റാഞ്ചി : രാഷ്ട്രീയ അനിശ്ചിതത്വത്തിന് താല്ക്കാലിക വിരാമമിട്ടു കൊണ്ട് ബി. ജെ. പി. ജാര്ഖണ്ഡിലെ ഷിബു സോറന് സര്ക്കാരിനുള്ള പിന്തുണ പിന്വലിച്ചു. ഇതോടെ ന്യൂനപക്ഷമായ സോറന് സര്ക്കാരിന്റെ ഭാവി പരുങ്ങലിലായതോടെ ജാര്ഖണ്ഡില് പുതിയ രാഷ്ട്രീയ സമവാക്യങ്ങള്ക്ക് കളമൊരുങ്ങി. 81 അംഗ സഭയില് 18 സീറ്റ് വീതം ഇപ്പോള് ബി. ജെ. പി. ക്കും ഷിബു സോറന് നയിക്കുന്ന ജാര്ഖണ്ഡ് മുക്തി മോര്ച്ചയ്ക്കും ഉണ്ട്. 5 അംഗങ്ങള് ഓള് ജാര്ഖണ്ഡ് സ്റ്റുഡനസ് യൂണിയനും, 2 സീറ്റ് ജനതാ ദള് യുനൈറ്റഡിനും ഉണ്ട്.
ബി. ജെ. പി. നേതാവും, ഉപ മുഖ്യ മന്ത്രിയുമായ രഘുവര് ദാസാണ് തന്റെ പാര്ട്ടി സോറന് സര്ക്കാരിനുള്ള പിന്തുണ പ്രഖ്യാപിക്കുന്നതായി കാണിച്ച് ഗവര്ണര്ക്ക് എഴുത്ത് നല്കിയത്.
ബി. ജെ. പി. യും സോറനും മാറി മാറി സംസ്ഥാനം ഭരിക്കും എന്ന ധാരണ കാറ്റില് പറത്തിക്കൊണ്ട് താന് മുഖ്യ മന്ത്രിയായി തുടരും എന്ന സോറന്റെ നിലപാടാണ് ബി.ജെ.പി. യെ ഇങ്ങനെയൊരു തീരുമാനത്തില് എത്തിച്ചത്.
മംഗലാപുരം : ദുബായില് നിന്നും 166 പേരുമായി മംഗലാപുരത്ത് എത്തിയ എയര് ഇന്ത്യ എക്സ്പ്രസ്സ് വിമാനം ഇറങ്ങുന്ന വേളയില് തകര്ന്നു 158 പേര് കൊല്ലപ്പെട്ടു. കണ്ണൂര് കാസര്ഗോഡ് സ്വദേശികളായ 50ഓളം മലയാളികളും മരിച്ചവരില് ഉള്പ്പെടുന്നു എന്നാണു പ്രാഥമിക വിവരം. രാവിലെ 06:03നാണ് അപകടം നടന്നത്.
മുംബൈ: ജനസംഖ്യയുടെ 60 ശതമാനം ചേരികളില് വസിക്കുന്ന മുംബൈ മഹാ നഗരത്തില് നഗര ശുചീകരണത്തിന്റെ പേരില് 800 കുടുംബങ്ങളെ കുടിയൊഴിപ്പിച്ചു. കുടിയൊഴിപ്പിക്കാന് എത്തിയ പോലീസ് സംഘം ആളുകളെ മാറ്റിയതിനു ശേഷം ചേരി പ്രദേശം വളഞ്ഞു. ഇതിനിടയില് പൊടുന്നനെ കുടിലുകള്ക്ക് തീ പിടിച്ചു സര്വ്വസ്വവും കത്തി നശിച്ചു. തങ്ങളുടെ വാസ സ്ഥലവും അതിനുള്ളിലെ സര്വ്വ വസ്തുക്കളും കത്തി നശിക്കുന്നത് നോക്കി വാവിട്ട് കരയുവാനേ സ്ഥല വാസികള്ക്ക് കഴിഞ്ഞുള്ളു. മുംബൈയിലെ മാന്ഖുര്ദ് എന്ന സ്ഥലത്തെ ചേരി നിവാസികള്ക്കാണ് ഈ ദുരനുഭവം ഉണ്ടായത്. മറാത്തിയും, ഉത്തര് പ്രദേശുകാരനും, തെലുങ്കനും, തമിഴനും ജാതി മത ഭേദമില്ലാതെ ഒരുമിച്ചു കഴിഞ്ഞിരുന്ന ഒരു “ചെറു ഇന്ത്യ” യായിരുന്നു ഇവിടം.
41 പേര് കൊല്ലപ്പെടാന് ഇടയായ ദന്തേവാഡ നക്സല് ആക്രമണം ആദിവാസി കളുടെ പ്രശ്നത്തില് സജീവമായി ഇടപെടുന്ന എഴുത്തുകാരിയും, ബുക്കര് പുരസ്കാര ജേതാവുമായ അരുന്ധതി റോയ് അപലപിച്ചു. മാവോയിസ്റ്റുകള് മനപൂര്വ്വം പൊതുജനത്തെ ആക്രമിച്ചു എന്നാണ് മാധ്യമ റിപ്പോര്ട്ടുകള്. ഇത് ശരിയാണെങ്കില്, ഒരു തരത്തിലും ന്യായീകരിക്കാന് ആവില്ല. എന്നാല് ആക്രമണത്തിന് ഇരയായ ബസില് സാധാരണ ജനം ഉണ്ടായി രുന്നുവെങ്കില് അത് സര്ക്കാരിന്റെ ഭാഗത്ത് നിന്നും വന്ന വീഴ്ചയാണ് എന്ന് ഇവര് ചൂണ്ടി ക്കാണിക്കുന്നു. യുദ്ധ ഭൂമിയില് സാധാരണ ജനം സഞ്ചരിക്കുന്ന ബസില്, സുരക്ഷാ ഉദ്യോഗസ്ഥരെയും സൈനികരെയും സഞ്ചരിക്കാന് അനുവദിച്ചത് അക്ഷന്തവ്യമായ സുരക്ഷാ പാളിച്ചയാണ്.
ന്യൂഡല്ഹി : ഗോവയില് ഖനനം നടത്താന് വേദാന്ത കമ്പനിക്ക് പരിസ്ഥിതി മന്ത്രാലയം നല്കിയ അനുവാദം സര്ക്കാര് തടഞ്ഞു. ഗോവയിലെ പിര്ണ, നദോറ എന്നീ ഗ്രാമങ്ങളില് നടപ്പാക്കാന് ഉദ്ദേശിക്കുന്ന പിര്ണ ഇരുമ്പ് ഖനന പദ്ധതിക്ക് ജൂണ് 9നാണ് പരിസ്ഥിതി മന്ത്രാലയത്തിന്റെ പച്ചക്കൊടി ലഭിച്ചിരുന്നത്. എന്നാല് ഈ പദ്ധതിയെ തദ്ദേശ വാസികള് പൂര്ണ്ണമായി എതിര്ക്കുന്നു എന്ന് പിര്ണ നരോദ നാഗരിക് കൃതി സമിതി എന്ന പ്രാദേശിക സംഘടന ദേശീയ പരിസ്ഥിതി അപ്പെല്ലെറ്റ് അധികൃതരെ (National Environment Appellate Authority – NEAA) ധരിപ്പിച്ചതിനെ തുടര്ന്നാണ് ഖനന അനുമതി നിഷേധിച്ച് കൊണ്ട് ഉത്തരവായത്. വിദഗ്ദ്ധ സമിതി പ്രദേശം സന്ദര്ശിച്ച് പ്രാദേശിക എതിര്പ്പിനുള്ള കാരണവും പദ്ധതി മൂലം ഉണ്ടാകാവുന്ന കൃഷി നാശം, ആരോഗ്യ പ്രശ്നങ്ങള്, പരിസ്ഥിതി നഷ്ടങ്ങള് എന്നിവ വിശദമായി പഠിക്കാനും എന്. ഇ. എ. എ. നിര്ദ്ദേശിച്ചു.
