ബാംഗ്ലൂര് : ആര്ട്ട് ഓഫ് ലിവിംഗ് പ്രസ്ഥാനത്തിന്റെ അധിപനായ രവിശങ്കറിന്റെ ആശ്രമത്തില് നടന്ന വെടിവെയ്പ്പ് അദ്ദേഹത്തിനെ ലക്ഷ്യം വെച്ചുള്ള ഒന്നായിരുന്നില്ല എന്ന് കര്ണ്ണാടക പോലീസ് ഡി. ജി. പി. അറിയിച്ചു. പ്രഭാഷണം കഴിഞ്ഞു രവി ശങ്കറും പരിവാരങ്ങളും കാറുകളില് കയറി സ്ഥലം വിട്ടതിനു ശേഷം അഞ്ചു മിനിട്ടോളം കഴിഞ്ഞാണ് വെടി വെയ്പ്പ് നടന്നത് എന്ന് അദ്ദേഹം വ്യക്തമാക്കി. ഇതിനാല് വെടി വെയ്പ്പിന്റെ ലക്ഷ്യം രവി ശങ്കര് ആയിരുന്നില്ല എന്നാണു പോലീസിന്റെ നിഗമനം.
എന്നാല് ഈ ആക്രമണം രവി ശങ്കറിനെ ഉദ്ദേശിച്ചുള്ളതായിരുന്നു എന്നാണു ആശ്രമം പറയുന്നത്. ഈ വാദത്തിനെ താന് എതിര്ക്കുന്നില്ല എന്ന് പറഞ്ഞ ഡി. ജി. പി., താന് വസ്തുതകള് വിശദീകരിക്കുക മാത്രമാണ് ചെയ്യുന്നത് എന്നും കൂട്ടിച്ചേര്ത്തു.
സംഭവം നടന്നതിനു ശേഷം കുറെ സമയം കഴിഞ്ഞാണ് ആശ്രമം നടത്തിപ്പുകാര് പോലീസില് പരാതിപ്പെട്ടത്. ഇവര് തമ്മില് കാര്യങ്ങള് ചര്ച്ച ചെയ്തു തീരുമാനം എടുത്തതിന് ശേഷമാണ് പരാതി പോലീസില് എത്തിയത്. വിനയ് എന്ന ഒരു ശിഷ്യന്റെ തുടയിലാണ് ബുള്ളറ്റ് തറച്ചത്. 700 അടി ദൂരെ നിന്നാണ് അക്രമി വെടി വെച്ചത് എന്നും പോലീസ് അറിയിച്ചു.
ഒരു നേരം പോലും ഭക്ഷണം കഴിക്കുവാന് സാധിക്കാത്ത വലിയ ഒരു വിഭാഗം ജനങ്ങള് ദുരിതം അനുഭവിക്കുന്ന സംസ്ഥാനത്തെ പാവങ്ങളുടെ പടനായിക എന്ന് വിശേഷി പ്പിക്കപ്പെടുന്ന മുഖ്യമന്ത്രി മായവതിയ്ക്ക് കോടികളുടെ ആസ്ഥിയെന്ന് വെളിപ്പെടുത്തല്. മുഖ്യമന്ത്രിയായി അധികാരത്തില് കയറി മൂന്നു വര്ഷം കൊണ്ട് മായാവതിയുടെ ആസ്ഥിയില് 52 കോടിയില് നിന്നും 87 കോടിയിലേക്ക് ഉള്ള ഉയര്ച്ചയാണ് ഉണ്ടായത്.
ഹിന്ദുത്വ മൂല്യങ്ങളുടെയും ഭാരതീയ പാരമ്പര്യത്തിന്റെയും മൊത്ത കച്ചവടക്കാരായി സ്വയം അവരോധിച്ച് രാജ്യത്ത് വര്ഗ്ഗീയ അസ്വസ്ഥതകള് ഇളക്കി വിടുകയും, അക്രമങ്ങളില് ഏര്പ്പെടുകയും ചെയ്ത ശ്രീരാമ സേന, കൂലിക്ക് തല്ലുന്ന വെറുമൊരു ഗുണ്ടാ സംഘം മാത്രമാണെന്ന് തങ്ങള് കണ്ടെത്തിയതായി തെഹെല്ക ഡോട്ട് കോം അവകാശപ്പെട്ടു. ഇന്ത്യയില് അന്വേഷണാത്മക മാധ്യമ പ്രവര്ത്തനത്തിന് പുതിയ മാനങ്ങള് നല്കി, വിവാദപരമായ പല കണ്ടെത്തലുകളും നടത്തിയ തെഹെല്ക ഡോട്ട് കോം തങ്ങളുടെ റിപ്പോര്ട്ടര് മുഖാന്തിരം ശ്രീരാമ സേനയുടെ സ്ഥാപകനായ പ്രമോദ് മുത്തലിക്കിനെ തന്നെ കണ്ടാണ് കൂലിക്ക് വര്ഗ്ഗീയ കലാപം ഉണ്ടാക്കാനുള്ള ധാരണ ഉണ്ടാക്കിയത്.
പാക്കിസ്ഥാന് വേണ്ടി ചാര വൃത്തി നടത്തിയ ഇന്ത്യന് നയതന്ത്ര ഉദ്യോഗസ്ഥ മാധുരി ഗുപ്തയെ 14 ദിവസത്തേക്ക് കോടതി റിമാന്ഡ് ചെയ്തു. ഇസ്ലാമാബാദ് ഇന്ത്യന് ഹൈക്കമ്മീഷനില് സെക്കണ്ടറി സെക്രട്ടറി ആയി ജോലി ചെയ്തു വരികവെയാണ് ഒരു പാക്കിസ്ഥാനി ഇന്റലിജന്സ് ഏജന്റിനു രഹസ്യ വിവരങ്ങള് കൈമാറുന്നതായി ഇന്ത്യന് ഇന്റലിജന്സ് വകുപ്പ് കണ്ടെത്തിയത്. തന്റെ പരിധിയ്ക്ക് പുറത്തുള്ള കാര്യങ്ങളില് ഇവര് അസാധാരണമായ താല്പര്യം കാണിച്ചതാണ് ഇവരെ കെണിയില് പെടുത്തിയത്. ഈ കാര്യം ശ്രദ്ധയില് പെട്ട ഇന്ത്യന് ഇന്റലിജന്സ് വകുപ്പ് ഇവരെ നിരീക്ഷിക്കുകയും ഇവര് പാക്കിസ്ഥാന് വേണ്ടി ചാര പ്രവര്ത്തനം നടത്തുന്നതായി കണ്ടെത്തുകയും ചെയ്തു. ചില കാര്യങ്ങള് ചര്ച്ച ചെയ്യണം എന്ന് പറഞ്ഞു ഇസ്ലാമാബാദില് നിന്നും ഇവരെ ഡല്ഹിയിലേക്ക് വിളിച്ചു വരുത്തിയാണ് അധികൃതര് അറസ്റ്റ് ചെയ്തത്.
തന്റെ സ്വകാര്യ രംഗങ്ങള് അടങ്ങുന്ന വീഡിയോ തങ്ങളുടെ വെബ് സൈറ്റില് പ്രദര്ശിപ്പിക്കുക വഴി യൂട്യൂബും ഗൂഗിളും തന്റെ പേരിനു കളങ്കം ചാര്ത്തി എന്ന് ആരോപിച്ചു നടി രഞ്ജിത കോടതിയെ സമീപിക്കും എന്ന് അവരുടെ അഭിഭാഷകന് പ്രശാന്ത് അറിയിച്ചു.
