ദോഹ : മലയാളം ടെലിവിഷന്‍ വ്യൂവേഴ്സ് അസ്സോസ്സിയേഷന്‍ ( M T V A ) മലബാര്‍ മേഖല യുടെ മികച്ച ഹോം സിനിമ ക്കുള്ള അവാര്‍ഡ്‌ അടക്കം നിരവധി അവാര്‍ഡുകള്‍ കരസ്ഥമാക്കിയ ‘കുന്നുമ്മല്‍ കുഞ്ഞാമിനയും കൂറ ഔകറും’ എന്ന ഹോം സിനിമ യുടെ ഖത്തറിലെ പ്രകാശനം നടന്നു. ദോഹ സ്‌കില്‍സ് ഡവലപ്മെന്റ് സെന്‍ററില്‍ വെച്ചു നടന്ന ചടങ്ങില്‍ നാടക ചലച്ചിത്ര നടനും പൊതു പ്രവര്‍ത്തകനുമായ കെ. കെ. സുധാകരന്‍ സിനിമ യുടെ കോപ്പി അഡ്വ. വണ്ടൂര്‍ അബൂബക്കറിന് നല്‍കി പ്രകാശനം നിര്‍വ്വഹിച്ചു.
ദോഹ യിലെ അറിയപ്പെടുന്ന നടനും കലാ സാംസ്‌കാരിക പ്രവര്‍ത്തകനുമായ ഇക്ബാല്‍ ചേറ്റുവ നിര്‍മ്മിച്ച് ബന്ന ചേന്ദമംഗലൂര്‍ സംവിധാനം ചെയ്ത ‘കുന്നുമ്മല്‍ കുഞ്ഞാമിനയും കൂറ ഔകറും’ എന്ന ഈ ഹോം സിനിമ യില്‍ ടൈറ്റില്‍ കഥാപാത്ര ങ്ങളെ നാടക നടി സന്ധ്യാ ബാബു, അമൃത ടി. വി. ബെസ്റ്റ്‌ ആക്ടര്‍ അവാര്‍ഡ്‌ ജേതാവ്‌ ഗിരിധര്‍ എന്നിവര്‍ ജീവസുറ്റ താക്കി.
ഇവരെ കൂടാതെ ഇഖ്ബാല്‍ ചേറ്റുവ, ജമാല്‍ വേളൂര്‍ എന്നിവരും നാടക- ടെലിവിഷന്‍ രംഗത്തെ പ്രമുഖ നടീ നടന്മാരും മറ്റു കഥാപാത്രങ്ങളെ അവതരിപ്പിച്ചു. രചന : ഗിരീഷ് കറുത്ത പറമ്പ്‌ , ക്യാമറ : ക്രിസ്റ്റി ജോര്‍ജ്ജ്.
ചടങ്ങില്‍ സംവിധായകന്‍ ബന്ന ചേന്ദമംഗലൂര്‍ സ്വാഗതം പറഞ്ഞു . സിനിമാ പ്രദര്‍ശന ത്തിനുശേഷം ചിത്രത്തെ ക്കുറിച്ചുള്ള ചര്‍ച്ചയും നടന്നു. സിനിമ യുടെ സി. ഡി. ഖത്തറില്‍ ആവശ്യമുള്ളവര്‍ 44 62 23 03 എന്ന നമ്പറില്‍ ബന്ധപ്പെടണം
- pma
അനുബന്ധ വാര്‍ത്തകള്‍
വായിക്കുക: telefilm, television
