ന്യൂഡല്‍ഹി : ഇന്ധന വില വര്‍ദ്ധന വിനെതിരെ പ്രതിഷേധിക്കാനായി, കോണ്ഗ്രസ് ഒഴികെയുള്ള രാഷ്ട്രീയ കക്ഷികള്‍ ഒന്നിച്ചു ആഹ്വാനം ചെയ്ത ദേശീയ ബന്ദ് ജന ജീവിതം ഭാഗികമായി മരവിപ്പിച്ചു. ചില സംസ്ഥാനങ്ങളില്‍ ബന്ദ് അക്രമാസക്തവുമായി. ജനതാ ദള്‍ (യു.), ജനതാ ദള്‍ (എസ്), സമാജ്‌വാദി പാര്‍ട്ടി, സി.പി.ഐ. എം., സി. പി. ഐ., ഫോര്‍വേഡ്‌ ബ്ലോക്ക്‌, ശിവ സേന, ആര്‍. എസ്. പി. എ. ഐ. എ. ഡി. എം. കെ., എം. ഡി. എം. കെ., തെലുങ്ക്‌ ദേശം പാര്‍ട്ടി, ഭാരതീയ ജനതാ ദള്‍, എ. ജി. പി., അകാലി ദള്‍, ഐ. എന്‍. എല്‍. ഡി., ബി. ജെ. പി. എന്നീ പാര്‍ട്ടികളാണ് ബന്ദില്‍ പങ്കു ചേര്‍ന്നത്‌. ഭാരതത്തിന്റെ രാഷ്ട്രീയ ചരിത്രത്തില്‍ തന്നെ ഇതാദ്യമായാണ് ഇത്രയേറെ കക്ഷികള്‍ ഒന്നുചേര്‍ന്ന് ബന്ദ് ആചരിക്കുന്നത് എന്ന് അഭിപ്രായപ്പെട്ട എല്‍. കെ അദ്വാനി, ബന്ദ് സമാധാനപരം ആയി നടത്തണം എന്നും ആഹ്വാനം ചെയ്തു.
 |
 |
 |
 |
 |
 |
 |
 |
 |
 |
 |
 |
 |
 |
ഡെറാഡൂണ്‍ : എല്ലാ ഗോസ്സിപ്പു കള്‍ക്കും വിട നല്‍കി ക്കൊണ്ട് ഇന്ത്യന്‍ ക്രിക്കറ്റ് ടീം നായകന്‍ മഹേന്ദ്ര സിംഗ് ധോണി വിവാഹിത നായി. ബാല്യ കാല സഖി സാക്ഷി സിംഗ് റാവത്തിനെ യാണ് ഡെറാഡൂണിലെ ഫാം ഹൗസില്‍ നടന്ന ചട ങ്ങില്‍ ഞായറാഴ്ച രാത്രി ധോണി മിന്നു കെട്ടിയത്.
ബാംഗ്ലൂര്‍ : ആര്‍ട്ട് ഓഫ് ലിവിംഗ് പ്രസ്ഥാനത്തിന്റെ മേധാവിയായ ആദ്ധ്യാത്മിക ഗുരു രവിശങ്കറിന്റെ പ്രാണഭീതിയ്ക്ക് പിന്നിലെ യഥാര്‍ത്ഥ കഥ പുറത്തായതായി റിപ്പോര്‍ട്ടുകള്‍ സൂചിപ്പിക്കുന്നു. ബാംഗ്ലൂര്‍ നഗരത്തില്‍ നിന്നും 20 കിലോമീറ്റര്‍ അകലെ, പോള്‍ ഫെര്‍ണാണ്ടസ് എന്ന ഒരാളുടെ ഏതാണ്ട് 15 ഹെക്ടര്‍ സ്ഥലം ആശ്രമം കൈയ്യേറി എന്നാണു പുതിയ വെളിപ്പെടുത്തല്‍.
ന്യൂഡല്‍ഹി : മാവോയിസ്റ്റുകളെ വധിച്ച ശേഷം സുരക്ഷാ ഉദ്യോഗസ്ഥര്‍ അവരുടെ മൃതദേഹങ്ങള്‍, വേട്ടയാടിയ മൃഗങ്ങളുടെ മൃത ശരീരം കൊണ്ടു പോവുന്നത് പോലെ മുളയില്‍ കൈയും കാലും കെട്ടി തൂക്കി കൊണ്ട് പോയത് മാധ്യമങ്ങളില്‍ പ്രസിദ്ധീകരിച്ചു വന്നതിനെ തുടര്‍ന്ന് ദേശീയ മനുഷ്യാവകാശ കമ്മീഷന്‍ കേന്ദ്ര ആഭ്യന്തര മന്ത്രാലയത്തിനു നോട്ടീസയച്ചു.
ന്യൂഡല്‍ഹി : ഇന്ത്യയിലെ പെട്രോളിയം ഉല്‍പ്പന്നങ്ങളുടെ വിലയുടെ മീതെ സര്‍ക്കാരിന് ഉണ്ടായിരുന്ന നിയന്ത്രണം അവസാനിച്ചു. ഇനി മുതല്‍ പെട്രോളിയം വിലകള്‍ എണ്ണക്കമ്പനികള്‍ക്ക് നേരിട്ട് നിശ്ചയിക്കാനാവും. പെട്രോളിയം ഉല്‍പ്പന്നങ്ങള്‍ക്ക്‌ സര്‍ക്കാര്‍ നല്‍കി വന്ന സബ്സിഡി നിര്‍ത്തലാകുന്നതോടെ വിലകള്‍ ഗണ്യമായി വര്‍ദ്ധിക്കും. നിയന്ത്രണം എടുത്തു കളഞ്ഞ ഉടന്‍ തന്നെ പെട്രോള്‍ വിലയില്‍ മൂന്നര രൂപയുടെയും, ഡീസല്‍ വിലയില്‍ രണ്ടു രൂപയുടെയും, മണ്ണെണ്ണ വിലയില്‍ മൂന്നു രൂപയുടെയും, പാചക വാതക വിലയില്‍ മുപ്പത്തഞ്ചു രൂപയുടെയും വര്‍ദ്ധനവുണ്ടായി.
