 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി: അണ്ണാ ഹസാരെയുടെ സത്യാഗ്രഹ സമരത്തിന് അനുമതി നിഷേധിച്ച പൊലീസ് നടപടി ജനാധിപത്യ വിരുദ്ധമാണെന്നും ഈ സമരം ജനാധിപത്യ വിരുദ്ധമല്ലെന്നും സിപിഎം പിബി അംഗം വൃന്ദ കാരാട്ട് പറഞ്ഞു. പ്രതിഷേധിക്കാനുള്ള ഹസാരെയുടെ അവകാശത്തെ ചോദ്യം ചെയ്യാനാകില്ല. ഹസാരെയുടെ പല നിര്ദേശങ്ങളോടും സിപിഎമ്മിനു യോജിപ്പില്ല. ലോക്പാല് ബില് പാര്ലമെന്റിന്റെ പരിഗണനയിലായതു കൊണ്ടു പ്രതിഷേധിക്കാന് അനുവദിക്കില്ലെന്ന നിലപാടിനോട് യോജിക്കാനാവില്ല എന്നും വൃന്ദ കാരാട്ട് പറഞ്ഞു.
-
വായിക്കുക: അഴിമതി, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
ന്യൂഡല്ഹി: രാജ്യത്തിന്റെ വികസനത്തിന്റെ വഴിയിലെ ഏറ്റവും വലിയ തടസ്സം അഴിമതിയാണ് എന്നാല് നിരാഹാര സമരം കൊണ്ടോ മരണം വരെയുള്ള ഉപവാസം കൊണ്ടോ ലോക്പാല് നിയമം നടപ്പിലാക്കാനോ അതുവഴി അഴിമതി അവസാനിപ്പിക്കാനോ കഴിയില്ലെന്ന് പ്രധാനമന്ത്രി ഡോ. മന്മോഹന്സിങ് പറഞ്ഞു. സ്വാതന്ത്ര്യ ദിനത്തില് ചെങ്കോട്ടയില് ദേശീയ പതാക ഉയര്ത്തിയശേഷം രാഷ്ട്രത്തെ അഭിസംബോധനം ചെയ്തു സംസാരിക്കുകയായിരുന്നു അദ്ദേഹം. വികസന പ്രവര്ത്തനങ്ങള് തടസ്സപ്പെടുത്തി രാജ്യത്തെ അസ്ഥിരപ്പെടുത്താനാണ് ചിലര് ശ്രമിച്ചുകൊണ്ടിരിക്കുന്നത്. സാധാരണക്കാര്ക്കുള്ള സര്ക്കാരിന്റെ പദ്ധതികള് പലതും ഉദ്യോഗസ്ഥരുടെ കീശയിലേയ്ക്കാണ് പോകുന്നത്. എന്നാല് , ഈ അഴിമതി ഒരൊറ്റ നടപടി കൊണ്ട് ഇല്ലാതാക്കാനുള്ള മാന്ത്രികവടിയൊന്നും സര്ക്കാരിന്റെ പക്കലില്ല എന്നും. അഴിമതിക്കെതിരെ ബഹുമുഖമായ നടപടികളാണ് ആവശ്യം. അഴിമതി തടയാന് സര്ക്കാര് ശക്തമായ നടപടികളാണ് സ്വീകരിക്കുന്നത്. അഴിമതിയെ കുറിച്ചുള്ള ചര്ച്ചകള് ഒരു കാരണവശാലും രാജ്യത്തിന്റെ വികസന പ്രവര്ത്തനങ്ങളെ തടസ്സപ്പെടുത്തുന്ന അന്തരീക്ഷം സൃഷ്ടിക്കരുതെന്നും പ്രധാനമന്ത്രി ഓര്മ്മിപ്പിച്ചു . ഉന്നത സ്ഥാനങ്ങളിലെ അഴിമതി തടയാന് സഹായിക്കുന്ന ശക്തമായ ഒരു ലോക്പാല് നിയമമാണ് നമുക്ക് വേണ്ടത്. എന്നാല് , ജുഡിഷ്യറിയെ ലോക്പാലിന്റെ പരിധിയില് കൊണ്ടുവരാന് കഴിയില്ല. അത് ജുഡിഷ്യറിയുടെ സ്വാതന്ത്ര്യം ഹനിക്കുമെന്നാണ് സര്ക്കാരിന്റെ വിശ്വാസം. നിലവിലുള്ള ലോക്പാല് ബില്ലിനെ കുറിച്ച് പരാതിയുള്ളവര് നിരാഹാര സമരം നടത്തുകയല്ല വേണ്ടത്. ബില് അംഗീകരിക്കാനുള്ള അധികാരം പാര്ലമെന്റിന് മാത്രമാണുള്ളത്. അതുകൊണ്ടുതന്നെ എതിര്പ്പുള്ളവര് അവരുടെ അഭിപ്രായങ്ങള് പാര്ലമെന്റിലാണ് ഉന്നയിക്കേണ്ടതെന്നും – പ്രധാനമന്ത്രി പറഞ്ഞു. ഇത് തുടര്ച്ചയായ എട്ടാം തവണയാണ് പ്രധാനമന്ത്രി സ്വാതന്ത്ര്യദിനത്തില് രാഷ്ട്രത്തെ അഭിസംബോധന ചെയ്യുന്നത്. കനത്ത മഴയിലായിരുന്നു തലസ്ഥാനത്തെ സ്വാതന്ത്രദിനാഘോഷങ്ങള് നടന്നത്.
-
വായിക്കുക: അഴിമതി, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
ന്യൂഡല്ഹി: ഗംഗാനദിയിലെ മാലിന്യനിക്ഷേപം ഗുരുതരമാണെന്നും ഇത് വന് ദുരന്തത്തെ വിളിച്ചുവരുത്തുമെന്നും എല് .കെ. അദ്വാനി പറഞ്ഞു . ഒരു ബോംബ് സ്ഫോടനത്തില് നഷ്ടപ്പെടുന്നതിലധികം ജീവനുകളാണ് ഗംഗയിലെ മാലിന്യമുണ്ടാക്കുന്ന പ്രശ്നങ്ങളിലൂടെ നഷ്ടപ്പെടുന്നതെന്ന് അദ്ദേഹം കൂട്ടിച്ചേര്ത്തു. തന്റെ ബ്ലോഗിലൂടെയാണ് അഡ്വാനി ഗംഗയിലെ മാലിന്യനിക്ഷേപത്തില് ആശങ്ക രേഖപ്പെടുത്തിയത്. ഗംഗയുടെ തീരത്തു താമസിക്കുന്ന നിരവധി പേര് നദിയിലെ മാലിന്യങ്ങള് വരുത്തുന്ന പ്രശ്നങ്ങള് മൂലം വര്ഷം തോറും മരിക്കുന്നുണ്ടെന്ന് അഡ്വാനി ചൂണ്ടിക്കാട്ടി
-
വായിക്കുക: ഇന്ത്യന് രാഷ്ട്രീയ നേതാക്കള്, പരിസ്ഥിതി
ന്യൂഡല്ഹി : രാജീവ് ഗാന്ധി വധക്കേസിലെ പ്രതികളായ മുരുകന്, സന്തന്, പെരാരിവാലന് എന്നിവരുടെ ദയാഹര്ജി രാഷ്ട്രപതി പ്രതിഭാപാട്ടീല് തള്ളി. മെയ് 1999ന് സുപ്രീംകോടതി ഇവര്ക്കും മറ്റൊരു പ്രതിയായ നളിനിയ്ക്കും വധശിക്ഷ വിധിച്ചിരുന്നു. പിന്നീട് സുപ്രീം കോടതി നളിനിയുടെ ശിക്ഷ ജീവപര്യന്തമായി കുറക്കുകയായിരുന്നു. രാജീവ് ഗാന്ധിയെ വധിക്കാന് ഗൂഡാലോചന നടത്തുകയും അത് പ്രാവര്ത്തികമാക്കുകയും ചെയ്തുവെന്നതാണ് ഇവര്ക്കെതിരെയുള്ള കേസ്. രാജീവ് ഗാന്ധിയെ കൊല്ലാന് എല്. ടി. ടി. ഇയുടെ ആഭിമുഖ്യത്തിലാണ് ഗൂഡാലോചന നടന്നത്. ഇതു പ്രകാരം 1991 മെയ് 21ന് ശ്രീപെരുമ്പുത്തൂരില് ഒരു തിരഞ്ഞെടുപ്പ് സമ്മേളനത്തില് വച്ച് വധിക്കുകയായിരുന്നു.
-
വായിക്കുക: ഇന്ത്യ, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, തീവ്രവാദം
അലിഗഢ്: ഉത്തര്പ്രദേശില് പദയാത്ര നടത്തുന്ന എ. ഐ. സി. സി. ജനറല് സെക്രട്ടറി രാഹുല് ഗാന്ധിയുടെ സമീപത്തേക്ക് തോക്കുമായി നീങ്ങിയ ക്രിപാല്പുരിനടുത്ത ഗ്രാമമായ ഉദയ്പൂര് സ്വദേശി ഹരികൃഷ്ണന് ശര്മ (32) എന്ന യുവാവ് സുരക്ഷാ ഉദ്യോഗസ്ഥരുടെ പിടിയിലായി. ലൈസന്സുള്ള തോക്കാണ് ഇയാളില് നിന്ന് കണ്ടെടുത്തത്. പദയാത്രയുടെ മൂന്നാം ദിവസമായ വ്യാഴാഴ്ച രാഹുല് അലിഗഢ് ജില്ലയിലെ ക്രിപാല്പുര് ഗ്രാമത്തില് എത്തിയപ്പോഴാണ് സംഭവം. താന് കോണ്ഗ്രസ് പ്രവര്ത്തകനാണെന്നും, രാഹുല് ഗാന്ധിക്ക് ഹസ്തദാനം ചെയ്യാനാണ് താന് അടുത്തേക്ക് പോയതെന്നുമാണ് ഇയാള് പോലീസിനോട് പറഞ്ഞത്.
മായാവതി സര്ക്കാറിന്റെ കര്ഷക ദ്രോഹ നയങ്ങള്ക്കെതിരെ ചൊവ്വാഴ്ചയാണ് ഭട്ട – പര്സോള് ഗ്രാമത്തില് നിന്ന് രാഹുല് കിസാന് സന്ദേശ പദയാത്ര ആരംഭിച്ചത്. വികസന പ്രവര്ത്തനങ്ങ ള്ക്കാവശ്യമുള്ള ഭൂമി ഏറ്റെടുക്കുന്നതിന് കര്ഷക സൗഹൃദമായ നിയമം കൊണ്ടു വരുമെന്ന വാഗ്ദാനവുമായാണ് രാഹുലിന്റെ യാത്ര. ശനിയാഴ്ച അലിഗഢ് ജില്ലാ ആസ്ഥാനത്ത് നടക്കുന്ന മഹാ സമ്മേളന ത്തോടെയാണ് പദയാത്ര സമാപിക്കുക. അതേ സമയം, രാഹുലിന്റെ സുരക്ഷയില് വീഴ്ച വരുത്തിയിട്ടില്ലെന്ന് യു. പി. പോലീസ് സൂപ്രണ്ട് സത്യേന്ദ്ര സിങ് പറഞ്ഞു.
-
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
