വിജിലൻസ് ഡയറക്ടർ സ്ഥാനത്ത് നിന്നു ഒഴിയണമെന്നാവശ്യപ്പെട്ടു കൊണ്ട് ജേക്കബ് തോമസ് നൽകിയ രാജിക്കത്തിന് തീരുമാനമെടുക്കുന്നതിനായി ആഭ്യന്തര സെക്രട്ടറി നളിനി നെറ്റോ മുഖ്യമന്ത്രിയുമായി കൂടിക്കാഴ്ച നടത്തി.
ചില വ്യക്തിപരമായ കാരണങ്ങളാൽ വിജിലൻസ് ഡയറക്ടർ സ്ഥാനത്ത് നിന്നും തന്നെ ഒഴിവാക്കണമെന്ന് പറഞ്ഞുകൊണ്ടായിരുന്നു ജേക്കബ് തോമസിന്റെ രാജി. എന്നാൽ നിയമസഭയിൽ തന്റെ വിശ്വാസ്യത ചോദ്യം ചെയ്യപ്പെട്ടതും രാജിക്ക് കാരണമായെന്ന് കരുതുന്നു.
ചൊവ്വാഴ്ച മുഖ്യമന്ത്രിക്ക് നേരിട്ടായിരുന്നു കത്ത് കൈമാറിയത്. തന്നെക്കാൾ യോഗ്യതയുള്ളവരെ ഈ സ്ഥാനത്ത് കൊണ്ടുവരണമെന്നും അദ്ദേഹം ആവശ്യപ്പെട്ടു.
