തിരുവനന്തപുരം: ബോളിവുഡിലെ ഡ്രീം ഗേളും, ബി. ജെ. പി. യുടെ പ്രമുഖ നേതാവുമായ ഹേമ മാലിനിയെ കര്‍ണ്ണാടകത്തില്‍ നിന്നും രാജ്യ സഭയിലേക്ക് തിരഞ്ഞെടുത്തു. കോണ്‍ഗ്രസ് സ്ഥാനാര്‍ഥിയും പ്രമുഖ കന്നഡ സാഹിത്യ കാരനുമായ മ‌രുല സിദ്ധപ്പയ്ക്കെതിരെ 94 നെതിരെ 106 വോട്ടുകള്‍ നേടിയാണ് അവര്‍ വിജയിച്ചത്. 2012 വരെ ആണ് രാജ്യ സഭയിലെ കാലാവധി. ബി. ജെ. പി. യുടെ ദേശീയ വൈസ് പ്രസിഡണ്ട് കൂടിയായ ഹേമമാലിനി മുന്‍‌പ് 2003 മുതല്‍ 2009 വരെ ബി. ജെ. പി. യുടെ രാജ്യ സഭാംഗമായി ഇരുന്നിട്ടുണ്ട്. രാജ്യ സഭാംഗമായ എം. രാജശേഖര മൂര്‍ത്തി അന്തരിച്ച ഒഴിവിലേക്കാണ് തിരഞ്ഞെടുപ്പ് നടന്നത്.
- എസ്. കുമാര്‍
