സൗദി അറേബ്യ യിലേക്ക് വിമാന യാത്രാ വിലക്ക്

September 23rd, 2020

corona-viruses-or-germs-do-not-spread-on-flight-and-air-crafts-ePathram
റിയാദ് : സൗദി അറേബ്യ യിൽ നിന്നും ഇന്ത്യയിലേക്കും അർജന്റീന, ബ്രസീൽ എന്നീ രാജ്യങ്ങളിലേക്കും തിരിച്ചും ഉള്ള വിമാന സർവ്വീസുകള്‍ നിര്‍ത്തി വെച്ചു. കൊവിഡ് വ്യാപനം അധികരിച്ച സാഹചര്യ ത്തിലാണ് വ്യോമയാന ബന്ധം താല്‍ക്കാലിക മായി നിര്‍ത്തുന്നത് എന്ന് സൗദി സിവിൽ ഏവിയേഷൻ അഥോറിറ്റി വ്യക്തമാക്കി.

ഇന്ത്യയിലേക്ക് സർവ്വീസ് നടത്തി വരുന്ന വന്ദേ ഭാരത് മിഷൻ പദ്ധതി പ്രകാരമുള്ള വിമാന ങ്ങൾക്കും ഈ വിലക്ക് ബാധകമാണ്.

gaca-saudi-arabia-civil-aviation-press-release-ePathram

മാത്രമല്ല രണ്ടാഴ്ച ക്കുള്ളില്‍ ഇന്ത്യയില്‍ സന്ദര്‍ശനം നടത്തിയവരും മറ്റു രാജ്യങ്ങളില്‍ നിന്നും സൗദി അറേബ്യ യിലേക്ക് വരുന്നവരു മായ യാത്ര ക്കാര്‍ക്കും വിലക്ക് ഉണ്ട്.

ഇന്ത്യ, അർജന്റീന, ബ്രസീൽ എന്നീ രാജ്യങ്ങളിൽ കഴിഞ്ഞ രണ്ടാഴ്ച താമസിച്ച ഇതര രാജ്യ ക്കാർക്കും സൗദി യിലേക്ക് ഇപ്പോള്‍ വരാന്‍ കഴിയില്ല എന്നും സൗദി സിവിൽ ഏവിയേഷൻ അഥോറിറ്റി വ്യക്തമാക്കി.

- pma

വായിക്കുക: , , , , ,

അഭിപ്രായം എഴുതുക »

വിമാന യാത്രയില്‍ സാമൂഹിക അകലം വേണ്ട എന്ന് അമേരിക്ക

May 28th, 2020

corona-viruses-or-germs-do-not-spread-on-flight-and-air-crafts-ePathram

വാഷിംഗ്ടണ്‍ : വൈറസ് അടക്കമുള്ള അണുക്കള്‍ വിമാന ങ്ങള്‍ക്ക് ഉള്ളില്‍ വ്യാപിക്കുവാന്‍ സാദ്ധ്യത ഇല്ല എന്നും ആയതിനാല്‍ വിമാന യാത്ര യില്‍ സാമൂഹിക അകലം പാലിക്കേ ണ്ടതായ ആവശ്യമില്ല എന്നും (ഡി. സി. സി.).

അതു കൊണ്ടു തന്നെ മദ്ധ്യത്തിലെ സീറ്റ് ഒഴിച്ചിടണം എന്ന് അമേരിക്ക യുടെ കൊവിഡ് നിർദ്ദേ ശ ങ്ങളില്‍ ഉൾപ്പെ ടുത്തിയിട്ടില്ല എന്നും സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷൻ.

കൊവിഡ് വ്യാപനം മുൻ നിർത്തി, വിമാന ത്തിന്ന് ഉള്ളിലെ സാമൂഹിക അകല ത്തിനു പകരം ഒരു കൂട്ടം സുരക്ഷാ മുന്നറിയി പ്പുകള്‍ പൈലറ്റിനും ജീവനക്കാർ ക്കും നല്‍കിയി ട്ടുണ്ട്.

വൈറസ് പടരാൻ സാദ്ധ്യതയില്ല എന്ന് അവകാശ പ്പെടു മ്പോഴും കഴിയുന്നതും വിമാന യാത്ര ഒഴിവാക്കണം എന്നും അമേരിക്കന്‍ ആരോഗ്യ വിദഗ്ദര്‍ പറയുന്നു.

യാത്രക്കാരുടെ സുരക്ഷാ പരിശോധനക്കു വേണ്ടി യുള്ള വരി നില്‍ക്കലും വിമാന ത്താവള ടെർമിനലു കളിലും മറ്റും കൂടുതല്‍ സമയം ചെലവഴിക്കേണ്ടി വരും എന്നതിനാലും ഇവിട ങ്ങളില്‍ സാമൂഹിക അകലം പാലിക്കാന്‍ കഴിയാതെ വരും എന്നതിനാലും വിമാന യാത്ര പരമാവധി ഒഴിവാക്കുന്നതു തന്നെയാണ് നല്ലത്.

- pma

വായിക്കുക: , , , ,

അഭിപ്രായം എഴുതുക »

ഒളിംപിക്‌സ് ദീപശിഖ ജപ്പാനിലെത്തി, ആളും ആരവവുമില്ലാതെ

March 21st, 2020

tokyo olympics_epathram

ഒളിംപിക്‌സ് ദീപശിഖയും വഹിച്ചുകൊണ്ടുള്ള വിമാനം ഗ്രീസില്‍ നിന്നും ജപ്പാനിലെത്തി. കോവിഡ് 19 ഭീതിയെ തുടര്‍ന്ന് ഒളിംപിക്‌സ് മാറ്റിവെക്കുമെന്ന ആശങ്കകള്‍ക്കിടെയാണ് ദീപശിഖ ജപ്പാനിലെത്തിയത്. പതിവ് ആഘോഷപരിപാടികളൊന്നുമില്ലാതെ ആളും ആരവവുമില്ലാതെയാണ് ദീപശിഖ ജപ്പാനിലെത്തിയത്.

ജപ്പാനിലെ മിയാഗിയിലെ മാറ്റ്‌സുഷിമ വ്യോമതാവളത്തിലായിരുന്നു ദീപശിഖ വഹിച്ചവിമാനം ഇറങ്ങിയത്. ഇക്കാര്യം ടോക്യോ 2020 ഒളിംപിക്‌സിന്റെ അക്കൗണ്ട് തന്നെ ട്വീറ്റ് ചെയ്യുകയായിരുന്നു. സുനാമിയും ഭൂമികുലുക്കവും ബാധിച്ച് തകര്‍ന്നുപോയ തൊഹുക്കു മേഖലയിലാണ് ഈ വിമാനത്താവളം ഉള്ളത്. ജപ്പാന്റെ തിരിച്ചുവരവിന്റെ പ്രതീകമായാണ് ഈ വ്യോമതാവളം തന്നെ ഒളിംപിക്‌സ് ദീപശിഖ ഇറങ്ങാനായി തെരഞ്ഞെടുത്തത്.

- അവ്നി

വായിക്കുക: , , ,

അഭിപ്രായം എഴുതുക »

കൊറോണ; ഇറാനിൽനിന്ന് പൗരന്മാരെ തിരിച്ചെത്തിക്കാൻ കുവൈത്ത് നടപടി തുടങ്ങി

February 23rd, 2020

kuwait airways_epathram

കൊറോണ വൈറസ് ബാധയുടെ പശ്ചാത്തലത്തിൽ ഇറാനിൽനിന്ന് പൗരന്മാരെ തിരിച്ചെത്തിക്കാൻ കുവൈത്ത് നടപടി തുടങ്ങി. ശനിയാഴ്ച അഞ്ച് വിമാനങ്ങളിലായി 700 പേരെയാണ് തിരിച്ചെത്തിച്ചത്. ഇറാനിൽ ശേഷിക്കുന്ന കുവൈത്തികളോട് തെഹ്റാനിലെ കുവൈത്ത് എംബസിയുമായി അടിയന്തിരമായി ബന്ധപ്പെടാന്‍ ആവശ്യപ്പെട്ടിട്ടുണ്ട്.

ഇറാനിൽ കൊറോണ ബാധ റിപ്പോർട്ട് ചെയ്യപ്പെടുകയും അഞ്ചു പേര് മരിക്കുകയും ചെയ്ത പശ്ചാത്തലത്തിലാണ് നടപടി. വൈറസ് ബാധ റിപ്പോർട്ട് ചെയ്യപ്പെട്ട അൽ ഖൂം നഗര ഭാഗത്തേക്ക് പോവരുതെന്ന് ഇറാനിൽ ശേഷിക്കുന്ന പൗരന്മാർക്ക് എംബസ്സി കർശന നിർദേശം നൽകിയിട്ടുണ്ട്. ഇറാനിൽ നിന്നെത്തിയ യാത്രക്കാർ രണ്ടാഴ്ചക്കാലം പ്രത്യേക നിരീക്ഷണത്തിലായിരിക്കുമെന്നു ആരോഗ്യമന്ത്രാലയം വ്യക്തമാക്കി.

- അവ്നി

വായിക്കുക: , , , ,

അഭിപ്രായം എഴുതുക »

ബോയിങ് വിമാനങ്ങളില്‍ പൂര്‍ണവിശ്വാസമെന്ന് ഖത്തര്‍ എയര്‍വേയ്സ്; കൂടുതല്‍ മാക്സ് 737 വിമാനങ്ങള്‍ വാങ്ങും

March 28th, 2019

plane_epathram

മസ്കറ്റ്: തുടര്‍ച്ചയായ അപകടങ്ങളുടെ പശ്ചാത്തലത്തില്‍ വിവിധ രാജ്യങ്ങള്‍ വിലക്കേര്‍പ്പെടുത്തിയതോടെ പ്രതിസന്ധിയിലായ ബോയിങ് വിമാനക്കമ്പനിക്ക് ശക്തമായ പിന്തുണയുമായി ഖത്തര്‍ എയര്‍വേയ്സ്. ബോയിങിന്റെ വിമാനങ്ങളില്‍ പൂര്‍ണ വിശ്വാസമുണ്ടെന്ന് അഭിപ്രായപ്പെട്ട ഖത്തര്‍ എയര്‍വേയ്സ് ഗ്രൂപ്പ് സിഇഒ അക്ബര്‍ അല്‍ ബേക്കര്‍, ബോയിങ് 737 മാക്സ് വിഭാഗത്തില്‍ പെടുന്ന 15 വിമാനങ്ങള്‍ കൂടി വാങ്ങുമെന്നും അറിയിച്ചു.

മിഡില്‍ ഈസ്റ്റിലെ പ്രധാന വിമാനകമ്പനികളിലൊന്നായ ഖത്തര്‍ എയര്‍വേയ്സ് ബോയിങിനെ പ്രധാന ഉപഭോക്താക്കളിലൊന്നാണ്. നേരത്തെ എയര്‍ബസ് വിമാന കമ്പനിയുമായുണ്ടായ പ്രശ്നങ്ങള്‍ക്ക് ശേഷം ഖത്തര്‍ എയര്‍വേയ്സ് 20 ബോയിങ് 737 മാക്സ് വിമാനങ്ങള്‍ക്ക് ഓര്‍ഡര്‍ നല്‍കിയിരുന്നു. ഇതില്‍ അഞ്ച് വിമാനങ്ങള്‍ നേരത്തെ കൈമാറി. അപകടങ്ങളുടെ പശ്ചാത്തലത്തില്‍ ബാക്കി വിമാനങ്ങള്‍ ലഭിക്കുന്നത് വൈകുമെന്നും ബേക്കര്‍ പറഞ്ഞു.

- അവ്നി

വായിക്കുക: , ,

അഭിപ്രായം എഴുതുക »

എത്യോപ്യൻ വിമാനം തകര്‍ന്നു : 157 യാത്രക്കാര്‍ മരിച്ചതായി റിപ്പോര്‍ട്ട്

March 11th, 2019

plane-crash-epathram

അഡിസ് അബാബ : 149 യാത്രക്കാരും എട്ട് ജീവനക്കാരുമായി കെനിയയിലെ നയ്റോബിയിലേക്കു പോയ എത്യോപ്യൻ എയർലൈൻസിന്റെ വിമാനം തകര്‍ന്നു. വിമാനത്തിലുണ്ടായിരുന്ന 157 യാത്രക്കാരും മരിച്ചതായി റിപ്പോര്‍ട്ടുണ്ട്. 737– 800 എംഎഎക്സ് വിമാനമാണ് അപകടത്തിൽപെട്ടത്. അപകട കാരണം എന്താണെന്ന് വ്യക്തമല്ല. 149 യാത്രക്കാരും 8 ക്രൂ അംഗങ്ങളും വിമാനത്തിലുണ്ടായിരുന്നതായാണ് വിവരം.

പ്രാദേശിക സമയം രാവിലെ 8.44നാണ് അപകടമുണ്ടായതെന്ന് വിമാനക്കമ്പനിയുടെ വക്താവ് വാർത്താ ഏജൻസിയായ റോയിട്ടേഴ്സിനോടു പറഞ്ഞു. അഡിസ് അബാബയിലെ ബോലെ വിമാനത്താവളത്തിൽനിന്ന് പ്രാദേശിക സമയം രാവിലെ 8.38നാണ് വിമാനം പറന്നുയർന്നത്. 8.44 കഴിഞ്ഞതോടെ വിമാനവുമായുള്ള ബന്ധം നഷ്ടപ്പെട്ടു. വിമാനത്തിലുണ്ടായിരുന്നവർക്കായി തിരച്ചിൽ തുടങ്ങിയതായും ആരെങ്കിലും മരിച്ചോ ജീവിച്ചിരിപ്പുണ്ടോ എന്നീ കാര്യങ്ങളെക്കുറിച്ച് അറിവില്ലെന്നും വിമാനക്കമ്പനി വ്യക്തമാക്കി.

- അവ്നി

വായിക്കുക: , , ,

അഭിപ്രായം എഴുതുക »

ലോകത്തിലെ എറ്റവും വലിയ വിമാനമായിരുന്ന എയർലാൻഡർ 10 തകർന്നുവീണു

August 25th, 2016

airlander-collaps-epathram

ലോകത്തിലെ എറ്റവും വലിയ വിമാനമായിരുന്ന എയർലാൻഡർ 10 കിഴക്കൻ ഇംഗ്ലണ്ടിൽ തകർന്നുവീണു. നിലത്തിറക്കാൻ ശ്രമിക്കുന്നതിനിടെയായിരുന്നു അപകടം. അപകടത്തിൽ ആർക്കും പരിക്ക് പറ്റിയിട്ടില്ല. വിമാനമായും ഹെലികോപ്റ്ററായും എയർഷിപ്പായും ഉപയോഗിക്കാം എന്നതായിരുന്നു 92 മീറ്റർ നീളമുള്ള എയർലാൻഡറിന്റെ സവിശേഷത.

തകരാറുകൾ പരിഹരിച്ചിട്ടുള്ള രണ്ടാമത്തെ പറക്കലിനിടയിലായിരുന്നു അപകടം. കഴിഞ്ഞ ദിവസം ലണ്ടനിൽ വെച്ചായിരുന്നു ആദ്യ പറക്കൽ. കുറഞ്ഞ ഇന്ധന ചിലവിൽ 5 ദിവസം വരെ തുടർച്ചയായി പറക്കാൻ കഴിവുള്ള വിമാനമാണ് എയർലാൻഡർ എന്നായിരുന്നു അവകാശവാദം.

- അവ്നി

വായിക്കുക: , ,

അഭിപ്രായം എഴുതുക »

മദ്യപിച്ച ജോലിക്ക് ഹാജരായ പാൿ പൈലറ്റ് അറസ്റ്റിൽ

September 20th, 2013

pakistan-international-airlines-epathram

ലണ്ടൻ : മദ്യത്തിന്റെ ലഹരിയിൽ വിമാനം പറത്താൻ എത്തിയ പാക്കിസ്ഥാൻ അന്താരാഷ്ട്ര എയർലൈനിലെ പൈലറ്റ് ബ്രിട്ടീഷ് പോലീസിന്റെ പിടിയിലായി. ലീഡ്സ് ബ്രാഡ്ഫോർഡിൽ നിന്നും ഇസ്ലാമാബാദിലേക്ക് പോകാനിരുന്ന പാൿ വിമാനത്തിന്റെ പൈലറ്റ് ക്യാപ്റ്റൻ ഇർഫാൻ ഫൈസ് അണ് വിമാനത്തിന്റെ കോക്പിറ്റിൽ നിന്നും സുരക്ഷാ ഉദ്യോഗസ്ഥരുടെ പിടിയിൽ ആയത്.

54കാരനായ ഇർഫാൻ ഫൈസിനെ പാൿ അന്താരാഷ്ട്ര എയർലൈൻസ് സർവീസ്സിൽ നിന്നും സസ്പെൻഡ് ചെയ്തതായി അറിയിച്ചു.

- ജെ.എസ്.

വായിക്കുക: , , ,

അഭിപ്രായം എഴുതുക »

എയർബസ് എ-350 യുടെ കന്നി യാത്ര സമാപിച്ചു

June 14th, 2013

airbus-a350-epathram

ടുളൂസ് : ഏറെ കാത്തിരിപ്പിന് ശേഷം നടന്ന എയർ ബസ് എ-350 യുടെ കന്നി യാത്ര നാല് മണിക്കൂർ നേരത്തെ പറക്കലിന് ശേഷം തെക്കൻ ഫ്രാൻസിലെ ഒരു കുന്നിൻ ചെരിവിലെ വിമാനത്താവളത്തിൽ വിജയകരമായി വന്നിറങ്ങിയതോടെ സമാപിച്ചു. ടുളൂസിൽ നിന്നും പറന്നുയർന്ന എ-350 യുടെ കന്നി യാത്രക്ക് സാക്ഷികളാകാൻ ഒട്ടേറെ എയർ ബസ് കമ്പനി ഉദ്യോഗസ്ഥരും വിമാന കമ്പക്കാരും എത്തിയിരുന്നു. അമേരിക്കയുടെ ബോയിംഗ് കമ്പനി അടക്കി വാണിരുന്ന ഈ രംഗത്ത് എ-350 ഒരു പുതിയ സാദ്ധ്യതയാണ് തുറക്കുന്നത്. ഭാരം കുറഞ്ഞ യന്ത്ര ഭാഗങ്ങളും നിർമ്മാണ വസ്തുക്കളും ഉപയോഗിക്കുന്നത് മൂലം ഏറെ ഇന്ധനക്ഷമതയും ചിലവ് കുറഞ്ഞതുമാണ് എയർബസ് എ-350.

- ജെ.എസ്.

വായിക്കുക:

അഭിപ്രായം എഴുതുക »

നേപ്പാളില്‍ വിമാനാപകടം 19 പേര്‍ മരിച്ചു

September 29th, 2012

nepal-aircraft-crash-epathram

കാഠ്മണ്ഡു: നേപ്പാളില്‍ ഉണ്ടായ വിമാനാപകടത്തില്‍ ഏഴു ബ്രിട്ടീഷുകാരും അഞ്ചു ചൈനക്കാരും നാലു നേപ്പാൾ സ്വദേശികളും അടക്കം 19 പേര്‍ മരിച്ചു. വിമാനാപകടത്തിനു കാരണം പക്ഷി ഇടിച്ചതാണെന്നു തൃഭുവാന്‍ അന്താരാഷ്ട്ര വിമാനത്താവളത്തിലെ ജനറല്‍ മാനെജര്‍ രതീഷ് ചന്ദ്ര ലാല്‍ സുമൻ പറഞ്ഞു. കാഠ്മണ്ഡുവില്‍ നിന്നു ലുക്ലയിലേക്കു പോകുകയായിരുന്ന സിത എയര്‍ വിമാനമാണ് അപകടത്തില്‍പ്പെട്ടത്. വിമാനം പറന്നു ഉയര്‍ന്ന ഉടനെ പക്ഷി വന്നിടിച്ചു. ഉടനെ തന്നെ പൈലറ്റ്‌ വിമാനം ഇടിച്ചിറക്കാന്‍ ശ്രമിച്ചെങ്കിലും പെട്ടന്ന് കത്തുകയായിരുന്നു. പര്‍വതാരോഹണത്തിനായി എവറസ്റ്റ് ബേസ് ക്യാംപിലേക്ക് പോകുകയായിരുന്ന സംഘമാണ് അപകടത്തില്‍ പെട്ടത്. വിമാനത്തിന്‍റെ ബ്ലാക്ക് ബോക്സ് കണ്ടെടുത്തതായി നേപ്പാള്‍ വ്യോമയാന മേധാവി അറിയിച്ചു. ‍

- ഫൈസല്‍ ബാവ

വായിക്കുക: , ,

അഭിപ്രായം എഴുതുക »

1 of 5123»|

« Previous « ആണവായുധം കാട്ടി വിരട്ടണ്ട : നെജാദ്
Next Page » ബംഗ്ലാദേശില്‍ ബുദ്ധമത ക്ഷേത്രങ്ങള്‍ തീയ്യിട്ട് നശിപ്പിച്ചു »



  • അമേരിക്കയുമായി സഹകരിക്കില്ലെന്ന് നൈജർ
  • 1300 കോടി വർഷം പഴക്കമുള്ള തമോദ്വാരം കണ്ടെത്തി
  • ഷെയ്ഖ് ഹസീന ബംഗ്ലാദേശില്‍ വീണ്ടും അധികാരത്തിലേക്ക്
  • കൊവിഡ് ജെ. എൻ-1 വകഭേദം അപകടകാരിയല്ല എന്ന് ലോകാരോഗ്യ സംഘടന
  • മലേറിയ വാക്സിന് അംഗീകാരം നല്‍കി
  • ഉപയോഗിക്കാത്ത ജി- മെയിൽ എക്കൗണ്ടുകൾ നീക്കം ചെയ്യും : മുന്നറിയിപ്പുമായി ഗൂഗിൾ
  • ചാള്‍സ് മൂന്നാമന്‍ കിരീടം ധരിച്ചു
  • ഓസ്‌ട്രേലിയയിലും ഇ-സിഗരറ്റുകള്‍ക്ക് നിയന്ത്രണം വരുന്നു
  • ബെനഡിക്ട് പതിനാറാമൻ മാർപാപ്പയുടെ സംസ്കാരം വ്യാഴാഴ്‌ച
  • ചാള്‍സ് ശോഭ്‌രാജ് ജയില്‍ മോചിതനായി
  • ലോകകപ്പിൽ മുത്തമിട്ട് അര്‍ജന്‍റീന
  • സ്വവര്‍ഗ്ഗ വിവാഹം അമേരിക്കയില്‍ നിയമാനുസൃതം
  • ഫ്രാന്‍സ് ലോക കപ്പ് ഫൈനലിലേക്ക്
  • ലോക കപ്പ് 2022 : അര്‍ജന്‍റീന ഫൈനലിലേക്ക്
  • കൊവിഡ്-19 വൈറസ് മനുഷ്യ നിര്‍മ്മിതം : വുഹാന്‍ ലാബിലെ മുന്‍ ശാസ്ത്രജ്ഞന്‍
  • ഫിഫ ലോക കപ്പ് : ക്രൊയേഷ്യ ക്വാര്‍ട്ടറില്‍
  • ബെല്‍ജിയം പരാജയപ്പെട്ടു : ബ്രസ്സല്‍സില്‍ കലാപം
  • അര്‍ജന്‍റീനയെ തറ പറ്റിച്ച് സൗദിക്ക് മിന്നുന്ന വിജയം
  • ഖത്തര്‍ ലോക കപ്പ് 2022 ഫുട് ബോളിനു വര്‍ണ്ണാഭമായ തുടക്കം
  • ഋഷി സുനക് ബ്രിട്ടീഷ് പ്രധാന മന്ത്രി യായി ചുമതലയേറ്റു



  • വെനീസില്‍ വെള്ളപ്പൊക്കം...
    ഇന്ത്യൻ വംശജനും പത്നിക്കു...
    ഇന്ത്യക്കെതിരെ ആഞ്ഞടിച്ച്...
    ജമ്മു കശ്മീ‍ർ വിഭജനത്തിനെ...
    ജൂലിയന്‍ അസാഞ്ച് ലണ്ടനില്...
    പഴ്‌സ് എടുക്കാന്‍ മറന്ന യ...
    ചൈന ഇന്റർനെറ്റ് നശീകരണത്ത...
    മർഡോക്കിന്റെ കുറ്റസമ്മതം...
    നരേന്ദ്ര മോഡിക്ക് വിസ നൽക...
    ഈമെയിൽ ചോർത്തൽ : മർഡോക്ക്...
    മ്യാന്‍‌മറില്‍ സ്യൂചിക്ക്...
    കൊല്ലപ്പെട്ട അമേരിക്കന്‍ ...
    അഫ്ഗാനിസ്ഥാനിൽ സ്ത്രീകൾക്...
    അമേരിക്കൻ സൈനിക സാന്നിദ്ധ...
    റേഡിയോ പ്രക്ഷേപണത്തിന്റെ ...
    അമേരിക്കന്‍ പോലീസ്‌ മുസ്ല...
    വിറ്റ്‌നി ഹൂസ്‌റ്റന്‍ അന്...
    ഇന്ത്യ ഇറാനോടൊപ്പം...
    ഭൂഗര്‍ഭ നദി പുതിയ ലോകാത്ഭ...
    ഡച്ചുകാരും ബുര്‍ഖ നിരോധിക...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine