ന്യൂഡല്ഹി : ലോകത്തെ ഏറ്റവും വലിയ ബെയിംഗന് ഭര്ത്ത പാചകം ചെയ്യാന് ഒരുങ്ങുകയാണ് സെപ്റ്റംബര് 6ന് ഡല്ഹിയില്. ജനിതക മാറ്റം വരുത്തിയ സസ്യ വര്ഗ്ഗങ്ങള്ക്ക് എതിരെയുള്ള സമരത്തിന്റെ ഏറ്റവും പുതിയ മുഖമാണ് ജനിതക മാറ്റം വരുത്താത്ത സ്വാഭാവിക വഴുതനങ്ങകള് കൊണ്ട് പാചകം ചെയ്യുന്ന ലോകത്തെ ഏറ്റവും വലിയ ബെയിംഗന് ഭര്ത്ത എന്ന ഉത്തരേന്ത്യന് വിഭവം.
പ്രശസ്ത പാചക വിദഗ്ദ്ധരും സിനിമാ പ്രവര്ത്തകരും മറ്റും ഇതില് പങ്കെടുക്കും എന്നത് കൊണ്ട് വന് ജനാവലിയാണ് ഇവിടെ പ്രതീക്ഷിക്കുന്നത്.
ബയോ ടെക്നോളജി റെഗുലേറ്ററി അതോറിറ്റി ഓഫ് ഇന്ഡ്യ (Biotechnology Regulatory Authority of India – BRAI) ഇന്ത്യയിലേക്ക് ജനിതകമാറ്റം വരുത്തിയ ഭക്ഷണ പദാര്ഥങ്ങളുടെ കടന്നു വരവ് സുഗമമാക്കുന്നതിന് എതിരെയുള്ള 92,000 പേരുടെ പ്രതിഷേധത്തിന്റെ പ്രതീകമായ ഈ ബെയിംഗന് ഭര്ത്തയ്ക്ക് എരിവ് കൂടും എന്ന കാര്യം ഏതായാലും ഉറപ്പാണ്.
