 |
 |
 |
 |
 |
 |
 |
 |
 |
 |
 |
 |
 |
 |
ദല്‍ഹി: രാജ്യം ഇന്ന് അറുപത്തിയഞ്ചാമത് സ്വാതന്ത്ര്യദിനം ആഘോഷിച്ചു . രാവിലെ ഡല്‍ഹിയിലെ ചെങ്കോട്ടയില്‍ നടന്ന പരമ്പരാഗതമായ ചടങ്ങില്‍ പ്രധാനമന്ത്രി മന്‍മോഹന്‍ സിംഗാണ് ദേശീയ പതാകയുയര്‍ത്തി ആഘോഷങ്ങള്‍ക്ക് തുടക്കം കുറിച്ചത്.രാജ്യം മുഴുവന്‍ ഇപ്പോള്‍ സ്വാതന്ത്ര്യദിനാഘോഷം ആഘോഷിക്കുകയാണ് .
-
വായിക്കുക: ഇന്ത്യ
ന്യൂഡല്‍ഹി: ഗംഗാനദിയിലെ മാലിന്യനിക്ഷേപം ഗുരുതരമാണെന്നും ഇത് വന്‍ ദുരന്തത്തെ വിളിച്ചുവരുത്തുമെന്നും എല്‍ .കെ. അദ്വാനി പറഞ്ഞു . ഒരു ബോംബ്‌ സ്‌ഫോടനത്തില്‍ നഷ്‌ടപ്പെടുന്നതിലധികം ജീവനുകളാണ് ഗംഗയിലെ മാലിന്യമുണ്‌ടാക്കുന്ന പ്രശ്‌നങ്ങളിലൂടെ നഷ്‌ടപ്പെടുന്നതെന്ന് അദ്ദേഹം കൂട്ടിച്ചേര്‍ത്തു. തന്റെ ബ്ലോഗിലൂടെയാണ്‌ അഡ്വാനി ഗംഗയിലെ മാലിന്യനിക്ഷേപത്തില്‍ ആശങ്ക രേഖപ്പെടുത്തിയത്‌. ഗംഗയുടെ തീരത്തു താമസിക്കുന്ന നിരവധി പേര്‍ നദിയിലെ മാലിന്യങ്ങള്‍ വരുത്തുന്ന പ്രശ്‌നങ്ങള്‍ മൂലം വര്‍ഷം തോറും മരിക്കുന്നുണ്‌ടെന്ന്‌ അഡ്വാനി ചൂണ്‌ടിക്കാട്ടി
-
വായിക്കുക: ഇന്ത്യന്‍ രാഷ്ട്രീയ നേതാക്കള്‍, പരിസ്ഥിതി
ദല്‍ഹി: സ്വാതന്ത്ര്യദിനത്തോട് അനുബന്ധിച്ച് രാഷ്ട്രപതി പ്രഖ്യാപിക്കുന്ന പോലീസ് മെഡലിന് കേരളത്തില്‍ നിന്ന് 14 പേര്‍ അര്‍ഹരായി. എഡിജിപി മഹേഷ്‌കുമാര്‍ സിംഗ്ല, എന്‍ ഗോപാലകൃഷ്ണന്‍ എന്നിവര്‍ വിശിഷ്ട സേവാ പുരസ്‌കാരത്തിന് അര്‍ഹരായി. ഐ.ജി ടി.കെ വിനോദ്കുമാര്‍, യോഗേഷ് ഗുപ്ത എന്നിവര്‍ക്ക് സ്തുത്യര്‍ഹ സേവനത്തിനുള്ള മെഡല്‍ ലഭിച്ചു. ഡി.ഐ.ജി മനോജ് ഏബ്രഹാം, എസ്.പിമാരായ ജേക്കബ് ജോബ്, എം.മുരളീധരന്‍ നായര്‍, കെ സ്‌കറിയ, എ.സി.പി കെ.എസ് ശ്രീകുമാര്‍, കെ.എ.പി കമാന്‍ഡന്റ് സി.സോഫി, പി.രാജന്‍, കെ വിജയന്‍, രഹസ്യാന്വേഷണ വിഭാഗത്തിലെ പി.കെ രാധാകൃഷ്ണപിള്ള, ടി.എന്‍ ശങ്കരന്‍കുട്ടി, പാലക്കാട് ജയില്‍ സൂപ്രണ്ട് എ.ജെ മാത്യു, കെ.സി കുര്യച്ചന്‍, കൊച്ചി സി.ബി.ഐ യൂണിറ്റിലെ സി.എസ് മണി, ഐ.ബി ശ്രീനിവാസന്‍ എന്നിവരും പോലീസ് മെഡലിന് അര്‍ഹരായവരില്‍ ഉള്‍പ്പെടുന്നു.
-
ബര്‍മിങ്ങാം: ഇന്ത്യന്‍ ക്രിക്കറ്റ് ടീമിനെതിരെ നിശിതമായ വിമര്‍ശനവുമായി മുന്‍ ക്യാപ്റ്റന്‍ സൗരവ്‌ ഗാംഗുലി രംഗത്ത്‌ വന്നു. കഴിഞ്ഞ ദശാബ്ദത്തിലെ ഏറ്റവും മോശം ഇന്ത്യന്‍ ടീമാണ് ഇപ്പോഴത്തേതെന്നാണ് അദ്ദേഹം അഭിപ്രായപ്പെട്ടത്‌. നമ്മള്‍ ഒരു സാധാരണ ടീം മാത്രമാണെന്ന് ഇനിയെങ്കിലും അംഗീകരിക്കേണ്ടിയിരിക്കുന്നു. ഇതില്‍ തന്നെ തീര്‍ത്തും പരിതാപകരമായിരുന്നു ഇഗ്ലണ്ടുമായി മൂന്നാം ടെസ്റ്റിലെ രണ്ടാം ദിവസത്തെ കളി. 90 ഓവറില്‍ നിന്ന് ഇംഗ്ലണ്ട് 372 റണ്‍സെടുത്തപ്പോള്‍ ഇന്ത്യയ്ക്ക് മൂന്ന് വിക്കറ്റുകള്‍ വീഴ്ത്താനേ കഴിഞ്ഞുള്ളു. തയ്യാറെടുപ്പുകളിലെ അപര്യാപ്തതയാണ് ഇന്ത്യയുടെ തിരിച്ചടിക്ക് വഴിവച്ചത്. ഇംഗ്ലണ്ടിനെപ്പോലെ കരുത്തുറ്റ ഒരു നിരയ്‌ക്കെതിരെ വെറുതെ വന്ന് വിജയിക്കാന്‍ കഴിയില്ല. ബാറ്റിങ്ങും ബൌളിങ്ങും ഒരുപോലെ മോശമായി. ഇതോടെ ടെസ്റ്റ്‌ റാങ്കിംഗില്‍ ഇന്ത്യ താഴേക്ക്‌ പോയി കഴിഞ്ഞ ഇരുപതു മാസമായി ഇന്ത്യയായിരുന്നു റാങ്കിംഗില്‍ ഒന്നാമത്‌. ഇംഗ്ലണ്ടിനെതിരെ ദയനീയമായി പരാജയപ്പെട്ടതോടെ ടെസ്റ്റ്‌ റാങ്കിംഗില്‍ ഇന്ത്യുടെ സ്ഥാനം ഇംഗ്ലണ്ട് പിടിച്ചുവാങ്ങി. ബി.ബി.സി.ക്ക് നല്‍കിയ അഭിമുഖത്തിലാണ് ഗാംഗുലി ഇന്ത്യന്‍ ടീമിനെതിരെ ശക്തമായി തുറന്നടിച്ചത്.
-
വായിക്കുക: കായികം, ക്രിക്കറ്റ്
ന്യൂഡല്‍ഹി: അഴിമതിക്കാരനായ അന്നാ ഹസാരയ്ക്ക് അഴിമതിക്കെതിരെ സമരം നടത്താന്‍ അവകാശമില്ലെന്ന് കോണ്ഗ്രസ് വക്താവ് മനീഷ് തിവാരി പറഞ്ഞു. സുശക്തമായ ലോക്പാല്‍ നിയമം വേണമെന്ന് ആവശ്യപ്പെട്ട് സാമൂഹ്യപ്രവര്‍ത്തകന്‍ അന്നാ ഹസാരെ ആഗസ്റ്റ്‌ 16നു വീണ്ടും അനിശ്ചിതകാല നിരാഹാരം പ്രഖ്യാപിച്ചിരിക്കുന്ന സാഹചര്യത്തിലാണ് കോണ്ഗ്രസ് രൂക്ഷ വിമര്‍ശനവുമായി രംഗത്തെത്തിയിരിക്കുന്നത്. അന്നാ ഹസാരയുടെ നിയന്ത്രണത്തിലുള്ള ട്രസ്റ്റില്‍ സാമ്പത്തിക ക്രമക്കേടുകള്‍ നടത്തിയതിന് തെളിവുണ്ട്. ഹൈക്കോടതി നിയോഗിച്ച ജസ്റ്റിസ് സാവന്ത് കമ്മീഷന്‍ ഇക്കാര്യം കണ്ടെത്തിയിട്ടുണ്ടെന്നും മനീഷ് തിവാരി പറഞ്ഞു. തന്റെ ട്രസ്റ്റിന്റെ പേരിലും ഹസാരെ കൂടി അംഗമായ മറ്റൊരു ട്രസ്റ്റിന്റെ പേരിലും അന്നാ ഹസാര അഴിമതി നടത്തിയെന്നാണ് തെളിവുകള്‍ സഹിതം കമ്മീഷന്‍ കണ്ടെത്തിയിട്ടുണ്ടെന്നും ഇങ്ങനെയൊരാള്‍ക്ക് അഴിമതിക്കെതിരെ സംസാരിക്കാന്‍ അവകാശമില്ല എന്നും അദ്ദേഹം കൂട്ടിച്ചേര്‍ത്തു. പ്രധാനമന്ത്രിക്ക് എഴുതിയ കത്തിലെ പരാമര്‍ശങ്ങളിലൂടെ പ്രധാനമന്ത്രിയെ അല്ല ദേശീയ പതാകയെ അവഹേളിക്കുകയാണ് അന്നാ ഹസാരെ ചെയ്തത്. ഈ ഇരട്ടത്താപ്പ് അംഗീകരിക്കാനാകില്ലെന്നും മനീഷ് തിവാരി പറഞ്ഞു.
-
വായിക്കുക: അഴിമതി, ഇന്ത്യന്‍ രാഷ്ട്രീയം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
