ചെന്നൈ: പ്രധാനമന്ത്രി നരേന്ദ്ര മോഡി തമിഴ് പ്രാദേശിക ദിനപത്രത്തിന്റെ പ്ലാറ്റിനം ജൂബിലിക്കായി ഇന്ന് ചെന്നൈയിലെത്തും. ഡിഎംകെ പ്രസിഡന്റ് കരുണാനിധിയെ മോഡി സന്ദർശിക്കുമെന്ന് ബിജെപി ദേശീയ ജനറൽ സെക്രട്ടറി പി. മുരളീധര റാവു അറിയിച്ചു. ഗോപാലപുരത്തെ കരുണാനിധിയുടെ വസതിയിൽ മോഡി എത്തും.
പ്രധാനമന്ത്രിയുടെ ഓഫീസിലെ മുതിർന്ന ഉദ്യോഗസ്ഥനായ ടി വി സോമനാഥന്റെ മകളുടെ വിവാഹത്തിലും പങ്കെടുത്തതിനു ശേഷം മാത്രമേ മോഡി ദില്ലിയിലേക്ക് മടങ്ങുകയുള്ളൂ. ചെന്നൈയിൽ കനത്ത മഴ തുടരുന്ന സാഹചര്യത്തിൽ പ്രധാനമന്ത്രി തമിഴ് നാട് മുഖ്യമന്ത്രി പളനി സ്വാമിയുമായി ചർച്ച നടത്തുമെന്നും കരുതുന്നു. മറ്റു രാഷ്ട്രീയ കാര്യങ്ങളിലും തീരുമാനങ്ങളുണ്ടാകും.
