 |
 |
 |
 |
 |
 |
 |
 |
 |
 |
 |
 |
 |
 |
കൊല്ക്കത്ത : മാവോയിസ്റ്റ് വിരുദ്ധ നീക്കം ശക്തമായ സാഹചര്യത്തില് 4 മാസത്തേക്ക് സൈനിക നടപടികള് നിര്ത്തി വെയ്ക്കുകയാണെങ്കില് തങ്ങളും വെടി നിര്ത്താന് തയ്യാറാണ് എന്ന് മാവോയിസ്റ്റുകള് അറിയിച്ചു. ഈ കാര്യം അറിയിച്ച് മാവോയിസ്റ്റുകള് കത്തെഴുതി എന്നാണ് സര്ക്കാര് വക്താവ് അറിയിച്ചത്. രണ്ടു തൃണമൂല് കോണ്ഗ്രസ് നേതാക്കളെ വെടി വെച്ച് കൊന്ന സാഹചര്യത്തില് മാവോയിസ്റ്റുകളുടെ നേരെയുള്ള സൈനിക നടപടികള് പുനരാരംഭിക്കും എന്ന് ഇന്നലെ മുഖ്യമന്ത്രി മമതാ ബാനര്ജി പ്രഖ്യാപിച്ചിരുന്നു.
- ജെ.എസ്.
വായിക്കുക: തീവ്രവാദം, പോലീസ് അതിക്രമം, പ്രതിഷേധം
മുംബൈ : 4 മിനിട്ടില് 5 വയസില് താഴെ പ്രായമുള്ള ഒരു കുഞ്ഞു വീതം ഇന്ത്യയില് ന്യൂമോണിയ പോലുള്ള ഒഴിവാക്കാവുന്ന അസുഖങ്ങള് മൂലം മരണമടയുന്നു എന്നാണ് കണക്ക്. പ്രതിരോധ മരുന്നുകള് ലഭ്യമാക്കാത്തത് മൂലമാണ് ഇത് എന്ന് അന്താരാഷ്ട്ര ഏജന്സികള് കുറ്റപ്പെടുത്തുന്നു. എന്നാല് ന്യൂമോണിയ മൂലം പ്രതിവര്ഷം മരിക്കുന്ന 3.71 ലക്ഷം കുട്ടികളുടെ ജീവന് രക്ഷിക്കാന് കേവലം പ്രതിരോധ മരുന്ന് മാത്രമാണോ വഴി? അല്ലെന്ന് ആരോഗ്യ രംഗത്തെ വിദഗ്ദ്ധര് അറിയിക്കുന്നു. ശുചിത്വമുള്ള ജീവിത സാഹചര്യങ്ങള് തന്നെയാണ് ന്യൂമോണിയ തടയാന് ഏറ്റവും ആവശ്യം എന്ന് ഇവര് ചൂണ്ടിക്കാട്ടുന്നു.
വികസ്വര രാജ്യങ്ങളില് മുഴുവന് പ്രതിരോധ കുത്തിവെപ്പ് നടത്താന് ശുപാര്ശ ചെയ്യുന്ന അന്താരാഷ്ട്ര ഏജന്സികള് പക്ഷെ പ്രതിരോധ വാക്സിന്റെ വില കുറയ്ക്കുവാന് കൂടി നടപടികള് സ്വീകരിക്കണം എന്ന് ഡോക്ടര്മാര് പറയുന്നു. 4 ബൂസ്റ്റര് കുത്തിവെപ്പുകള് കൂടിയാവുമ്പോള് ന്യൂമോനിയയുടെ പ്രതിരോധത്തിനുള്ള ചിലവ് 16000 രൂപയാവും. സമൂഹത്തിലെ ഒരു ചെറിയ വിഭാഗത്തിന് മാത്രമേ ഇത് താങ്ങാനാവൂ എന്നതാണ് ഇന്ത്യയില് നിലവിലുള്ള അവസ്ഥ. എയിഡ്സ് മരുന്നിന് വില കുറച്ചത് പോലെ പ്രതിരോധ കുത്തിവെപ്പുകളുടെ വിളകള് കൂടി കുറയ്ക്കണം എന്ന് ആരോഗ്യ രംഗത്തെ വിദഗ്ദ്ധര് ആവശ്യപ്പെടുന്നു.
- ജെ.എസ്.
വായിക്കുക: ആരോഗ്യം, കുട്ടികള്
ന്യൂഡല്ഹി : ഇന്ത്യയുടെ ആണവ ശക്തി വ്യക്തമാക്കിക്കൊണ്ട് ഇന്ത്യ ഏറ്റവും ആധുനികമായ ആണവ ശേഷിയുള്ള അഗ്നി – 2 മിസൈല് വിജയകരമായി പരീക്ഷിച്ചു. 3000 കിലോമീറ്റര് ആണ് ഈ മിസൈലിന്റെ പ്രഹര ദൂരം. ഇന്നലെ രാവിലെ 9 മണിക്കാണ് ഭൂതല – ഭൂതല മിസൈല് ആയ അഗ്നി – 2 വീലര് ദ്വീപില് നിന്നും പരീക്ഷണ അടിസ്ഥാനത്തില് വിക്ഷേപിച്ചത്. 20 മീറ്റര് നീളവും 17 ടണ് ഭാരവുമുള്ള മിസൈലിന് ഒരു ടണ് ഭാരം വഹിക്കാനാവും.
- ജെ.എസ്.
ന്യൂഡല്ഹി : ഇന്ത്യയുടെ ഔദ്യോഗിക വിമാന കമ്പനിയില് തൊഴിലാളി സമരവും അപകടങ്ങളും വിമാനം റദ്ദ് ചെയ്യലും ഒക്കെയായി പ്രശ്നങ്ങള് കൊടുമ്പിരി കൊള്ളുന്ന തക്കത്തില് വിദേശ വിമാന കമ്പനികള്ക്കായി ഇന്ത്യന് ആഭ്യന്തര വിമാന ഗതാഗത രംഗം തുറന്നു കൊടുക്കുവാനുള്ള പദ്ധതികള് പരിഗണിക്കും എന്ന് വ്യോമ ഗതാഗത മന്ത്രി വയലാര് രവി അറിയിച്ചു.
വിദേശ കമ്പനികളുടെ കടന്നു വരവ് സുഗമമാക്കാനുള്ള മാസ്റ്റര് പ്ലാനിന്റെ ഭാഗമായാണ് ഇന്ത്യന് വിമാന കമ്പനികളില് നടക്കുന്ന മിക്ക സമരങ്ങളും അകാരണമായ സര്വീസ് റദ്ദ് ചെയ്യലുമൊക്കെ എന്നൊക്കെയുള്ള ആരോപണങ്ങള് ശക്തമാവുമ്പോള് വയലാര് രവിയുടെ പ്രസ്താവനയ്ക്ക് ഏറെ പ്രാധാന്യം കൈവരുന്നു.
ഏറ്റവും ഒടുവിലായി പ്രതിസന്ധി മൂലം നിരവധി സര്വീസുകള് നിര്ത്തി വെച്ച് യാത്രക്കാര്ക്ക് ഏറെ ബുദ്ധിമുട്ട് സൃഷ്ടിച്ച കിംഗ്ഫിഷര് എയര്ലൈന്സിന്റെ ചെയര്മാന് വിജയ് മല്യ തങ്ങളുടെ സാമ്പത്തിക പ്രതിസന്ധി പരിഹരിക്കാന് വിദേശ നിക്ഷേപമായി 400 കോടി രൂപ ഉടനടി ആവശ്യമാണെന്നും അതിനാല് ആഭ്യന്തര വിമാന ഗതാഗത രംഗത്ത് വിദേശ നിക്ഷേപത്തിനുള്ള അനുമതി സര്ക്കാര് നല്കണമെന്ന് ആവശ്യപ്പെട്ടതും ഇതിനോട് ചേര്ത്ത് വായിക്കാവുന്നതാണ്.
ഇന്ത്യന് വിമാന കമ്പനികളെ അടച്ചു പൂട്ടാന് നിര്ബന്ധിതമാക്കുകയും ലോകത്തെ തന്നെ ഏറ്റവും സമ്പന്നമായ വിപണിയായ ഇന്ത്യയിലെ ആഭ്യന്തര വിമാന ഗതാഗത രംഗം വിദേശ വിമാന കമ്പനികള്ക്ക് ആധിപത്യം സ്ഥാപിക്കാനായി തുറന്നു കൊടുക്കുകയും ചെയ്യുന്നതോടു കൂടി അവശേഷിക്കുന്ന ഇന്ത്യന് കമ്പനികള് കൂടി പൂട്ടിപ്പോവും എന്നത് ഉറപ്പാണ്. ഇത് തന്നെയാണ് വിദേശ കമ്പനികളെ സഹായിക്കാനായി കച്ച കെട്ടി ഭരണത്തില് ഏറിയിരിക്കുന്ന രാഷ്ട്രീയ നേതൃത്വത്തിന് വേണ്ടതും.
- ജെ.എസ്.
വായിക്കുക: അഴിമതി, വിമാനം, സാമ്പത്തികം
മുംബൈ: ചെക്ക്,ഡ്രാഫ്റ്റ്, ബാങ്കേഴ്സ് ചെക്ക്, പേ ഓര്ഡര് തുടങ്ങിയവയുടെ കാലാവധി മൂന്നുമാസമാക്കിക്കൊണ്ട് റിസര്വ്വ് ബാങ്ക് ഓഫ് ഇന്ത്യ (ആര്. ബി. ഐ) നിയന്ത്രണങ്ങള് കൊണ്ടു വരുന്നു. 2012 ഏപ്രില് ഒന്നുമുതല് ആയിരിക്കും ഇത് പ്രാബല്യത്തില് വരിക. നിലവില് ആറുമാസമാണ് കാലാവധി എന്നാല് ഇത് പലരും ദുരുപയോഗം ചെയ്യുന്നതായിട്ട് കണ്ടതിനെ തുടര്ന്നാണ് പുതിയ നിയന്ത്രണം കൊണ്ടുവരുവാന് റിസര്വ്വ് ബാങ്ക് ഓഫ് ഇന്ത്യ തീരുമാനിച്ചത്. കാലാവധിയില് മാറ്റം വരുത്തിയ കാര്യം ബാങ്കുകള് ചെക്കുകളില് രേഖപ്പെടുത്തണമെന്നും ഉപഭോക്താക്കളെ അറിയിക്കണമെന്നും 2012 ഏപ്രില് ഒന്നിനു ശേഷം 3 മാസത്തിലധികം കാലാവധിയുള്ള ചെക്കുകള് ഉപഭോക്താക്കള് ബാങ്കുകളില് സമര്പ്പിച്ചാല് അതിനു പണം നല്കരുതെന്ന് ആര്. ബി. ഐ നിര്ദ്ദേശത്തില് പറയുന്നു.
- ലിജി അരുണ്
വായിക്കുക: സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
