ന്യൂഡല്ഹി : ഏറെ ഒച്ചപ്പാടുണ്ടാക്കിയ രുചിക പീഡന കേസില് മുന് ഹരിയാനാ ഡി. ജി. പി. എസ്. പി. എസ്. റാത്തോഡിനു കോടതി ഒന്നര വര്ഷം തടവ് ശിക്ഷ നല്കി. വിധിയ്ക്കെതിരെ പ്രതിയ്ക്ക് അപ്പീല് നല്കാവുന്നതാണ് എന്ന് വ്യക്തമാക്കിയ കോടതി പ്രതിയെ ഉടനടി ജെയിലിലേക്ക് കൊണ്ട് പോകാനും ഉത്തരവിട്ടു. ഇയാളെ പോലീസ് കസ്റ്റഡിയില് എടുത്തിട്ടുണ്ട്. സി. ബി. ഐ. കോടതി 6 മാസത്തേയ്ക്ക് ശിക്ഷിച്ച ഇയാള് മേല് കോടതിയില് നല്കിയ ഹരജിയിന്മേലാണ് ഈ വിധി.
ടെന്നീസ് കളിക്കാരി യായ 14 വയസ്സുകാരി രുചികയെ 1990 ആഗസ്ത് 12ന് റാത്തോഡ് മാനഭംഗപ്പെടുത്തി എന്നാണ് കേസ്. രുചികയുടെ അച്ഛന് പോലീസില് നല്കിയ പരാതി പിന്വലി പ്പിക്കാനായി രുചികയുടെ വീട്ടുകാരെ പോലീസ് നിരന്തരം വേട്ടയാടി. രുചികയുടെ അച്ഛനും 18-കാരനായ സഹോദര നുമെതിരെ റാത്തോഡ് 11 ക്രിമിനല് കേസുണ്ടാക്കി. പിന്നീട് ഫീസ് നല്കിയില്ലെന്ന കാരണം പറഞ്ഞ് രുചികയെ സ്കൂളില്നിന്ന് പുറത്താക്കി. ഇതില് മനം നൊന്ത് പെണ്കുട്ടി ആത്മഹത്യ ചെയ്യുകയായിരുന്നു.
19 വര്ഷത്തെ നിയമ യുദ്ധത്തിനു ശേഷം 67-കാരനായ റാത്തോഡിന് പെണ്കുട്ടിയെ മാനഭംഗപ്പെടുത്തിയ കേസില് ആറു മാസം തടവിനും ആയിരം രൂപ പിഴയടയ്ക്കാനുമാണ് സി. ബി. ഐ. കോടതി വിധിച്ചത്. എന്നാല്, ഈ ശിക്ഷ നീതീകരിക്ക ത്തക്കതല്ലെന്ന് രുചികയുടെ ബന്ധുക്കള് ചൂണ്ടിക്കാട്ടിയിരുന്നു. റാത്തോഡിനെതിരെ ആത്മഹത്യാ പ്രേരണയ്ക്കും കേസെടുക്ക ണമെന്നായിരുന്നു അവരുടെ ആവശ്യം.
അതിനിടെ, കേസില് അകപ്പെട്ടിട്ടും മികച്ച സേവനത്തിനു ലഭിച്ച പോലീസ് മെഡല് തിരിച്ചു നല്കാത്ത തെന്തെന്ന് ആരാഞ്ഞ് ഹരിയാന ആഭ്യന്തര മന്ത്രാലയം റാത്തോഡിന് കാരണം കാണിക്കല് നോട്ടീസും അയച്ചിരുന്നു. ഇയാളുടെ പെന്ഷന് ആനുകൂല്യങ്ങള് പിന്വലിക്കുന്നതിനും കേന്ദ്ര സര്ക്കാര് നീക്കം തുടങ്ങിയിട്ടുണ്ട്.
റാഞ്ചി : രാഷ്ട്രീയ അനിശ്ചിതത്വത്തിന് താല്ക്കാലിക വിരാമമിട്ടു കൊണ്ട് ബി. ജെ. പി. ജാര്ഖണ്ഡിലെ ഷിബു സോറന് സര്ക്കാരിനുള്ള പിന്തുണ പിന്വലിച്ചു. ഇതോടെ ന്യൂനപക്ഷമായ സോറന് സര്ക്കാരിന്റെ ഭാവി പരുങ്ങലിലായതോടെ ജാര്ഖണ്ഡില് പുതിയ രാഷ്ട്രീയ സമവാക്യങ്ങള്ക്ക് കളമൊരുങ്ങി. 81 അംഗ സഭയില് 18 സീറ്റ് വീതം ഇപ്പോള് ബി. ജെ. പി. ക്കും ഷിബു സോറന് നയിക്കുന്ന ജാര്ഖണ്ഡ് മുക്തി മോര്ച്ചയ്ക്കും ഉണ്ട്. 5 അംഗങ്ങള് ഓള് ജാര്ഖണ്ഡ് സ്റ്റുഡനസ് യൂണിയനും, 2 സീറ്റ് ജനതാ ദള് യുനൈറ്റഡിനും ഉണ്ട്.
മംഗലാപുരം : ദുബായില് നിന്നും 166 പേരുമായി മംഗലാപുരത്ത് എത്തിയ എയര് ഇന്ത്യ എക്സ്പ്രസ്സ് വിമാനം ഇറങ്ങുന്ന വേളയില് തകര്ന്നു 158 പേര് കൊല്ലപ്പെട്ടു. കണ്ണൂര് കാസര്ഗോഡ് സ്വദേശികളായ 50ഓളം മലയാളികളും മരിച്ചവരില് ഉള്പ്പെടുന്നു എന്നാണു പ്രാഥമിക വിവരം. രാവിലെ 06:03നാണ് അപകടം നടന്നത്.
മുംബൈ: ജനസംഖ്യയുടെ 60 ശതമാനം ചേരികളില് വസിക്കുന്ന മുംബൈ മഹാ നഗരത്തില് നഗര ശുചീകരണത്തിന്റെ പേരില് 800 കുടുംബങ്ങളെ കുടിയൊഴിപ്പിച്ചു. കുടിയൊഴിപ്പിക്കാന് എത്തിയ പോലീസ് സംഘം ആളുകളെ മാറ്റിയതിനു ശേഷം ചേരി പ്രദേശം വളഞ്ഞു. ഇതിനിടയില് പൊടുന്നനെ കുടിലുകള്ക്ക് തീ പിടിച്ചു സര്വ്വസ്വവും കത്തി നശിച്ചു. തങ്ങളുടെ വാസ സ്ഥലവും അതിനുള്ളിലെ സര്വ്വ വസ്തുക്കളും കത്തി നശിക്കുന്നത് നോക്കി വാവിട്ട് കരയുവാനേ സ്ഥല വാസികള്ക്ക് കഴിഞ്ഞുള്ളു. മുംബൈയിലെ മാന്ഖുര്ദ് എന്ന സ്ഥലത്തെ ചേരി നിവാസികള്ക്കാണ് ഈ ദുരനുഭവം ഉണ്ടായത്. മറാത്തിയും, ഉത്തര് പ്രദേശുകാരനും, തെലുങ്കനും, തമിഴനും ജാതി മത ഭേദമില്ലാതെ ഒരുമിച്ചു കഴിഞ്ഞിരുന്ന ഒരു “ചെറു ഇന്ത്യ” യായിരുന്നു ഇവിടം.
41 പേര് കൊല്ലപ്പെടാന് ഇടയായ ദന്തേവാഡ നക്സല് ആക്രമണം ആദിവാസി കളുടെ പ്രശ്നത്തില് സജീവമായി ഇടപെടുന്ന എഴുത്തുകാരിയും, ബുക്കര് പുരസ്കാര ജേതാവുമായ അരുന്ധതി റോയ് അപലപിച്ചു. മാവോയിസ്റ്റുകള് മനപൂര്വ്വം പൊതുജനത്തെ ആക്രമിച്ചു എന്നാണ് മാധ്യമ റിപ്പോര്ട്ടുകള്. ഇത് ശരിയാണെങ്കില്, ഒരു തരത്തിലും ന്യായീകരിക്കാന് ആവില്ല. എന്നാല് ആക്രമണത്തിന് ഇരയായ ബസില് സാധാരണ ജനം ഉണ്ടായി രുന്നുവെങ്കില് അത് സര്ക്കാരിന്റെ ഭാഗത്ത് നിന്നും വന്ന വീഴ്ചയാണ് എന്ന് ഇവര് ചൂണ്ടി ക്കാണിക്കുന്നു. യുദ്ധ ഭൂമിയില് സാധാരണ ജനം സഞ്ചരിക്കുന്ന ബസില്, സുരക്ഷാ ഉദ്യോഗസ്ഥരെയും സൈനികരെയും സഞ്ചരിക്കാന് അനുവദിച്ചത് അക്ഷന്തവ്യമായ സുരക്ഷാ പാളിച്ചയാണ്.
