 |
 |
 |
 |
 |
 |
 |
 |
 |
 |
 |
 |
 |
 |
കൊച്ചി: നെടുമ്പാശ്ശേരി വിമാനത്താവളത്തില് 2 കിലോ സ്വര്ണ്ണവുമായി എത്തിയ കാസര്കോട് സ്വദേശി അബ്ദുള് സമദിനെ കസ്റ്റംസ് ഉദ്യോഗസ്ഥര് പിടികൂടി.52 ലക്ഷം വിലവരുന്ന സ്വര്ണ്ണം ശരീരത്തില് ഒളിപ്പിച്ചാണ് പ്രതി കൊണ്ടുവന്നത്. കഴിഞ്ഞ ദിവസം ദുബൈയില് നിന്നും എമിറേറ്റ്സിന്റെ വിമാനത്തിലാണ് അബ്ദുള് സമദ് എത്തിയത്. ഇയാളെ വിശദമായ ചോദ്യം ചെയ്യലിനായി പോലീസ് കസ്റ്റഡിയില് എടുത്തു.
- എസ്. കുമാര്
വായിക്കുക: കുറ്റകൃത്യം, പോലീസ്
കോഴിക്കോട്: ട്രെയിന് യാത്രികയായ യുവതിയെ പീഡിപ്പിക്കുവാന് ശ്രമിച്ച ജംബുലി ബിജുവെന്ന കുപ്രസിദ്ധ ക്രിമിനലിനെ സഹയാത്രികര് കീഴ്പ്പെടുത്തി പൊലീസില് ഏല്പിച്ചു. കഴിഞ്ഞ ദിവസം രാവിലെ പരശുറാം എക്സ്പ്രസ്സില് വച്ച് വടകര കഴിഞ്ഞ ഉടനെ ആയിരുന്നു സംഭവം. കുടുമ്പത്തോടൊപ്പം യാത്ര ചെയ്തിരുന്ന യുവതിയെ ബിജു കയറിപ്പിടിച്ചത്. തുടര്ന്ന് സഹയാത്രികര് ഇടപെട്ട് യുവതിയെ ബിജുവിന്റെ ആക്രമണത്തില് നിന്നും രക്ഷപ്പെടുത്തി. അതോടെ കുപിതനായ ബിജു യാത്രക്കാരെ ആക്രമിക്കുവാന് തുനിച്ചു. തുടര്ന്ന് സഹയാത്രികര് ബിജുവിനെ ശരിക്കും കൈകര്യം ചെയ്തു കോഴിക്കോട് റെയില്വേ സ്റ്റേഷനില് എത്തിയപ്പോള് പോലീസിനു കൈമാറി. സഹയാത്രികരില് നിന്നും മര്ദ്ദനമേറ്റ യുവാവിനെ പിന്നീട് പോലീസ് ആശുപത്രിയില് പ്രവേശിപ്പിച്ചു. നിരവധി മോഷണക്കേസുകളിലും സ്ത്രീപീഡനക്കേസുകളിലും പ്രതിയായ ബിജു സംവിധായകന് അന്വര് റഷീദിനെ ആക്രമിച്ച കേസിലും ഉള്പ്പെട്ടിട്ടുണ്ട്. കൊല്ലത്ത് വച്ച് കഴിഞ്ഞ മാസം ഒരു യുവതിയെ മാനഭംഗപ്പെടുത്തുവാന് ശ്രമിച്ചപ്പോള് അവര് ബിജുവിന്റെ ചുണ്ട് കടിച്ച് മുറിച്ചിരുന്നു. ആറു സ്റ്റിച്ചുകളുമായി അന്ന് അവിടെ നിന്നും മുങ്ങിയ ബിജു ഇപ്പോള് ട്രെയിനില് പീഡന ശ്രമത്തിനു പിടിയിലാകുകയായിരുന്നു.
- എസ്. കുമാര്
വായിക്കുക: കുറ്റകൃത്യം, പോലീസ്, സ്ത്രീ
കൊച്ചി: പറവൂര് പെണ്വാണിഭക്കേസിലെ പ്രതി ആത്മഹത്യ ചെയ്തു. പറവൂര് വാണിയക്കാട് രാജശേഖരന് (70) ആണ് കേസിന്റെ വിധി നാളെ പറയാനിരിക്കെ തൂങ്ങി മരിച്ചത്. പെണ്കുട്ടിയുടെ പിതാവ് സുധീര് കുമാര് അയല്വാസിയായ രാജശേഖരനില് നിന്നും അര ലക്ഷം രൂപം കടം വാങ്ങിയിരുന്നു. ഇതിനു പകരമായി പെണ്കുട്ടിയെ രാജശേഖരനു ലൈംഗികമായി ഉപയോഗിക്കുവാന് സുധീര് നല്കിയെന്നാണ് പറയുന്നത്. ഏഴുതവണ ഇയാള് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചു എന്നാണ് കേസ്. രാജശേഖരന് 103-ആം പ്രതിയാണ്. പെണ്കുട്ടിയുടെ പിതാവ് സുധീര് ആണ് കേസില് ഒന്നാം പ്രതി. പ്രായപൂര്ത്തിയാകാത്ത പെണ്കുട്ടിയ മാതാപിതാക്കള് പലര്ക്കും കാഴ്ചവെച്ചിരുന്നു.
- എസ്. കുമാര്
വായിക്കുക: കുറ്റകൃത്യം, കോടതി, പീഡനം, പോലീസ്, സ്ത്രീ
തൃശ്ശൂര്: തൃശ്ശൂരില് കോണ്ഗ്രസ് മണ്ഡലം സെക്രട്ടറിയെ വെട്ടിക്കൊന്ന സംഭവത്തില് കൊട്ടേഷന് സംഘാംഗങ്ങളായ നാലു പേരെ പോലീസ് അറസ്റ്റു ചെയ്തു.
തൃശ്ശൂര് അയ്യന്തോളിലെ കോണ്ഗ്രസിന്റെ മണ്ഡലം സെക്രട്ടറി ഈച്ചരത്ത് വീട്ടില് മധുവിനെ ആണ് കാര്ത്യായനി ക്ഷേത്രത്തില് ദര്ശനം കഴിഞ്ഞു
മടങ്ങുമ്പോള് ഭാര്യയുടെ മുമ്പില് വച്ച് ക്ഷേത്രമുറ്റത്തിട്ട് വെട്ടികൊലപ്പെടുത്തിയത്. കോണ്ഗ്രസിലെ ഗ്രൂപ്പ് വഴക്കിന്റേയും വ്യക്തി വൈരാഗ്യത്തിന്റേയും
പേരിലാണ് മധുവിനെ കൊലപ്പെടുത്തിയതെന്ന് കരുതുന്നു. നേരത്തെ തൃശ്ശൂരിലെ യൂത്ത് കോണ്ഗ്രസ് തിരഞ്ഞെടുപ്പുമായി ബന്ധപ്പെട്ട് പ്രേംലാലിനെ വെട്ടിയ കെസിലെ പ്രതിയായ മധു കഴിഞ്ഞ ദിവസമാണ് ജാമ്യത്തില് ഇറങ്ങിയത്.
മധുവിനെ കൊലപ്പെടുത്തിയ കേസില് അടാട്ട് പ്ലാച്ചല് വീട്ടില് മാര്ട്ടിന് (32), അയ്യന്തോള് സ്വദേശികളായ പുത്തന് വീട്ടില് സുരേഷ്, അടക്കേ കുന്നമ്പത്ത് പ്രവീണ്, ചാവക്കാട് സ്വദേശി മാങ്ങാട്ട് ഷീനോജ് എന്നിവരെ സി.ഐ എ രാമചന്ദ്രന്റെ നേതൃത്വത്തില് ഉള്ള സംഘമാണ് അറസ്റ്റുചെയ്തത്. ക്ഷേത്രപരിസരത്ത് ഓട്ടോയില് എത്തിയ ഗുണ്ടാസംഘം മധുവിനെ ഓട്ടോകൊണ്ട് ഇടിച്ചിടുകയായിരുന്നു. ക്ഷേത്രത്തിന്റെ കല്വിളക്കിനു സമീപത്തേക്ക് വീണ മധുവിനെ കഴുത്തിലും തലയ്ക്കും തുരുതുരാ വെട്ടി. ആശുപത്രിയില് എത്തിച്ചെങ്കിലും ജീവന് രക്ഷിക്കുവാന് ആയില്ല. സംഭവം നടക്കുമ്പോള് മധുവിന്റെ ഭാര്യ ജ്യോതിയും ഒപ്പം ഉണ്ടായിരുന്നു. നിരവധി കേസില് പ്രതിയായ മാര്ട്ടിനും മധുവുമായും വൈരാഗ്യം ഉണ്ടായിരുന്നതായി പറയപ്പെടുന്നു.
മഞ്ജു, മിഥുന് എന്നിവരാണ് മധുവിന്റെ മക്കള്. സംസ്കാരം പുഴക്കല് ശാന്തി തീരത്ത് നടത്തും.
- എസ്. കുമാര്
വായിക്കുക: കുറ്റകൃത്യം, കേരള രാഷ്ട്രീയ നേതാക്കള്, പോലീസ്
തിരുവനന്തപുരം: എന്.എസ്.എസ് ജനറല് സെക്രട്ടറി ജി.സുകുമാരന് നായരുടെ ഫോണ്ചോര്ത്തിയിട്ടില്ലെന്ന് ഇതു സംബന്ധിച്ച് അന്വേഷണം നടത്തിയ ഐ.ജി. കെ.പത്മകുമാറിന്റെ റിപ്പോര്ട്ട്. തന്റെ ടെലിഫോണ് സംഭാഷണങ്ങള് ആഭ്യന്തര വകുപ്പ് ചോര്ത്തുന്നതായി സുകുമാരന് നായര് സംശയം പ്രകടിപ്പിച്ചതിനെ തുടര്ന്ന് അന്വേഷണം നടത്തുവാന് എറണാകുളം റേഞ്ച് ഐ.ജിയെ ചുമതലപ്പെടുത്തുകയായിരുന്നു.അന്വേഷണത്തിന്റെ ഭാഗമായി രണ്ടു നമ്പറുകള് വിശദമായി പരിശോധനയ്ക്ക് വിധേയമാക്കിയിരുന്നു. ഈ രണ്ടു നമ്പറുകളിലെ സംഭാഷണങ്ങള് ചോര്ത്തുകയോ നിരീക്ഷിക്കുകയോ ചെയ്തിട്ടില്ലെന്ന് ഐ.ജി.യുടെ റിപ്പോര്ട്ട് പറയുന്നു.
- എസ്. കുമാര്
വായിക്കുക: കേരള രാഷ്ട്രീയം, പോലീസ്, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
