അരവിന്ദന്‍ മികച്ച കളിക്കാരന്‍

March 10th, 2011

കുവൈറ്റ്‌ : കേരളത്തിലെ എഞ്ചിനിയറിംഗ് കോളേജ്‌ പൂര്‍വ വിദ്യാര്‍ത്ഥികളുടെ കുവൈറ്റിലെ സംഘടനയായ കേരളൈറ്റ് എഞ്ചിനിയേഴ്സ് അസോസിയേഷന്‍ (Keralite Engineers Association – KEA) സംഘടിപ്പിച്ച രണ്ടാം വാര്‍ഷിക കെ. ഇ. എ. ഫ്രണ്ട്ഷിപ്പ് കപ്പ് ഫുട്ബോള്‍ ടൂര്‍ണമെന്റിന്റെ മൂന്നാമത്‌ മല്‍സരത്തില്‍ പാലക്കാട്‌ എന്‍. എസ്. എസ്. എഞ്ചിനിയറിംഗ് കോളേജ്‌ പൂര്‍വ വിദ്യാര്‍ത്ഥിയായ അരവിന്ദന്‍ ബാലകൃഷ്ണന്‍ മികച്ച കളിക്കാരനായി തെരഞ്ഞെടുക്കപ്പെട്ടു.

aravindan-balakrishnan-man-of-the-match-epathram
അരവിന്ദന്‍ “മാന്‍ ഓഫ് ദ മാച്ച്” പുരസ്കാരം ഏറ്റുവാങ്ങുന്നു

എന്‍. എസ്. എസ്. എഞ്ചിനിയറിംഗ് കോളേജും എ. ഇ. സി. കെ. (Alumni Association of Engineering Colleges in Kerala – AECK) യും തമ്മില്‍ നടന്ന വാശിയേറിയ മല്‍സരത്തില്‍ അരവിന്ദന്‍ അടിച്ച മറുപടിയില്ലാത്ത ഏക ഗോളാണ് പാലക്കാടിനെ വിജയികളാക്കിയത്‌. എന്നാല്‍ തന്റെ ഗോളിനേക്കാള്‍ വലയില്‍ ഒരു ഗോള്‍ പോലും വീഴാതെ കാത്ത ഗോള്‍ കീപ്പറായ ഹരീഷിന്റെ മികച്ച പ്രകടനമാണ് തങ്ങളുടെ വിജയത്തിന് കാരണമായത്‌ എന്ന് അരവിന്ദന്‍ അഭിപ്രായപ്പെട്ടു.

goalkeeper-hareesh-epathramഹരീഷ്

മാര്‍ച്ച് 4 വെള്ളിയാഴ്ച അബു ഹലീഫയിലെ അല്‍ സാഹേല്‍ സ്പോര്‍ട്ട്സ് ക്ലബില്‍ നടന്ന രണ്ടാം റൌണ്ട് ലീഗ് മല്‍സരങ്ങളില്‍ ആദ്യ മല്‍സരത്തില്‍ മേസ് (MACE) 3 – 1 ന് എന്‍. ഐ. ടി (NIT) യെ തോല്‍പ്പിച്ചു. കെ. ഇ. എ. ടീമും ടി. കെ. എം. ടീമും തമ്മില്‍ നടന്ന മല്‍സരം സമനിലയില്‍ കലാശിച്ചു. ടി. ഇ. സി. യും (TEC) കോളേജ്‌ ഓഫ് എഞ്ചിനിയറിംഗ് തിരുവനന്തപുരവും (CETA) തമ്മില്‍ നടന്ന മല്‍സരത്തില്‍ TEC എതിരില്ലാത്ത നാല് ഗോളുകള്‍ക്ക് CETA യെ തോല്‍പ്പിച്ചു.

രണ്ടാം റൌണ്ട് മത്സരങ്ങളുടെ അവസാനം 4 പോയന്റോടെ എന്‍. എസ്. എസ്. കോളജ്‌ ഓഫ് എഞ്ചിനിയറിംഗ് (NSSCE) ഒന്നാം സ്ഥാനത്തെത്തി. ലീഗ് മത്സരത്തിലെ മൂന്നും നാലും റൌണ്ട് മല്‍സരങ്ങള്‍ മാര്‍ച്ച് 11 വെള്ളിയാഴ്ച നടക്കും.

- pma

വായിക്കുക: , ,

അഭിപ്രായം എഴുതുക »

‘കുമ്മാട്ടി’ പുതിയ ഭാരവാഹി കളെ തെരഞ്ഞെടുത്തു.

February 21st, 2011

kummatti-college-alumni-members-epathram

ദുബായ് : തൃശൂർ സെന്‍റ് തോമസ് കോളേജി ലെ പൂർവ്വ വിദ്യാർത്ഥി കളുടെ സംഘടന യായ ‘കുമ്മാട്ടി’ യുടെ പുതിയ ഭാരവാഹി കളെ തെരഞ്ഞെടുത്തു.

ദീപു ചാൾസ് (പ്രസിഡന്‍റ്), അജയ്കുമാർ തെക്കൂട്ട് (ജനറൽ സെക്രട്ടറി), വി. ജി. സുധീരൻ (വൈസ് പ്രസിഡന്‍റ്), ആന്‍റണി ഇഗ്നേഷ്യസ് (ജോയിന്‍റ് സെക്രട്ടറി), റാഫി മാത്യൂസ് (അക്കാഫ് മെംബർ), അബ്ദുൽ റൗഫ്‌ (ട്രഷറർ), രാജേഷ് രാജാറാം (ആർട്ട്സ്/മീഡിയ സെക്രട്ടറി) എന്നിവരും, പ്രധാന അംഗങ്ങളായി സൈഫുദ്ദീൻ.ഇ. പി., മുഹമ്മദ് ഷഫീഖ്, പോൾ ജോസ്, ചാൾസ് ജോസഫ്, എം. വി. ലാൽ, ഫൈസൽ അബ്ദു റഹമാൻ എന്നിവരും തിരഞ്ഞെടുക്ക പ്പെട്ടു.

എക്സിക്യൂട്ടീവ് കമ്മറ്റി യിൽ പ്രത്യേക ക്ഷണിതാ ക്കളായി ‘കുമ്മാട്ടി’ മുൻ പ്രസിഡണ്ടുമാർ, പി. സി. ഔസേഫ്, ജോബ് ജോസഫ് എന്നിവരും പങ്കെടുക്കുന്ന തായിരിക്കും.

വാർഷിക ജനറൽ ബോഡി യോഗ ത്തിൽ പി. സി. ഔസേഫ് അദ്ധ്യക്ഷത വഹിച്ചു. അജയ് തെക്കൂട്ട് വാർഷിക റിപ്പോർട്ട് അവതരിപ്പിച്ചു. ട്രഷറർ റൗഫ്‌ അവതരിപ്പിച്ച വരവ് ചെലവു കണക്കു കൾ പാസ്സാക്കി. ജോബ് ജോസഫ് സ്വാഗതവും ആന്‍റണി ഇഗ്നേഷ്യസ് നന്ദിയും പറഞ്ഞു.

‘കുമ്മാട്ടി’ അസോസിയേഷൻ സംബന്ധിച്ച കൂടുതൽ വിവര ങ്ങൾക്കും, മെമ്പര്‍ഷിപ്പി നും 050 55 121 98 എന്ന നമ്പറിൽ ( ദീപു ചാൾസ്) ബന്ധപ്പെടുക.

അയച്ചു തന്നത് : ഓ. എസ്. എ. റഷീദ്‌

- pma

വായിക്കുക: ,

അഭിപ്രായം എഴുതുക »

എന്‍.എസ്.എസ്. സ്ട്രൈക്കേഴ്സ് കേര ഫുട്ബോള്‍ കിരീടം ചൂടി

February 20th, 2011

kera-football-epathram

ദുബായ്‌ : പ്രവചനങ്ങള്‍ക്കും കണക്കു കൂട്ടലുകള്‍ക്കും അവകാശ വാദങ്ങള്‍ക്കും വിരാമം ഇട്ടു കൊണ്ട് കേര രണ്ടാം സീസണ്‍ ഫുട്ബോള്‍ മത്സരത്തിന്റെ ഫൈനലില്‍ കണ്ണൂര്‍ എഞ്ചിനിയറിംഗ് കോളേജിനെ എതിരില്ലാത്ത രണ്ടു ഗോളുകള്‍ക്ക് മറി കടന്ന് പാലക്കാട്‌ എന്‍. എസ്. എസ്. എഞ്ചിനിയറിംഗ് കോളേജിന്റെ എന്‍. എസ്. എസ്. സ്ട്രൈക്കേഴ്സ് ടീം കേര ഫുട്ബോള്‍ കിരീടം ചൂടി.

kera-football-epathramകൂടുതല്‍ ചിത്രങ്ങള്‍ക്ക് മുകളില്‍ ക്ലിക്ക്‌ ചെയ്യുക

സാങ്കേതികമായി മാത്രമുള്ള ഒരു കളി എന്നതിനപ്പുറം വീറും വാശിയും ദര്‍ശിച്ച ഒരു ഏറ്റുമുട്ടല്‍ തന്നെയായിരുന്നു ഇന്നലത്തെ ‘ലൂസേഴ്സ് ഫൈനല്‍’. പാലക്കാടന്‍ ഫുട്ബോള്‍ ശൈലിയുടെ സുന്ദര മുഹൂര്‍ത്തങ്ങള്‍ കളിയില്‍ ഉടനീളം പുറത്തെടുത്ത എന്‍. എസ്. എസ്.  എഞ്ചിനിയറിംഗ് കോളേജിന്റെ രണ്ടാമത്തെ ടീമായ എന്‍. എസ്. എസ്. ബുള്‍സിന്, തങ്ങളെ സെമിയില്‍ വരെ എത്തിച്ച ഭാഗ്യത്തിന്റെ കടാക്ഷം കൂടി ഉണ്ടായിരുന്നു എങ്കില്‍ മൂന്നാം സ്ഥാനം സ്വന്തമാക്കാന്‍ കഴിയുമായിരുന്നുവെങ്കിലും നാലാം സ്ഥാന ക്കാരായി മാറാന്‍ ആയിരുന്നു നിയോഗം.

കേര ഫുട്ബോള്‍ ചരിത്രത്തില്‍ ആദ്യമായി ഒന്നാം സ്ഥാനവും നാലാം സ്ഥാനവും ഒരേ കോളേജിന്റെ ടീം തന്നെ കരസ്ഥമാക്കുക എന്ന അപൂര്‍വ ബഹുമതിയും ഇനി പാലക്കാട്‌ എന്‍. എസ്. എസ്. കോളേജിനു സ്വന്തം.

വെള്ളിയാഴ്ച ഉച്ചയ്ക്ക് സഫാ പാര്‍ക്ക്‌ ഫുട്ബോള്‍ കളിക്കളത്തില്‍ നടന്ന മത്സരത്തില്‍ ആദ്യ പകുതിയില്‍ പത്തൊന്‍പതാം മിനുട്ടില്‍ ദിനേശ്‌ കെ. ജി. നേടിയ അത്യുജ്ജ്വല ഗോളാണ് മത്സരത്തിന് വഴിത്തിരിവായത്‌. മിന്നല്‍ വേഗത്തില്‍ പാഞ്ഞു കയറി എതിരാളികളുടെ പേടി സ്വപ്നമായ ദിനുവിന്റെ നീക്കങ്ങള്‍ തികച്ചും പ്രവചനാതീതമായിരുന്നു.

കാപ്റ്റന്‍ അബ്ദു റഹിമാന്റെ നേതൃത്വ ത്തില്‍  ഒത്തൊരുമ യോടെ കളിച്ച തിനുള്ള പ്രതിഫലം ആയിരുന്നു കളിക്കളത്തിലെ പയ്യന്‍സ് പ്രശാന്ത്‌ അയ്യപ്പന്‍ രണ്ടാം പകുതിയുടെ മുപ്പത്തി ഒന്‍പതാം മിനുട്ടില്‍ നേടിയ ചരിത്ര മുഹൂര്‍ത്തമായ നിര്‍ണ്ണായക ഗോള്‍.

- pma

വായിക്കുക: ,

അഭിപ്രായം എഴുതുക »

ശ്രീ വിവേകാനന്ദ കോളേജ്‌ പൂര്‍വ വിദ്യാര്‍ത്ഥി സംഗമം

February 13th, 2011

Kizhoor-Sree-Vivekananda-College-Alumni-UAE-ePathram

ദുബായ്‌ : കുന്നംകുളം കിഴൂര്‍ ശ്രീ വിവേകാനന്ദ കോളേജ്‌ പൂര്‍വ വിദ്യാര്‍ത്ഥികളുടെ സംഗമം ദുബായ്‌ അല്‍ മംസാര്‍ പാര്‍ക്കില്‍ നടക്കും. ഫെബ്രുവരി 18 വെള്ളിയാഴ്ച രാവിലെ 10 മണി മുതല്‍ വൈകീട്ട് 4 മണി വരെയാണ് സമയം. കൂടുതല്‍ വിവരങ്ങള്‍ക്ക് 050 9926112 എന്ന നമ്പരില്‍ ബന്ധപ്പെടുക.

മഹേഷ്‌ ചോലയില്‍

- pma

വായിക്കുക:

അഭിപ്രായം എഴുതുക »

ദര്‍ശന യു.എ.ഇ. യുടെ എക്സ്പ്രഷന്‍സ്‌ 2011

February 9th, 2011

caroline savio rajeev puliyankot epathram

ഷാര്‍ജ : പാലക്കാട്‌ എന്‍. എസ്. എസ്. എന്‍ജിനിയറിങ് കോളേജ്‌ പൂര്‍വ വിദ്യാര്‍ത്ഥികളുടെ ആഗോള സംഘടനയായ ദര്‍ശനയുടെ യു. എ. ഇ. ഘടകത്തിന്റെ ആഭിമുഖ്യത്തില്‍ അംഗങ്ങളുടെ കുട്ടികള്‍ക്കായി ഒരുക്കിയ കലാ സാഹിത്യ സാംസ്കാരിക മല്‍സരങ്ങള്‍ ഷാര്‍ജ എമിറേറ്റ്സ് നാഷണല്‍ സക്കൂളില്‍ വെച്ച് നടന്നു.

darsana_expressions_2011_epathram

കൂടുതല്‍ ചിത്രങ്ങള്‍ക്ക് മുകളില്‍ ക്ലിക്ക്‌ ചെയ്യുക

ചിത്ര രചന, ചായം കൊടുക്കല്‍, പെന്‍സില്‍ വരപ്പ്, കാര്‍ട്ടൂണ്‍ വരപ്പ്, കവിതാ പാരായണം, സ്പെല്ലിംഗ് മല്‍സരം, പ്രസംഗ മല്‍സരം, കഥ പറച്ചില്‍, ആംഗ്യ ഗാനം, പ്രബന്ധ മല്‍സരം, കഥ എഴുത്ത്, പ്രച്ഛന്ന വേഷം, മള്‍ട്ടിമീഡിയ പ്രശ്നോത്തരി എന്നിങ്ങനെ വൈവിധ്യമാര്‍ന്ന മല്‍സരങ്ങളില്‍ അംഗങ്ങളുടെ കുട്ടികള്‍ പങ്കെടുത്തു.

ഫോട്ടോ : കാരോളിന്‍ സാവിയോ

- pma

വായിക്കുക: , , , , , , ,

അഭിപ്രായം എഴുതുക »

Page 3 of 512345

« Previous Page« Previous « കലാമണ്ഡലം ക്ഷേമാവതിക്ക് സ്വീകരണം നല്‍കി
Next »Next Page » അബുദാബി മലയാളി സമാജം പുതിയ കെട്ടിട ത്തിലേക്ക് »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine