ന്യൂഡല്‍ഹി : വിവാദ നോവലായ ലജ്ജയുടെ കര്‍ത്താവ് തസ്ലീമ നസ്‌റിനിനു നേരെ പശ്ചിമ ബംഗാള്‍ സാഹിത്യ അക്കാദമി പ്രസിഡന്റും പ്രശസ്ത എഴുത്തുകാരനുമായ സുനില്‍ ഗംഗോപാധ്യായ ലൈംഗിക ആഭാസങ്ങള്‍ ചൊരിഞ്ഞുവെന്ന ആരോപണവുമായി തസ്ലീമ നസ്‌റിന്‍ ട്വിറ്ററില്‍. ഈ പ്രവൃത്തി തന്നോട് മാത്രമല്ലെന്നും മറ്റു പല സ്ത്രീകളോടും ഇതു പോലെ ഇയാൾ അപമര്യാദയായി പെരുമാറിയിട്ടുണ്ടെന്നും തസ്ലിമ പറഞ്ഞു. താന്‍ എതിര്‍ത്തു പറഞ്ഞതിന് പ്രതികാരമായി ദ്വിഖാന്തിതോ എന്ന തന്റെ ആത്മകഥയുടെ മൂന്നാം ഭാഗം നിരോധിക്കാന്‍ സമ്മര്‍ദ്ദം ചെലുത്താന്‍ ഇയാൾ ശ്രമിച്ചു എന്നും അവര്‍ ആരോപിച്ചു.
