ദുബായ് : കണ്ണൂര്‍ ജില്ലയിലെ മയ്യില്‍ പഞ്ചായത്ത് നിവാസികളുടെ സൌഹൃദ കൂട്ടായ്മയായ മയ്യില്‍ എന്‍. ആര്‍. ഐ. ഫോറത്തിന്റെ ആഭിമുഖ്യത്തില്‍ ദെയറ ഫ്ലോറ ഗ്രാന്‍ഡ്‌ ഹോട്ടലില്‍ വെച്ച്‌ വിവിധ കലാ പരിപാടികളോടെ വസന്തോത്സവം സംഘടിപ്പിച്ചു. മാധ്യമ പ്രവര്‍ത്തകനായ കെ. എം. അബ്ബാസ്‌ ഉദ്ഘാടനം ചെയ്തു.
അല്‍ റഫാ പൊളി ക്ലിനിക്കിലെ ചീഫ്‌ ഫിസിഷ്യന്‍ ഡോ. കെ. പ്രശാന്ത്‌ പ്രമേഹ രോഗത്തിന്റെ വിവിധ വശങ്ങളെ കുറിച്ച് ക്ലാസെടുത്തു.
പ്രസിഡണ്ട് ഉമ്മര്‍ കുട്ടി അദ്ധ്യക്ഷതയും സെക്രട്ടറി ബാബു സ്വാഗതവും പറഞ്ഞു. പുതിയ സെക്രട്ടറിയായി രഞ്ജിത്തിനെയും പ്രസിഡണ്ടായി ഷാജിയേയും തെരഞ്ഞെടുത്തു.
– അയച്ചു തന്നത് : ഇ. ടി. പ്രകാശന്‍
- ജെ.എസ്.
