ലോക സുന്ദരികളിൽ ഏറ്റവും കാമഭാവമുള്ള സുന്ദരിയായി കരീന കപൂർ തിരഞ്ഞെടുക്കപ്പെട്ടു. മാക്സിം മാസികയാണ് ലോക സുന്ദരിമാരുടെ പട്ടിക തയ്യാറാക്കിയത്. മാസിക നടത്തിയ കണക്കെടുപ്പിന്റെ അടിസ്ഥാനത്തിൽ തയ്യാറാക്കിയ പട്ടികയിൽ ഏറ്റവും കാമഭാവമുള്ള സുന്ദരിയായ കരീന കപൂർ തന്നെയാണ് മാക്സിം മാസികയുടെ മുഖചിത്രത്തിൽ ഉള്ളത്.
തന്റെ ഏറ്റവും പുതിയ സിനിമയായ “ഹെറോയിൻ” പുറത്തിറങ്ങാൻ ഇരിക്കെ ഓർക്കാപ്പുറത്ത് ലഭിച്ച ഈ അപൂർവ്വ ബഹുമതിയിൽ ഏറെ സന്തോഷവതിയാണ് കരീന. തന്നെ പുരുഷന്മാർ കാമത്തോടെ കാണുന്നത് തന്നെ ഏറെ ആഹ്ലാദിപ്പിക്കുന്നു എന്നാണ് കരീന പറയുന്നത്. ഇത് തനിക്ക് ലഭിക്കാവുന്ന ഒരു വലിയ പ്രശംസയാണ്. സ്ത്രീയുടെ കാമഭാവത്തെ എപ്പോഴും അംഗീകരിച്ചിട്ടുള്ള മാക്സിം മാസികയുടെ ഈ ബഹുമതി തനിക്ക് ഏറെ വിലപിടിപ്പുള്ളതാണ് എന്നും ബെബോ പറഞ്ഞു.
- ജെ.എസ്.
