 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി : യാത്രക്കാരുടെ ബാഗുകളില് നിന്നും ലാപ്ടോപ്പ്, മൊബൈല് ഫോണ് എന്നിവ മോഷ്ടിക്കാനുള്ള ശ്രമത്തിനിടയില് രണ്ട് എയര് ഇന്ത്യാ ഉദ്യോഗസ്ഥരെ പോലീസ് പിടികൂടി. ന്യൂഡല്ഹി ഇന്ദിരാ ഗാന്ധി അന്താരാഷ്ട്ര വിമാനത്താവളത്തില് നിന്നാണ് ഇവരെ കേന്ദ്ര വ്യവസായ സുരക്ഷാ സേന പിടി കൂടിയത്. ദീപക്, അഭിമന്യു എന്നീ എയര് ഇന്ത്യാ ഉദ്യോഗസ്ഥരാണ് പിടിയില് ആയത്. ഇവരുടെ കയ്യില് നിന്നും ഒരു ലാപ്ടോപ്പ്, മൂന്നു മൊബൈല് ഫോണുകള് എന്നിവ കണ്ടെടുത്തു.
- ജെ.എസ്.
വായിക്കുക: കുറ്റകൃത്യം, പോലീസ്, വിമാനം
ബംഗ്ലൂര്: കര്ണാടക വിദ്യാഭ്യാസമന്ത്രി വി. എസ്. ആചാര്യ പൊതുപരിപാടിക്കിടെ വേദിയില് കുഴഞ്ഞ് വീണു മരിച്ചു. 71 വയസായിരുന്നു. ബാഗ്ലൂര് സര്ക്കാര് സയന്സ് കോളജില് ഒരു ചടങ്ങില് പങ്കെടുക്കുകയായിരുന്നു. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഹൃദയാഘാതമാണ് മരണകാരണമെന്ന് ഡോക്ടര്മാര് അറിയിച്ചു. യെദ്യൂരപ്പ മന്ത്രിസഭയില് ആഭ്യന്തര മന്ത്രിയായിരുന്നു. സദാനന്ദഗൌഡ അധികാര മേറ്റപ്പോള് വിദ്യാഭ്യാസ മന്ത്രിയായി. എം. ബി. ബി. എസ് ഡോക്ടറായിരുന്ന ആചാര്യ 1983 ലാണ് കര്ണാടക നിയമസഭയില് ആദ്യമായി വിജയിച്ചെത്തുന്നത്.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, ചരമം
ന്യൂഡല്ഹി: ഗുജറാത്ത് കലാപ കേസില് മുഖ്യമന്ത്രി നരേന്ദ്ര മോഡിയെ വിചാരണ ചെയ്യണമെന്ന് അമിക്കസ് ക്യൂറിയുടെ റിപ്പോര്ട്ടില് നിര്ദ്ദേശമുള്ളതായി സൂചന. കേസില് സുപ്രീം കോടതി നിയോഗിച്ച അമിക്കസ് ക്യൂറി രാജു രാമചന്ദ്രന്റെ റിപ്പോര്ട്ടിലാണ് മോഡിയ്ക്ക് എതിരെ പരാമര്ശം. തെഹല്ക്കയാണ് ഇവ റിപ്പോര്ട്ട് ചെയ്തിരിക്കുന്നത്. മോഡിക്കെതിരെ പരാതി നല്കിയ ഐപിഎസ് ഓഫീസര് സഞ്ജീവ് ഭട്ടിന്റെ വാദങ്ങള് തള്ളിയത് യുക്തി പരമല്ലെന്ന് അമിക്കസ് ക്യൂറി നിരീക്ഷിച്ചതായി റിപ്പോര്ട്ട് പറയുന്നു. ഇദ്ദേഹത്തിന്റെ മൊഴിയും സത്യവാങ്മൂലവും പ്രത്യേക അന്വേഷണ സംഘം കണക്കിലെടുക്കാത്തതിന് ന്യായീകരണമില്ലെന്നും റിപ്പോര്ട്ടില് പറയുന്നു. കേസില് ഭട്ട്, നിര്ണായക സാക്ഷിയും തെളിവുമാണെന്നും അമിക്കസ് ക്യൂറിയുടെ റിപ്പോര്ട്ടില് പറയുന്നു.
ദേശത്തിന്റെ ഐക്യം തകര്ക്കുന്ന പ്രവര്ത്തനം നടത്തുക, മതപരമായ വിദ്വേഷം വളര്ത്തുക, നിയമലംഘനം നടത്തുക തുടങ്ങിയ ക്രിമിനല് കുറ്റങ്ങള് ചുമത്തി കേസെടുക്കണമെന്നാണ് അമിക്കസ് ക്യൂറി റിപ്പോര്ട്ട് പറയുന്നത്. ഇതോടെ സഞ്ജീവ് ഭട്ടിന്റെ വാദങ്ങളെ പിന്തുണയ്ക്കുന്ന റിപ്പോര്ട്ടാണ് അമിക്കസ് ക്യൂറി നല്കിയിരിക്കുന്നതെന്ന് വ്യക്തമാകുന്നു.
- ലിജി അരുണ്
വായിക്കുക: ഇന്ത്യന് രാഷ്ട്രീയ നേതാക്കള്, കുറ്റകൃത്യം, കോടതി, തീവ്രവാദം, പ്രതിഷേധം
ന്യൂഡല്ഹി: തെരഞ്ഞെടുപ്പ് ചട്ട ലംഘനം നടത്തിയ ഖുര്ഷിദിനെതിരെ നടപടി ആവശ്യപ്പെട്ട് തെരഞ്ഞെടുപ്പ് കമ്മിഷന് രാഷ്ട്രപതിയ്ക്ക് കത്ത് നല്കി. രാഷ്ട്രപതി ഭവന് ഉചിതമായ നടപടി സ്വീകരിക്കുന്നതിന് കത്ത് പ്രധാനമന്ത്രിയുടെ ഓഫിസിനു കൈമാറി. നിയമസഭാ തെരഞ്ഞെടുപ്പ് നടക്കാനിരിക്കുന്ന ഉത്തര്പ്രദേശില് ചട്ടങ്ങള് ലംഘിച്ച് ന്യൂനപക്ഷ സംവരണ വാഗ്ദാനം ആവര്ത്തിച്ച നിയമ മന്ത്രി സല്മാന് ഖുര്ഷിദിനെതിരെയാണ് തെരഞ്ഞെടുപ്പ് കമ്മിഷന് ശക്തമായി രംഗത്തെത്തിയത്. 27 ശതമാനം പിന്നോക്ക സംവരണമുള്ള മുസ്ലീങ്ങള്ക്ക് 9 ശതമാനം ഉപസംവരണം വേണമെന്ന മന്ത്രിയുടെ പ്രസ്താവന തിരഞ്ഞെടുപ്പ് ലംഘനമാണെന്ന് തെരഞ്ഞെടുപ്പ് കമ്മിഷന് പറഞ്ഞിരുന്നു. ഇത് അദ്ദേഹത്തിന്റെ മന്ത്രി സ്ഥാനത്തിന് തിരിച്ചടിയാകുമെന്നാണ് റിപ്പോര്ട്ട്. ഖുര്ഷിദിനെ മന്ത്രിസഭയില് നിന്നു പുറത്താക്കണമെന്ന് ബി. ജെ. പി ആവശ്യപ്പെട്ടിട്ടുണ്ട്.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, വിവാദം
ന്യൂഡല്ഹി : കര്ണാടക നിയമസഭക്കകത്ത് മൊബൈല് ഫോണില് അശ്ളീല വീഡിയോ കണ്ട് ജനാധിപത്യത്തെയും ഭരണഘടനയേയും അവഹേളിച്ച മൂന്ന് മന്ത്രിമാരെ ജയിലിലടക്കണമെന്നും മൂന്ന് പേരെയും അസംബ്ളിയില് ഉടന് നിന്ന് പുറത്താക്കണമെന്നും അണ്ണാ ഹസാരെ ആവശ്യപ്പെട്ടു. രാജ്യത്തിന്റെ ഭാവി ഇത്തരക്കരുടെ കയ്യില് ഭദ്രമല്ലെന്നും, രാഷ്ട്രീയ പാര്ട്ടികളില് ഇത്തരക്കാര് വര്ദ്ധിച്ചിരിക്കുകയാണ് ഇവര് രാജ്യത്തെ പവിത്രതക്ക് കളങ്കം വരുത്തും എന്നും ഹസാരെ കുറ്റപ്പെടുത്തി. നിയമസഭക്കകത്ത് ഇരുന്ന് മൊബൈല് ഫോണില് അശ്ളീല ദൃശ്യങ്ങള് കണ്ടതായി ആരോപണമുയര്ന്നതിനെ തുടര്ന്ന് ബി. ജെ. പി. മന്ത്രിമാരായ കൃഷ്ണ പലേമര്, ലക്ഷ്മണ് സവാദി, സി. സി. പാട്ടീല് എന്നിവര് രാജി വെച്ചിരുന്നു.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, കുറ്റകൃത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
