തിരുവനന്തപുരം;അഴിമതിക്കെതിരായ പോരാട്ടത്തിനു തനിക്ക് ജനങ്ങളുടെ പിന്തുണയും കേസു നടത്തിപ്പിന് പണവും ലഭിക്കുന്നുണ്ടെന്ന് പ്രതിപക്ഷ നേതാവ് വി.എസ്. അച്യുതാനന്ദന്‍. അഴിമതിക്കെതിരെ താന്‍ നടത്തുന്ന കേസിന്റെ നടത്തിപ്പു ചിലവുകള്‍ പിന്നീട് ജനങ്ങളെ അറിയിക്കുമെന്നും അദ്ദേഹം പറഞ്ഞു. മന്ത്രി കുഞ്ഞാലിക്കുട്ടിക്കെതിരെ കേസു നടത്തുന്നതിന് തനിക്ക് പണം നല്‍കുന്നവരില്‍ കുഞ്ഞാലിക്കുട്ടിയുമായി അടുപ്പമുള്ളവരും ഉണ്ടെന്ന് അദ്ദേഹം പറഞ്ഞു. ഉമ്മന്‍ ചാണ്ടിയും കുഞ്ഞാലിക്കുട്ടിയും കേസുകളില്‍ നിന്നും രക്ഷപ്പെടുവാന്‍ പോകുന്നില്ലെന്നും വി.എസ്. കൂട്ടിച്ചേര്‍ത്തു.
പ്രമുഖരായ അഭിഭാഷകരെ വച്ചുകൊണ്ട് കേസ് നടത്തുന്നതിനാവശ്യമായ പണം എവിടെ നിന്നും ലഭിക്കുന്നു എന്ന് വി.എസ്.വിശദീകരിക്കണമെന്ന് കുഞ്ഞാലിക്കുട്ടി ആവശ്യപ്പെട്ടിരുന്നു.
