ഹോളിവുഡിലെ എക്കാലത്തെയും മികച്ച ആക്ഷന്‍ ഹീറോകളായ ആര്‍ണോള്‍ഡ് ഷ്വാസ്‌നെഗറും സില്‍വസ്റ്റര്‍ സ്റ്റാലണും വീണ്ടും ഒന്നിക്കുന്നു. മൈക്കല്‍ ഹാഫ് സ്‌ട്രോമാണ് സംവിധാനം ചെയ്യുന്ന ‘ദി ടോംബ്’ എന്ന ആക്ഷന്‍ ത്രില്ലറിലാണ് ഇവര്‍ വീണ്ടും ഒരുമിക്കുന്നത്. ടെര്‍മിനേറ്ററിലൂടെ ലോകം മുഴുവന്‍ ആരാധക വൃന്ദത്തെ സൃഷ്ടിച്ച ആര്‍ണോള്‍ഡ് ഷ്വാസ്‌നെഗറും റാംബോതാരം സില്‍വസ്റ്റര്‍ സ്റ്റാലണും ഒന്നിച്ചുള്ള കിടിലന്‍ ആക്ഷന്‍ രംഗങ്ങള്‍ ഉള്‍ക്കൊള്ളുന്നതാവും ചിത്രമെന്ന് അണിയറ ശില്പികള്‍ പറയുന്നു. മുമ്പ്‌ സില്‍വസ്റ്റര്‍ സ്റ്റാലണിന്റെ ആക്ഷന്‍ ഹിറ്റായ ‘എക്‌സ്‌പെന്‍ഡബിള്‍സി’ല്‍ ആര്‍ണോള്‍ഡ് അതിഥി താരമായി എത്തിയിരുന്നു. ‘ദി ടോംബി’ല്‍ ഒരു സ്ട്രക്ച്ചറല്‍ എന്‍ജിനീയറുടെ റോളാണ് സില്‍വസ്റ്ററിന്. താന്‍ തന്നെ രൂപകല്പന ചെയ്ത ജയിലിനുള്ളില്‍ ഇയാള്‍ അബദ്ധത്തില്‍ അകപ്പെടുന്നു. തടവുകാരനായ ആര്‍ണോള്‍ഡിന്റെ കഥാപാത്രം ജയില്‍ തകര്‍ത്ത് രക്ഷപ്പെടാന്‍ എന്‍ജിനീയറെ സഹായിക്കുകയാണ്. ഈ ആക്ഷന്‍ ത്രില്ലര്‍ ചിത്രം ഹോളിവുഡില്‍ ചരിത്രം സൃഷ്ടിക്കുമെന്നാണ് പറയുന്നത്.
- ന്യൂസ് ഡെസ്ക്
അനുബന്ധ വാര്‍ത്തകള്‍
വായിക്കുക: hollywood, world-cinema
