അബുദാബി : കലാ സാംസ്കാരിക കൂട്ടായ്മ യായ അബു ദാബി സാംസ്‌കാ രിക വേദി യുടെ രണ്ടാമത് പത്മരാജൻ പുരസ്കാരം പ്രശസ്ത അഭിനേത്രി സുരഭി ലക്ഷ്മിക്ക് സമ്മാനിച്ചു.
മുസ്സഫ യിലെ മലയാളി സമാജ ത്തിൽ നടന്ന ആഘോഷ പരിപാടി യിൽ ഇന്ത്യൻ എംബസ്സി സാമൂഹിക വിഭാഗം ഫസ്റ്റ് സെക്രട്ടറി പൂജ വേർണെ ക്കറുടെ കയ്യില്‍ നിന്നും സുരഭി ലക്ഷ്മി പുരസ്കാരം ഏറ്റു വാങ്ങി.
സഹിഷ്ണത വർഷാചരണത്തിന്റെ ഭാഗമായി അബു ദാബി സാംസ്കാരിക വേദി പ്രഖ്യാപിച്ച കർമ്മ ശ്രേഷ്ഠ പുരസ്കാരങ്ങൾ അഹല്യ ഹെൽത്ത് സെന്റർ എം. ഡി. ശ്രിയാ ഗോപാല്‍, ബിൻ മൂസ ട്രാവൽസ് എം. ഡി. മേരി തോമസ് എന്നിവര്‍ക്കു സമ്മാനിച്ചു. കൂടാതെ യു. എ. ഇ. യിലെ വിവിധ റിയാലിറ്റി ഷോ കളിൽ കഴിവ് തെളി യിച്ച പതിനൊന്നു പ്രതിഭ കള്‍ക്കും പുരസ്കാരങ്ങള്‍ നല്‍കി ആദരിച്ചു.
സാംസ്കാരിക വേദി പ്രസിഡണ്ട് അനൂപ് നമ്പ്യാർ അദ്ധ്യക്ഷത വഹിച്ചു. മലയാളി സമാജം വൈസ് പ്രസി ഡണ്ട് സലിം ചിറക്കൽ, ജനറൽ സെക്രട്ടറി പി. കെ. ജയ രാജ്, ബി. യേശു ശീലൻ, മൊയ്തീൻ അബ്ദുൽ അസീസ്, വനിതാ വിഭാഗം കൺവീനർ സിന്ധു ലാലി തുടങ്ങി യവര്‍ സംസാരിച്ചു. ടി. വി. സുരേഷ് കുമാർ സ്വാഗതവും സാബു അഗസ്റ്റിൻ നന്ദിയും പറഞ്ഞു. തുടർന്ന് വിവിധ കലാ പരിപാടികൾ അരങ്ങേറി.
- pma
അനുബന്ധ വാര്‍ത്തകള്‍
വായിക്കുക: കല, നാടകം, പ്രവാസി, ബഹുമതി, മലയാളി സമാജം, സംഗീതം, സിനിമ
