 |
 |
 |
 |
 |
 |
 |
 |
 |
 |
 |
 |
 |
 |
ചെന്നൈ: മുഖ്യമന്ത്രി ജയലളിതയും ഡി. എം. ഡി. കെ നേതാവ് വിജയകാന്തും തമ്മില് നിയമസഭയില് രൂക്ഷമായ തര്ക്കത്തില് ഏര്പ്പെട്ടു. ഇതിനെ തുടര്ന്ന് വിജയകാന്തും മറ്റ് ഡിഎംഡികെ അംഗങ്ങളും സഭയില് നിന്ന് ഇറങ്ങിപ്പോയി. ബുധനാഴ്ചയാണ് നാടകീയ സംഭവങ്ങള് നടന്നത്. ഡി. എം. ഡി. കെ ഇല്ലെങ്കിലും എ. ഐ. എ. ഡി. എം. കെ വിജയിക്കുമായിരുന്നെന്നും കഴിഞ്ഞ നിയമസഭാ തെരഞ്ഞെടുപ്പില് വിജയകാന്തുമായി കൂട്ടുകൂടേണ്ടിവന്നതില് ഖേദമുണ്ടെന്നും ജയലളിത പറഞ്ഞു.
- ഫൈസല് ബാവ
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
അഹമ്മദാബാദ്: 2002-ലെ ഗുജറാത്ത് കലാപത്തെ പറ്റി അന്വേഷിക്കുന്ന നാനാവതി കമ്മീഷനു മുമ്പാകെ മുഖ്യമന്ത്രി നരേന്ദ്ര മോഡി ഹാജരാകേണ്ടതില്ലെന്ന് ഹൈക്കോടതി. മോഡിയെ കമ്മീഷനു മുമ്പില് വിളിച്ചു വരുത്തി വിസ്തരിക്കണമെന്ന് ആവശ്യപ്പെട്ട് സമര്പ്പിച്ച ഹര്ജി തള്ളിക്കൊണ്ടാണ് കോടതി ഉത്തരവിട്ടത്. മോഡിയടക്കം ആറു പേരെ നേരിട്ട് വിളിപ്പിച്ച് വിസ്തരിക്കണമെന്നായിരുന്നു ഹൈക്കോടതിയില് ഹര്ജി സമര്പ്പിച്ച ജനസംഘര്ഷ് മഞ്ച് എന്ന എന്.ജി.ഓ സംഘടന ആവശ്യപ്പെട്ടത്. ഹൈക്കോടതി വിധിക്കെതിരെ സുപ്രീം കോടതിയെ സമീപിക്കുവാനാണ് ഉദ്ദേശിക്കുന്നതെന്ന് സംഘടനയുടെ ഭാരവാഹികള് വ്യക്തമാക്കി. ഈ സംഘടനയുടെ ആവശ്യം തള്ളിയ ഹൈക്കോടതി വിധിയെ ബി.ജെ.പി സ്വാഗതം ചെയ്തു.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയ നേതാക്കള്, കുറ്റകൃത്യം, കോടതി, തീവ്രവാദം
കോല്ക്കത്ത: പശ്ചിമ ബംഗാളില് മുഖ്യമന്ത്രി മമത ബാനര്ജിയും കോണ്ഗ്രസ്സും തമ്മില് പോര് രൂക്ഷമായി. മമതക്കെതിരെ രൂക്ഷ വിമര്ശനവുമായി രംഗത്ത് വന്ന കോണ്ഗ്രസ് മന്ത്രി മനോജ് ചക്രവര്ത്തി രാജിവച്ചു. കോണ്ഗ്രസ്-തൃണമൂല് തര്ക്കത്തെത്തുടര്ന്ന് പാര്ലമെന്ററി കാര്യം, ചെറുകിട വ്യവസായം എന്നീ രണ്ടു വകുപ്പുകള് എടുത്തുമാറ്റിയ ഉടന് മമത ഏകാധിപതിയാണെന്നു മനോജ് ആരോപിച്ചിരുന്നു. ഇതിനു പിന്നാലെയാണ് മനോജിന്റെ രാജി. രാജിവയ്ക്കാന് അനുമതി ആവശ്യപ്പെട്ട് മനോജ് കഴിഞ്ഞ ആഴ്ച കോണ്ഗ്രസ് ഹൈക്കമാന്ഡിന് കത്തയച്ചിരുന്നു. ഭക്ഷ്യസംസ്കരണ മന്ത്രിയായിരുന്ന ഇദ്ദേഹം മുര്ഷിദാബാദ് ജില്ലയിലെ ബെഹ്റംപുര് മണ്ഡലത്തില് നിന്നുള്ള എം. എല്. എയാണ്. മനോജിന് പകരക്കാരനെ കണ്ടെത്തുന്നത് സംബന്ധിച്ച ചര്ച്ചകള് ആരംഭിച്ചിട്ടില്ലെന്ന് കോണ്ഗ്രസ് പശ്ചിമബംഗാള് ഘടകം പ്രസിഡന്റ് പ്രദീപ് ഭട്ടാചാര്യ പറഞ്ഞു.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, വിവാദം
ഡെറാഡൂണ് : തെരഞ്ഞെടുപ്പ് റാലിക്കിടെ രാഹുല്ഗാന്ധിക്ക് നേരെ ചെരിപ്പേറ്. ഉത്തരാഖണ്ഡ് ഡെറാഡൂണ് അടുത്ത് വികാസ് നഗറില് ഒരു തെരഞ്ഞെടുപ്പ് റാലിയില് വെച്ചാണ് ആള്കൂട്ടത്തില് നിന്നൊരാള് രാഹുല്ഗാന്ധിക്ക് നേരെ ചെരിപ്പുകൊണ്ട് എറിഞ്ഞത്. ഇയാളെ പോലിസ് അറസ്റ്റ് ചെയ്തു.
- ന്യൂസ് ഡെസ്ക്
റായ് ബറേലി (ഉത്തര്പ്രദേശ്): രാഹുല് ഗാന്ധി ആവശ്യപ്പെടുകയാണെങ്കില് ഏതുതരത്തിലുള്ള സഹായവും ചെയ്യാന് തയാറാണ് എന്ന് പ്രിയങ്ക വധേര. ഉത്തര് പ്രദേശ് നിയമസഭാ തെരഞ്ഞെടുപ്പ് പ്രചാരണത്തിന് സഹോദരന് രാഹുല് ഗാന്ധി ആവശ്യപ്പെട്ടാല് ഉറപ്പായും ഇറങ്ങുമെന്നും താന് ഇപ്പോള് റായ്ബറേലിയിലും അമേഠിയിലും സജീവമാണെന്നും രാഹുലുമായി സംസാരിച്ചശേഷം കാര്യങ്ങള് തീരുമാനിക്കുമെന്നും പ്രിയങ്ക പറഞ്ഞു.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
