കൊച്ചി : നടിയും നര്‍ത്തകിയുമായ താര കല്യാണിന്റെ ഭര്‍ത്താവും അവതാരകനുമായ രാജാറാം അന്തരിച്ചു. വൈറല്‍ ഫീവറിനെ തുടര്‍ന്ന് കൊച്ചിയിലെ ആശുപത്രിയില്‍ ചികില്‍സയിലായിരുന്നു. വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയിരുന്നത്.
അവതാരകന്‍ മാത്രമല്ല , സീരിയലിലും ചില സിനിമകളിലും ശ്രദ്ധേയമായ വേഷങ്ങള്‍ ചെയ്തിട്ടുള്ള അദ്ദേഹം ഒരു ഡാന്‍സ് അദ്ധ്യാപകന്‍ കൂടിയായിരുന്നു. മകള്‍ സൗഭാഗ്യയും ഒരു നര്‍ത്തകിയാണ്. മലയാള ചിത്രങ്ങളില്‍ ജൂനിയര്‍ ആര്‍ട്ടിസ്റ്റായി ജീവിതം ആരംഭിച്ച അദ്ദേഹം കലാരംഗത്ത് കൂടുതല്‍ ശ്രദ്ധേയമായത് ഡാന്‍സിലൂടെയാണ്. ഭാര്യയുമായി പല നര്‍ത്തന വേദികളിലും അദ്ദേഹം പ്രത്യക്ഷപ്പെട്ടിട്ടുണ്ട്.
