ഗൌരവത്തെ പ്രതികൂലമായി ബാധിക്കുന്നതായി കരുതപ്പെടുന്നു.
ഉത്തര കൊറിയയ്ക്ക് യുറേനിയം ബോംബ് നിര്മ്മാണത്തിന് സഹായകരമായത് ഖാന് നല്കിയ സെന്ട്രിഫ്യൂജുകളും മറ്റ് രേഖകളുമാണ്.
- ജെ.എസ്.
വായിക്കുക: ആണവം, പാക്കിസ്ഥാന്, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
