 |
 |
 |
 |
 |
 |
 |
 |
 |
 |
 |
 |
 |
 |
കൊല്‍ക്കത്ത: ബംഗാളിലെ വിഷമദ്യ ദുരന്തത്തില്‍ മരണം 81 ആയി. പശ്ചിമ ബംഗാളിലെ 24 ദക്ഷിണ പര്‍ഗാന ജില്ലയിലെ മൊഗ്രാഹത്തിലാണ് നാടിനെ നടുക്കിയ വിഷമദ്യ ദുരന്തമുണ്ടായത്. സംഗ്രാപൂര്‍ ഗ്രാമത്തിലുള്ളവരാണ് മരിച്ചവരില്‍ ഏറെയും. മരണ സംഖ്യ ഇനിയും കൂടാന്‍ സാദ്ധ്യതയുള്ളതായി അധികൃതര്‍ പറയുന്നു.
-
വായിക്കുക: ദുരന്തം
ന്യൂഡല്‍ഹി : ആള്‍ക്കൂട്ടത്തില്‍ നിന്ന് പെട്ടെന്ന് ഒരാള്‍ നൃത്തം ചെയ്യുക. ഓരോരുത്തരായി ഇയാളോടൊപ്പം ചേര്‍ന്ന് അല്‍പ്പ സമയത്തിനകം ഒരു വലിയ സംഘം തന്നെ ജനക്കൂട്ടത്തിനിടയില്‍ നൃത്തം ചെയ്യുക. അത്ഭുതത്തോടെ നോക്കി നില്‍ക്കുന്ന കാഴ്ചക്കാരെ വിസ്മയിപ്പിച്ചു കൊണ്ട് പൊടുന്നനെ നൃത്തം മതിയാക്കി അപ്രത്യക്ഷമാകുക. ഇതാണ് ഫ്ലാഷ് മോബ്‌.
(ഡല്‍ഹിയില്‍ നടന്ന ഫ്ലാഷ് മോബ്‌)
ന്യൂയോര്‍ക്കിലെ ഗ്രാന്‍ഡ്‌ സെന്‍ട്രല്‍ സ്റ്റേഷന്‍ മുതല്‍ മുംബൈയിലെ ഛത്രപതി ശിവാജി ടെര്‍മിനസില്‍ വരെ ജനക്കൂട്ടത്തെ അമ്പരപ്പിച്ചിട്ടുള്ള ഫ്ലാഷ് മോബ്‌ ഇതാദ്യമായാണ് തലസ്ഥാന നഗരിയില്‍ അരങ്ങേറുന്നത്. ജന്‍പഥില്‍ ആയിരുന്നു ഇതിന്റെ സംഘാടകര്‍ ഫ്ലാഷ് മോബ്‌ നടത്താന്‍ നിശ്ചയിച്ചിരുന്നത്. എന്നാല്‍ പോലീസ്‌ അനുവദിക്കാഞ്ഞതിനെ തുടര്‍ന്നാണ് പെട്ടെന്ന് തന്നെ വസന്ത്‌ വിഹാറിലെ പ്രിയാ മാര്‍ക്കറ്റിലേക്ക് വേദി മാറ്റിയത്‌.
(മുംബൈയില്‍ നടന്ന ഫ്ലാഷ് മോബ്‌)
(ദുബായ്‌ എയര്‍പോര്‍ട്ടില്‍ നടന്ന ഫ്ലാഷ് മോബ്‌)
ഹിന്ദി സിനിമകളില്‍ പെട്ടെന്ന് പ്രത്യക്ഷപ്പെടുന്ന ഗാന രംഗങ്ങളെ ഓര്‍മ്മിപ്പിക്കുന്ന ഫ്ലാഷ് മോബ്‌ ദൈനംദിന സമ്മര്‍ദ്ദങ്ങള്‍ക്ക് ഇടയിലും എല്ലാം മറന്ന് ഒന്ന് ആടാനും പാടാനും പൊട്ടിച്ചിരിക്കാനും നമുക്ക്‌ അവസരം ഒരുക്കുന്നു.
- ജെ.എസ്.
വായിക്കുക: വിനോദം
ന്യൂഡല്‍ഹി: രാജ്യത്തിന്‍റെ തലസ്ഥാന നഗരിയായി ദല്‍ഹി മാറിയതിന്‍റെ നൂറാം പിറന്നാള്‍ ആഘോഷങ്ങള്‍ക്ക് തുടക്കം കുറിച്ചു. ദല്‍ഹി സര്‍ക്കാറിനു കീഴില്‍ ഒരു വര്‍ഷം നീണ്ടുനില്‍ക്കുന്ന ആഘോഷ പരിപാടികള്‍ക്കാണ് തുടക്കമിട്ടത്‌. നൂറു വര്‍ഷത്തെ സ്മരണകള്‍ ഉള്‍പ്പെടുന്ന സുവനീര്‍ പ്രകാശനം തിങ്കളാഴ്ച മുഖ്യമന്ത്രി ഷീലാ ദീക്ഷിത് നിര്‍വഹിച്ചു. കൊല്‍ക്കത്തയില്‍ ആയിരുന്ന തലസ്ഥാനം 1911 ഡിസംബര്‍ 12 നാണ് മുഗള്‍ ഭരണത്തിന്‍റെ സമ്പന്ന സ്മരണകള്‍ നിറഞ്ഞു നില്‍ക്കുന്ന ഡല്‍ഹിയിലേക്ക് അന്നത്തെ ബ്രിട്ടീഷ് ഭരണകൂടം പറിച്ചു നട്ടത്. ജോര്‍ജ് അഞ്ചാമന്‍ ചക്രവര്‍ത്തിയാണ് ഇതിനു മുന്‍കൈ എടുത്തത്‌.
-
ന്യൂഡല്‍ഹി: യു.പി. തിരഞ്ഞെടുപ്പില്‍ നേട്ടമുണ്ടാക്കാനുള്ള രാഹുല്‍ഗാന്ധിയുടെ തന്ത്രത്തിന്റെ ഭാഗമായി ആര്‍. എല്‍. ഡി. നേതാവ് അജിത്‌സിങ് വ്യോമയാനമന്ത്രിയാകും. കോണ്‍ഗ്രസ് ഉന്നതാധികാര സമിതിയാണ് ഈ തീരുമാനം എടുത്തത്‌. അടുത്തയാഴ്ച്ച തന്നെ സത്യപ്രതിജ്ഞ ഉണ്ടാകുമെന്നാണ് റിപ്പോര്‍ട്ട്. അജിത്‌സിങ് സോണിയഗാന്ധി അടക്കമുള്ള നേതാക്കളുമായി കൂടിക്കാഴ്ച്ച നടത്തിയിരുന്നു. ഉത്തര്പ്രദേശ് നിയമസഭാ തിരഞ്ഞെടുപ്പ് മുന്നില്‍ കണ്ട് കോണ്‍ഗ്രസും രാഷ്ട്രീയ ലോക്ദളുമായുള്ള സഖ്യം നിലവില്‍ വന്നതിനു പകരമാണ് ഈ കേന്ദ്രമന്ത്രിസ്ഥാനം. അതോടെ വ്യോമയാനവകുപ്പിന്‍റെ ചുമതലയുള്ള വയലാര്‍ രവിക്ക് മാറേണ്ടി വരും.
-
വായിക്കുക: ഇന്ത്യന്‍ രാഷ്ട്രീയം, വിമാനം
ന്യൂഡല്‍ഹി: അണ്ണാ ഹസാരെയുടെ ഉപവാസ വേദിയിലേക്ക് പ്രതിപക്ഷ പാര്‍ട്ടികള്‍ കൂട്ടത്തോടെ പോയത് ഹസാരെ ടീം കോണ്‍ഗ്രസിനെ പ്രത്യേകമായി ആക്രമിക്കുന്നതിന് കൂട്ടായാണെന്ന് കോണ്‍ഗ്രസ് ജനറല്‍ സെക്രട്ടറി ദിഗ്വിജയ് സിങ് കുറ്റപ്പെടുത്തി. ഹസാരെക്കും പ്രതിപക്ഷ പാര്‍ട്ടികള്‍ക്കുമെതിരെ രൂക്ഷവിമര്‍ശം ഉയര്‍ത്തി കോണ്‍ഗ്രസ് കോണ്‍ഗ്രസ് നേതാക്കള്‍ രംഗത്ത്‌ വന്നു. പാര്‍ലിമെന്റ് ചെയ്യേണ്ട കാര്യങ്ങള്‍ ഹസാരെ ഏറ്റെടുക്കേണ്ടതില്ല, അവരുടെ ലക്ഷ്യം രാഷ്ട്രീയമാണ്. അഴിമതിയല്ല. കോണ്‍ഗ്രസിനെതിരായ സാഹചര്യം രാജ്യത്ത് ഉണ്ടാക്കാനാണ് ഇവരുടെ ശ്രമം. ഹസാരെയുടെ മാത്രമല്ല, രാംദേവിന്‍െറയും ശ്രീശ്രീ രവിശങ്കറുടെയും ലക്ഷ്യം രാഷ്ട്രീയമാണ്. ബി. ജെ. പിക്ക് വേണ്ടിയാണ് ഹസാരെ പണിയെടുക്കുന്നത്. ഭീകര ചെയ്തികളില്‍ സംഘ്പരിവാറിനുള്ള പങ്കാളിത്തത്തില്‍ നിന്ന് ശ്രദ്ധ തിരിക്കാനാണ് ബി. ജെ. പി ശ്രമിക്കുന്നത്, ഹസാരെ അതിനുള്ള ഉപകരണമാണ് ദിഗ്വിജയ് സിങ് പറഞ്ഞു. രാഹുല്‍ ഗാന്ധിയെ ഉന്നമിട്ട് ഹസാരെ സംസാരിക്കുന്നതിനെയും ദിഗ്വിജയ് സിങ് വിമര്‍ശിച്ചു.
-
വായിക്കുക: അഴിമതി, ഇന്ത്യന്‍ രാഷ്ട്രീയം, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
