 |
 |
 |
 |
 |
 |
 |
 |
 |
 |
 |
 |
 |
 |
തിരൂര്: കൂട്ടായിക്കടുത്ത് മണല് ലോറിയും മത്സ്യ തൊഴിലാളികള് സഞ്ചരിച്ചിരുന്ന ലോറിയും കൂട്ടിയിടിച്ച് 3 പേര് മരിച്ചു. 2 പേര് സംഭവസ്ഥലത്തും ഒരാള് ആശുപത്രിയിലെക്കുള്ള യാത്രാമദ്ധ്യേയുമാണ് മരിച്ചത്. രോക്ഷാകുലരായ മത്സ്യ തൊഴിലാളികള് സംഭവസ്ഥലത്ത് എത്തിയ എസ്.ഐ ഷാജിയെ കൈയ്യേറ്റം ചെയ്തു. സംഭവ സ്ഥലത്തും ആശുപത്രിയിലും സംഘര്ഷാവസ്ഥ തുടരുന്നു.
- ലിജി അരുണ്
വായിക്കുക: അപകടം, ക്രമസമാധാനം, പോലീസ് അതിക്രമം
കൊല്ലം: ചവറയിലെ കെ. എം. എം. എല് കമ്പനിയില് നിന്നും വാതകം ചോര്ന്നതിനെ തുടര്ന്ന് 40 ഓളം പേരെ ആശുപത്രിയില് പ്രവേശിപ്പിച്ചു. ചൊവ്വാഴ്ച പുലര്ച്ചെയാണ് സംഭവം. മൂന്ന് പേരുടെ നില ഗുരുതരമാണ്. വാതകം ശ്വസിച്ചവര്ക്ക് ശ്വാസംമുട്ടലും ഛര്ദിയുമാണ് അനുഭവപ്പെട്ടത്. കമ്പനിക്ക് സമീപം താമസിക്കുന്നവര്ക്കും അസ്വസ്ഥത ഉണ്ടായി. അധികൃതര് എത്തി കമ്പനിയുടെ പ്രവര്ത്തനം നിര്ത്തിവച്ചിരിക്കുകയാണ്
- ഫൈസല് ബാവ
ചങ്ങരംകുളം: തലയില് തേങ്ങ വീണ് പിഞ്ചു കുഞ്ഞ് മരിച്ചു. ചക്കരംകുളം ചേനപ്പറമ്പില് ബഷീര്-ഫാത്തിമ ദമ്പതികളുടെ മകനായ മുഹമ്മദ് ആദില് ആണ് മരിച്ചത്. ശനിയാഴ്ച ഉച്ചയ്ക്ക് പന്ത്രണ്ടുമണിയോടെയാണ് സംഭവം. 11 മാസം പ്രായമുള്ള ആദിലിനെ കൈയ്യിലെടുത്ത് അമ്മ ഫാത്തിമ ഉണക്കാനിട്ടിരുന്ന തുണികളെടുക്കാനായി പുറത്തിറങ്ങിയതായിരുന്നു. അപ്പോള് വീടിനോട് ചേര്ന്നുള്ള തെങ്ങില് നിന്നും തേങ്ങ വീടിന്റെ മുകളില് പതിച്ച ശേഷം കുഞ്ഞിന്റെ തലയിലേയ്ക്ക് തെറിയ്ക്കുകയായിരുന്നു. ഉടന് തന്നെ കുഞ്ഞിനെ ചങ്ങരംകുളത്തെ ആശുപത്രിയില് പ്രവേശിപ്പിച്ചു. പിന്നീട് തൃശ്ശൂരിലെ സ്വകാര്യ ആശുപത്രിയിലേയ്ക്കു മാറ്റിയെങ്കിലും ജീവന് രക്ഷിക്കാനായില്ല .
-
വായിക്കുക: അപകടം
കുമളി: ചൊവ്വാഴ്ചയുണ്ടായ ഭൂചലനത്തില് മുല്ലപ്പെരിയാര് അണക്കെട്ടില് മൂന്നിടത്ത് പുതിയ വിള്ളലുകള് ഉണ്ടായതായി കണ്ടെത്തി. ഇത് ഏറെ അപകടാവസ്ഥ ഉണ്ടാക്കും. അണക്കെട്ടിന്റെ രണ്ട്, പത്ത്, പന്ത്രണ്ട് ബ്ലോക്കുകളിലാണ് പുതിയ വിള്ളലുകള് ഉണ്ടായത്. ഇതില് പത്താം ബ്ലോക്കിലെ വിള്ളല് ഏറെ ഗൗരവമുള്ളതാണ് . മുമ്പുണ്ടായിരുന്ന വിള്ളലുകള് വലുതായതായും പരിശോധനയില് തിരിച്ചറിഞ്ഞു. ഇതേ തുടര്ന്ന് അണക്കെട്ടിന്റെ ഗാലറികളില് നിന്ന് പുറത്തേക്കൊഴുകുന്ന സ്വീപ്പേജ് വാട്ടറിന്റെ അളവും കൂടി. ഭൂചലനത്തിനു ശേഷം ജലവിഭവ വകുപ്പ് എക്സിക്യൂട്ടീവ് എന്ജിനിയര് ജോര്ജ് ദാനിയേലും സംഘവും നടത്തിയ പരിശോധനയിലാണ് പുതിയ വിള്ളലുകള് കണ്ടെത്തിയത്. പുതുതായി കണ്ടെത്തിയ പത്താം ബ്ലോക്കിലെ വിള്ളല് അടിയന്തരമായി പഠനം നടത്തേണ്ടതാണെന്ന് എന്ജിനിയര്മാര് നിര്ദേശിച്ചു.
-
ചെന്നൈ: തമിഴ്ന്നാട്ടിലെ മഹാബലിപുരത്ത് ഇന്ന് പുലര്ച്ചെയുണ്ടായ വാഹനാപകടത്തില് സിനിമ സംവിധായകന് ജോഷിയുടെ മകള് ഐശ്വര്യ ഉള്പ്പെടെ മൂന്ന് പേര് മരിച്ചു. തൃപ്പൂണിത്തുറ സ്വദേശിനി രാധിക, തൃശ്ശൂര് സ്വദേശി അര്ജ്ജുന് എന്നിവരാണ് മരിച്ചത്. ചെന്നൈ ഇന്ഫോസിസില് ജോലിക്കാരായ ഇവര് ജോലി കഴിഞ്ഞ് താമസസ്ഥലത്തേക്ക് വരുമ്പോളായിരുന്നു അപകടം. ഇവര് സഞ്ചരിച്ചിരുന്ന കാറില് എതിര് ദിശയില് നിന്നും നിയന്ത്രണം വിട്ടുവന്ന ലോറി ഇടിക്കുകയായിരുന്നു. ഇവര്ക്കൊപ്പം വാഹനത്തിലുണ്ടായിരുന്ന രണ്ടു പേരെ പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. അപകടത്തില് കാറിന്റെ മുന്ഭാഗം പൂര്ണ്ണമായും തകര്ന്നിട്ടുണ്ട്.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
