മമ്മൂട്ടി നായകനാകുന്ന താപ്പാന റംസാന് റിലീസ് ചെയ്യുന്നു. ജോണി ആന്റണി സംവിധാനം ചെയ്യുന്ന ചിത്രത്തില്‍ തെന്നിന്ത്യന്‍ നായിക ചാര്‍മിയാണ് നായിക. കോമഡിക്ക് പ്രാധാന്യം നല്‍കുന്ന ചിത്രത്തിന്റെ തിരക്കഥ രചിച്ചിരിക്കുന്നത് സിന്ധുരാജാണ്. തുടര്‍ച്ചയായ പരാജയങ്ങള്‍ക്ക് ശേഷം മമ്മൂട്ടി ചിത്രത്തിനു വലിയ പ്രതീക്ഷയാണ് ചിത്രത്തിന്റെ അണിയറക്കാരും മമ്മൂട്ടിയുടെ ആരാധകരും നല്‍കുന്നത്. അടുത്ത കാലത്ത് ഈ മെഗാ താരത്തിന്റെ എട്ടോളം ചിത്രങ്ങളാണ് പരാജയത്തിന്റെ രുചിയറിഞ്ഞത്. ചിത്രത്തെ സ്വീകരിക്കുവാന്‍ വന്‍ ഒരുക്കങ്ങളാണ് ഫാന്‍സുകാര്‍ നടത്തുന്നത്. റംസാന് റിലീസ് ആയതിനാല്‍ ചിത്രത്തിനു ഇനീഷ്യല്‍ കളക്ഷന്‍ നേടുവാന്‍ ആകുമെന്നാണ് കണക്കു കൂട്ടല്‍. ഗ്യാലക്സി ഫിലിംസിന്റെ ബാനറില്‍ മിലന്‍ ജലീലാണ് ചിത്രം നിര്‍മ്മിച്ചിരിക്കുന്നത്.
താപ്പാനയ്ക്ക് പിന്നാലെ മോഹന്ലാലിന്റെ ജോഷി ചിത്രമായ റണ്‍ ബേബി റണ്‍ ഓണം റിലീസായി എത്തുന്നു. സച്ചി രചന നിര്‍വ്വഹിച്ചിരിക്കുന്ന ഈ ചിത്രം തിരുവോണത്തിനാണ് തീയേറ്ററുകളില്‍ എത്തുന്നത്.
