യംഗ് മെഗാസ്റ്റാര്‍ പൃഥ്വി രാജ് നായകനാകുന്ന പുതിയ ചിത്രമാണ് ലണ്ടന്‍ ബ്രിഡ്ജ്. അനില്‍ സി.മേനോനാണ് സംവിധായകന്‍. ജിനു അബ്രഹാമാണ് ചിത്രത്തിനു തിരക്കഥയൊരുക്കുന്നത്. കളക്ടര്‍ എന്ന ചിത്രത്തിന്റെ പരാജയത്തിനു ശേഷം സിനിമയില്‍ സജീവമല്ലായിരുന്ന അനില്‍ സി.മേനോന്‍ ലണ്ടന്‍ ബ്രിഡ്ജിലൂടെ ഒരു തിരിച്ചുവരവ് പ്രതീക്ഷിക്കുന്നു. പൂര്‍ണ്ണമായും ലണ്ടനില്‍ വച്ചാകും ചിത്രത്തിന്റെ ഷൂട്ടിങ്ങെന്നാണ് സൂചന. ചിത്രത്തിനെ നായിക ഉള്‍പ്പെടെ മറ്റു താരങ്ങളെ നിശ്ചയിച്ചു വരുന്നതേ ഉള്ളൂ.
അയ്യായിലൂടെ ഹിന്ദിയില്‍ അരങ്ങേറ്റം കുറിച്ച പൃഥ്വി രാജിനു ഹിന്ദിയില്‍ വേറേയും ചിത്രങ്ങള്‍ ഉണ്ട്. മലയാളത്തില്‍ അടുത്തിടെയായി ചിത്രങ്ങളുടെ എണ്ണം കുറച്ചിരിക്കുകയാണ്. മുംബൈ പോലീസായിരിക്കും അടുത്ത് റിലീസ് ചെയ്യുന്ന പൃഥ്‌വിയുടെ മലയാള ചിത്രം. കൂടാതെ ജിത്തു ജോസഫ് സംവിധാനം ചെയ്യുന്ന ചിത്രത്തിന്റെ പ്രവര്‍ത്തനങ്ങളും ആരംഭിച്ചിട്ടുണ്ട്. കമല്‍ സംവിധാനം ചെയ്ത സെല്ലുലോയ്ഡ് ആയിരുന്നു ഏറ്റവും ഒടുവില്‍ റിലീസായ പൃഥ്വി രാജ് ചിത്രം. വലിയ വിവാദങ്ങള്‍ക്ക് വഴിവെച്ചുവെങ്കിലും നിരവധി അംഗീകാരങ്ങളും ചിത്രത്തെ തേടിയെത്തിയിരുന്നു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: prithviraj
