ഫഹദ് ഫാസില്‍ നായകനായി ലിജോ ജോസ് പെല്ലിശ്ശേറി സംവിധാനം ചെയ്ത ആമേന്‍ എന്ന ചിത്രം ബോളീവുഡ്ഡിലേക്ക്. ചിത്രത്തില്‍ സോളമന്‍ എന്ന നായക കഥാപാത്രത്തെ ആയിരുന്നു ഫഹദ് അവതരിപ്പിച്ചത്. ശോശന്ന എന്ന കഥാപാത്രമായി അഭിനയിച്ചത് സുബ്രമണ്യപുരം നായിക സ്വാതിയാണ്. ഫരീദ് ഖാനാണ് ചിത്രം ഹിന്ദിയിലേക്ക് റീമേക്ക് ചെയ്യുന്നത്. ഹിന്ദിയില്‍ രണ്‍ബീര്‍ കപൂര്‍ ആയിരിക്കും നായകനെന്ന് സൂചനയുണ്ട്.
അടുത്ത കാലത്തിറങ്ങിയ സിനിമകളില്‍ തികച്ചും വ്യത്യസ്ഥമായ അനുഭവമാണ് ആമേന്‍ പ്രേക്ഷകനു സമ്മാനിച്ചത്. മാജിക്കല്‍ റിയലിസത്തിന്റെ സാധ്യതകളെ വളരെ മനോഹരമായി തന്നെ ലിജോ ജോസ് പെല്ലിശ്ശേരി ഉപയോഗിച്ചിരിക്കുന്നു. കുമരംകരിയെന്ന ഗ്രാമവും അവിടത്തെ ജനങ്ങളുടെ ജീവിതവുമാണ് ചിത്രത്തിലെ പ്രമേയം. സംഗീതത്തിനു പ്രാധാന്യം നല്‍കിയിരിക്കുന്ന ചിത്രത്തില്‍ ഒരു ക്ലാര്‍നെറ്റ് വാദകന്റെ വേഷമാണ് ഫഹദിന്. ഇന്ദ്രജിത്ത്,സുനില്‍ സുഗത തുടങ്ങിയവരും ശ്രദ്ധിക്കപ്പെട്ടു.ചിത്രം വന്‍ ബോക്സോഫീസ് വിജയം നേടി.
- എസ്. കുമാര്‍
