നമുക്ക് പാ‍ര്‍ക്കാന്‍ കുടുംബ പ്രേക്ഷകര്‍ ഏറ്റെടുത്തു

June 30th, 2012

namukkuparkkan-epathram

അനൂപ് മേനോന്‍ നായകനാകുന്ന കുടുംബ ചിത്രമായ “നമുക്ക് പാര്‍ക്കാന്‍” റിലീസ് ചെയ്തു. റിലീസ് ചെയ്ത ആദ്യ ദിവസം തന്നെ മികച്ച പ്രതികരണമാണ് ചിത്രത്തിനു ലഭിക്കുന്നത്. ആദ്യ ദിനം തന്നെ കുടുംബ പ്രേക്ഷകര്‍ ചിത്രത്തെ ഏറ്റെടുക്കുന്ന കാഴ്ചയാണ് തിയേറ്ററുകളില്‍ കാണുവാന്‍ കഴിയുന്നത്. സംവിധായകന്‍ അജി ജോണിന്റെ ടേസ്റ്റ് സിനിമയേക്കാള്‍ സീരിയലിനോട് ആണെങ്കിലും ദ്വയാര്‍ത്ഥ പ്രയോഗങ്ങളോ ഐറ്റം ഡാന്‍സോ ഇല്ലാതെ, കുടുംബ സമേതം കാണാന്‍ കഴിയുന്ന ചിത്രം എന്നതിനാലാണ് പ്രേക്ഷകര്‍ അഡ്ജസ്റ്റു ചെയ്യുന്നത്. അനൂപ് മേനോനും മേഘ്‌നയുമാണ് ചിത്രത്തില്‍ പ്രധാന റോളുകള്‍ ചെയ്തിരിക്കുന്നത്.

വീടു വെയ്ക്കുവാന്‍ ആഗ്രഹിക്കുന്ന ഒരു കുടുംബത്തിന്റെ ആഗ്രഹവും, അവരുടെ സ്വപ്നങ്ങളുമാണ് ചിത്രത്തിന്റെ കഥ. സാധാരണക്കാരുടെ ജീവിതത്തിലെ നിരവധി മുഹൂര്‍ത്തങ്ങളിലൂടെ ചിത്രം കടന്നു പോകുന്നു. ലാളിത്യത്തോടൊപ്പം ജീവിതത്തോട് ചേര്‍ന്നു നില്‍ക്കുന്നു എന്നത് തന്നെയാണ് പ്രേക്ഷകരെ ചിത്രത്തിലേക്ക് ആകര്‍ഷിക്കുന്നത്. കുടുംബ ചിത്രങ്ങളുടെ സംവിധായകന്‍ എന്ന നിലയില്‍ ഏറെ പ്രശസ്തനായ സത്യന്‍ അന്തിക്കാട് രചനയും സംവിധാനവും നിര്‍വ്വഹിക്കുന്ന ചിത്രങ്ങള്‍ക്ക് സംഭവിച്ചു കൊണ്ടിരിക്കുന്ന നിലവാരത്തകര്‍ച്ചയെ വെച്ചു നോക്കുമ്പോള്‍ ഈ ചിത്രം എത്രയോ ഭേദം എന്ന് പ്രേക്ഷകനു തോന്നിയാല്‍ അല്‍ഭുതപ്പെടേണ്ടതില്ല.

അനൂപും മേഘ്‌നയും ജയസൂര്യയും അഭിനയിച്ച ബ്യൂട്ടിഫുള്‍ എന്ന ചെറിയ ചിത്രത്തിനു വലിയ സ്വീകാര്യതയാണ് ലഭിച്ചത്. തിരക്കഥാകൃത്ത്, ഗാന രചയിതാവ് എന്നീ നിലയിലും അനൂപ് ശ്രദ്ധിക്കപ്പെട്ടു കഴിഞ്ഞു. ബ്യൂട്ടിഫുള്ളിലെ മിഴിനീര്‍ത്തുള്ളികള്‍ എന്ന് ആരംഭിക്കുന്ന ഗാനം ഏറെ ശ്രദ്ധ പിടിച്ചു പറ്റിയിരുന്നു. ഈ ചിത്രത്തിലും അനൂപ് രചിച്ച ഗാനം ഉണ്ട്. കവിയൂര്‍ പൊന്നമ്മ, സുധീഷ്, ടിനി റ്റോം, ഗീതാ വിജയന്‍ തുടങ്ങിയവരാണ് മറ്റു അഭിനേതാക്കൾ.

- ജെ.എസ്.

വായിക്കുക: , ,

അഭിപ്രായം എഴുതുക »

മമ്മൂട്ടിക്കായി രഞ്ജിത്ത് ‘ലീല’ മാറ്റിവെച്ചു

May 20th, 2012

mammootty2-epathram

മമ്മൂട്ടിക്ക് വേണ്ടി രഞ്ജിത്ത് തന്റെ സ്വപ്ന പദ്ധതി മാറ്റി വെക്കുന്നു. ഇനി മോഹല്‍ ലാല്‍ ചിത്രം ‘സ്പിരിറ്റ് ‘ ഇറങ്ങിയ ഉടനെ മമ്മൂട്ടി ചിത്രം തുടങ്ങാനാണ് പരിപാടി അതിനായി രഞ്ജിത്ത് തന്റെ സ്വപ്ന ചിത്രമായ ‘ലീല’ മാറ്റിവെക്കുന്നു. ഈയിടെ ഇറങ്ങിയ കോബ്രയും ബോക്സോഫീസില്‍ മൂക്കുകുത്തി വീണതോടെ മമ്മൂട്ടിക്ക് ഉടന്‍ ഒരു വിജയചിത്രം അത്യാവശ്യമാണ്. തന്‍റെ പരാജയകഥകള്‍ തുടരാന്‍ മെഗാസ്റ്റാര്‍ ആഗ്രഹിക്കുന്നില്ല. അതിനാലാണ് രഞ്ജിത്തിനെ പ്രത്യേകം വിളിച്ചുവരുത്തി ഒരു പുതിയ പ്രൊജെക്ടിനെ പറ്റി ഉടന്‍ ചിന്തിച്ചത്‌, കയ്യൊപ്പ്‌, പാലേരി മാണിക്യം ഒരു പാതിരാ കൊലപാതകത്തിന്റെ കഥ, പ്രാഞ്ചിയേട്ടന്‍ എന്നീ നല്ല ചിത്രങ്ങള്‍ ഒരുക്കിയ രേഞ്ഞിത്തിനെ കൊണ്ട് തന്നെ വേണം തന്റെ അടുത്ത ചിത്രമെന്ന മമ്മൂട്ടിയുടെ ആഗ്രഹത്തിന് മുന്നില്‍ രഞ്ജിത്ത് സമ്മതിക്കുകയായിരുന്നു അതുകൊണ്ടുതന്നെ, ഈ വര്‍ഷത്തെ പ്ലാനിംഗില്‍ കാര്യമായ ഉടച്ചുവാര്‍ക്കലുകള്‍ നടത്തിയിരിക്കുകയാണ് മമ്മൂട്ടി. ‘സ്പിരിറ്റ്’ റിലീസിനായി ഒരുക്കുന്ന രഞ്ജിത്തിനെ മറ്റെല്ലാ തിരക്കുകളില്‍ നിന്നും മാറ്റി തന്‍റെ പുതിയ സിനിമയ്ക്കായി കൂട്ടുവിളിച്ചിരിക്കുകയാണ് മമ്മൂട്ടി. ശങ്കര്‍ രാമകൃഷ്ണന്‍റെ തിരക്കഥയില്‍ രഞ്ജിത് മമ്മൂട്ടിച്ചിത്രം ഒരുക്കുന്നു എന്നാണ് സൂചന. അനൂപ് മേനോന്‍ പറഞ്ഞ കഥയാണ് ചെയ്യുന്നത്.

- ന്യൂസ് ഡെസ്ക്

വായിക്കുക: , , ,

അഭിപ്രായം എഴുതുക »

മമ്മൂട്ടി – രഞ്ജിത് ടീം വീണ്ടും

April 27th, 2012

mammootty2-epathram

മമ്മൂട്ടി രഞ്ജിത് ടീം വീണ്ടും ഒന്നിക്കുന്നു. കോക്‍ടെയില്‍, ബ്യൂട്ടിഫുള്‍ തുടങ്ങിയ ഹിറ്റ് സിനിമകളെഴുതിയ അനൂപിന്‍റെതാണ് തിരക്കഥ. കൈയ്യൊപ്പ്, പാലേരി മാണിക്യം, പ്രാഞ്ചിയേട്ടന്‍ തുടങ്ങിയ ചിത്രങ്ങളാണ് ഇതിനു മുമ്പ്‌ ഇറങ്ങിയ രഞ്ജിത്ത് മമ്മൂട്ടി ചിത്രങ്ങൾ. വന്‍ വിജയമായ പ്രാഞ്ചിയേട്ടന് ശേഷം മമ്മൂട്ടിയുമായി ഒരു ചെറിയ ഇടവേളയെടുത്താണ് രഞ്ജിത് വീണ്ടും ഒന്നിക്കുന്നത്. ഈ വര്‍ഷം അവസാനം ചിത്രീകരണം ആരംഭിക്കും. ഇപ്പോള്‍ സ്പിരിറ്റിന്‍റെ പോസ്റ്റ് പ്രൊഡക്ഷന്‍ ജോലികളിലാണ് രഞ്ജിത്. അതിന് ശേഷം ‘ലീല’ എന്ന സിനിമയുടെ ചിത്രീകരണം ആരംഭിക്കും. മുരളി മൂവീസിന്‍റെ ബാനറില്‍ മാധവന്‍ നായരാണ് ഈ സിനിമ നിര്‍മ്മിക്കുന്നത്.

- ന്യൂസ് ഡെസ്ക്

വായിക്കുക: ,

അഭിപ്രായം എഴുതുക »


« മമ്മൂട്ടിയുടെ മകന്‍ മോഹന്‍ലാലിന്റെ മകനായി വേഷമിടുന്നു
ബേബി ശ്യാമിലി വീണ്ടും മലയാളത്തില്‍ »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine