ദുബൈ രാജ്യാന്തര ചലച്ചിത്രമേളക്ക് ഇന്ന് കൊടിയുയരും

December 7th, 2011

diff2011-epathram

ദുബായ്: എട്ടാമത് ദുബായ് രാജ്യാന്തര ചലച്ചിത്രമേളക്ക്(diff) ഇന്ന് തുടക്കമാവും. ഈ മാസം 14 വരെ നീളുന്നചലച്ചിത്ര മേളയില്‍ 56 രാജ്യങ്ങളില്‍ നിന്നായി 32 ഭാഷകളിലുള്ള 171 ചിത്രങ്ങള്‍ പ്രദര്‍ശനത്തിന് എത്തുന്നുണ്ട്. ടോം ക്രൂയിസ് നായകനായി ദുബൈയില്‍ ചിത്രീകരിച്ച ‘മിഷന്‍ ഇംപോസിബിള്‍-ഗോസ്റ്റ് പ്രോട്ടോക്കോള്‍’ ആണ് ഉദ്ഘാടന ചിത്രം. ശാലിനി ഉഷാനായരുടെ ‘അകം’ മാത്രമാണ് പ്രദര്‍നത്തിനെത്തുന്ന ഏക മലയാള ചിത്രം. അറബ്, ഏഷ്യ ആഫ്രിക്ക, യു.എ.ഇ മേഖലകളില്‍ നിന്നുള്ള മികച്ച സിനിമകളും ഇതില്‍പ്പെടും. കുട്ടികളുടെ ചിത്രങ്ങള്‍, ഇന്ത്യന്‍ ചിത്രങ്ങള്‍, ലോക സിനിമ തുടങ്ങിയ പ്രത്യേകം വിഭാഗങ്ങളുമുണ്ട്. മിഡിലീസ്റ്റില്‍ നിന്നുള്ള 78 ചിത്രങ്ങളുടെ ആദ്യ പ്രദര്‍ശനവും ഇവിടെ നടക്കും. അമേരിക്ക, യൂറോപ്പ്, ഏഷ്യ ആഫ്രിക്ക, അറബ് മേഖല എന്നിവിടങ്ങളില്‍ നിന്നുള്ള ചലച്ചിത്രകാരന്മാര്‍ക്കൊപ്പം ഇന്ത്യയില്‍ നിന്നുള്ള ഷാരൂഖ് ഖാന്‍, പ്രിയങ്ക ചോപ്ര, അനില്‍കപൂര്‍, ഫര്‍ഹാന്‍ അക്തര്‍, രാഹുല്‍ ബോസ്, അനുഷ്ക ശര്‍മ തുടങ്ങിയവരും ഫെസ്റ്റിവലില്‍ പങ്കെടുക്കും. എ. ആര്‍. റഹ്മാന്‍, ഈജിപ്ഷ്യന്‍ നടന്‍ ജമീല്‍ റാതെബ്, വിഖ്യാത ജര്‍മന്‍ ചലച്ചിത്രകാരന്‍ വെര്‍നര്‍ ഹെര്‍സോഗ് എന്നിവര്‍ക്ക് ലൈഫ് ടൈം അച്ചീവ്മെന്‍റ് അവാര്‍ഡ് നല്‍കി ആദരിക്കും. മുഹര്‍ എമിറാത്തി, മുഹര്‍ അറബ്, മുഹര്‍ ഏഷ്യ ആഫ്രിക്ക എന്നീ വിഭാഗങ്ങളിലായി ആറ് ലക്ഷം ഡോളറിന്‍റെ 36 പുരസ്കാരങ്ങളാണ് ഏര്‍പ്പെടുത്തിയിട്ടുണ്ട്. ജുമൈറ ബീച്ച് റിസോര്‍ട്ടിലെ ‘ദി വോക്ക്’ എന്ന വേദിയില്‍ സൗജന്യ ഫിലിം പ്രദര്‍ശനവും കലാപരിപാടികളും ഉണ്ടാകും.

-

വായിക്കുക: , ,

Comments Off on ദുബൈ രാജ്യാന്തര ചലച്ചിത്രമേളക്ക് ഇന്ന് കൊടിയുയരും

ആദമിന്‍റെ മകന്‍ അബുവിന് രജത മയൂരം; സുവര്‍ണ്ണ മയൂരം പൊര്‍ഫീരിയോക്ക്

December 3rd, 2011

adaminte makan abu-epathram

പനാജി: ഗോവ അന്താരാഷ്ട്ര ചലച്ചിത്രോത്സവത്തില്‍ കൊളംബിയന്‍ ചിത്രമായ പൊര്‍ഫീരിയോ സുവര്‍ണ്ണ ചകോരത്തിന് അര്‍ഹമായി. ജൂറിയുടെ പ്രത്യേക പരാമര്‍ശമായ രജത മയൂരത്തിന് റഫീഖ് അഹമ്മദ് സംവിധാനം ചെയ്ത ആദാമിന്റെ മകന്‍ അബു അര്‍ഹമായി. 15 ലക്ഷം രൂപയും ഫലകവുമാണ് രജത മയൂരത്തിന്റെ പുരസ്‌കാരത്തുക. ഇസ്രായേലി ചിത്രമായ റസ്റ്റൊറേഷനിലെ അഭിനയത്തിന് മേളയിലെ മികച്ച നടനായി സാസണ്‍ ഗബേയെയും, റഷ്യന്‍ ചിത്രമായ എലേനയിലെ അഭിനയത്തിന് നദേശ മര്‍ക്കിനയെ മികച്ച നടിയായും തെരഞ്ഞെടുത്തു. മികച്ച സംവിധായകനുളള പുരസ്‌കാരം അസ്‌കര്‍ ഫെറാഹ്ദി(ഇറാന്‍) നേടി.

-

വായിക്കുക: , , , ,

Comments Off on ആദമിന്‍റെ മകന്‍ അബുവിന് രജത മയൂരം; സുവര്‍ണ്ണ മയൂരം പൊര്‍ഫീരിയോക്ക്

കേരള ചലച്ചിത്രോല്‍സവം ഡിസംബര്‍ 9ന്

December 1st, 2011

iffk-epathram

തിരുവനന്തപുരം : പതിനാറാമത്‌ കേരള അന്താരാഷ്‌ട്ര ചലച്ചിത്രോത്സവം തിരുവനന്തപുരത്ത് ഡിസംബര്‍ 9 ന് ആരംഭിക്കും. ഉല്‍ഘാടനവും സമാപനവും നിശാഗന്ധിയില്‍ ആയിരിക്കും അരങ്ങേറുക. ഉത്സവത്തിലെ ആദ്യ ചിത്രവും, ഇപ്പോഴത്തെ മലയാള സിനിമ എന്ന വിഭാഗത്തിലെ ചിത്രങ്ങളും, ഉത്സവത്തിലെ മികച്ച ചിത്രമായി തിരഞ്ഞെടുക്കപ്പെടുന്ന ചിത്രം സമാപന ദിനത്തിലും നിശാഗന്ധിയില്‍ തന്നെയായിരിക്കും പ്രദര്‍ശിപ്പിക്കുക.

ഇരുന്നൂറോളം ചിത്രങ്ങളാണ് ഉത്സവത്തില്‍ പ്രദര്‍ശിപ്പിക്കുക. ഇവ മറ്റു പത്ത് തിയേറ്ററുകളില്‍ ആവും പ്രദര്‍ശിപ്പിക്കുന്നത്. രാവിലെ 8:45 നാണ് പ്രദര്‍ശനം തുടങ്ങുന്നത്. ഒരു ദിവസം അഞ്ചു ഷോ ആയിരിക്കും ഉണ്ടാവുക.

ഇപ്പോഴത്തെ മലയാള സിനിമ എന്ന വിഭാഗത്തില്‍ ഗദ്ദാമ, കര്‍മ്മയോഗി, പകര്‍ന്നാട്ടം, അകം, പ്രാഞ്ചിയേട്ടന്‍, ശങ്കരനും മോഹനനും, ട്രാഫിക്‌ എന്നീ ചിത്രങ്ങളാണ് ഉള്‍പ്പെടുന്നത്.

- ജെ.എസ്.

വായിക്കുക:

അഭിപ്രായം എഴുതുക »

ചലച്ചിത്രമേളക്കിടെ ബ്രസീലിയന്‍ സംവിധായകന്‍ അന്തരിച്ചു

November 28th, 2011

Oscar-Maron-Filo-epathram

പനാജി: ഗോവയില്‍ നടക്കുന്ന അന്തര്‍ദേശീയ ചലച്ചിത്രമേളയില്‍ ഓപ്പണ്‍ഫോറത്തില്‍ സംസാരിക്കവെ ബ്രസീലിയന്‍ സംവിധായകന്‍ ഓസ്‌കാര്‍ മാരോണ്‍ ഫില്‍ഹോ (56) ഹൃദയാഘാതം മൂലം അന്തരിച്ചു. ഗോവന്‍ ചലച്ചിത്രമേളയില്‍ ഫുട്‌ബോള്‍ സിനിമകളുടെ പ്രത്യേക വിഭാഗത്തില്‍ ഉള്‍പ്പെടുത്തിയ ‘മരിയാ ഫില്‍ഹോ: ദ ക്രിയേറ്റര്‍ ഓഫ് ക്രൗഡ്‌സ്’ എന്ന ഡോക്യുമെന്ററിയുടെ സംവിധായകനാണ് അദ്ദേഹം. ഉടന്‍ മെഡിക്കല്‍ കോളേജിലെത്തിച്ചു എങ്കിലും ജീവന്‍ രക്ഷിക്കാനായില്ല

-

വായിക്കുക: , , ,

അഭിപ്രായം എഴുതുക »

അടൂര്‍ പുതിയ കാലത്തിനനുസരിച്ച ചിത്രങ്ങളെടുക്കുന്നില്ല : ഡെറിക് മാല്‍കം

November 26th, 2011

Derek_Malcolm-epathram

അടൂര്‍ ഗോപാലകൃഷ്ണന്‍ പുതിയ കാലത്തിനനുസരിച്ച ചിത്രങ്ങളെടുക്കുന്നതില്‍ പരാജയപ്പെടുകയാണെന്ന് പ്രശസ്ത ബ്രിട്ടീഷ് ചലച്ചിത്ര നിരൂപകന്‍ ഡെറിക് മാല്‍ക്കത്തിന്റെ വിമര്‍ശനം. ‘നാലു പെണ്ണുങ്ങള്‍ ‘‍, ‘ഒരു പെണ്ണും രണ്ടാണും’ എന്നീ ചിത്രങ്ങള്‍ വര്‍ത്തമാന കാലത്തോട്‌ പുറം തിരിഞ്ഞു നില്‍ക്കുകയാണെന്നും സമകാലിക വിഷയങ്ങള്‍ കൈകാര്യം ചെയ്യുന്ന കാര്യത്തില്‍ അടൂര്‍ ഏറെ പിന്നോട്ട് പോയെന്നും അതിനാല്‍ അവസാനം ഇറങ്ങിയ രണ്ടു ചിത്രങ്ങളും നല്ലതായിരുന്നില്ലെന്നും അദ്ദേഹം പറഞ്ഞു. ഇന്ത്യന്‍ സിനമകള്‍ പ്രമേയപരമായ പ്രതിസന്ധിയിലാണ്, നിരൂപകനെന്ന നിലയിലും ആസ്വാദകനെന്ന നിലയിലും ഇനി തന്റെ പ്രതീക്ഷ യുവ തലമുറയിലാണ് ഡെറിക് മാല്‍കം പറഞ്ഞു. മലയാളം, ബംഗാളി ചലച്ചിത്രങ്ങള്‍ക്ക് അന്താരാഷ്ട്ര ശ്രദ്ധ നേടിക്കൊടുക്കുന്നതില്‍ പ്രധാന പങ്കുവഹിച്ച ഇദ്ദേഹം ഇന്ന് ജീവിച്ചിരിക്കുന്ന ചലച്ചിത്ര നിരൂപകരില്‍ ഏറ്റവും പ്രശസ്തനാണ്. ഇപ്പോള്‍ ഡെറിക് മാല്‍കം അന്താരാഷ്ട്ര ഫിലിം ക്രിട്ടിക് അസോസിയേഷന്‍ പ്രസിഡന്റാണ്

-

വായിക്കുക: , , , ,

2 അഭിപ്രായങ്ങള്‍ »

8 of 15« First...789...Last »

« Previous Page« Previous « പൃഥ്വിരാജിനു അര്‍പ്പണ മനോഭാവമില്ലെന്ന് റോഷന്‍ ആന്‍ഡ്രൂസ്
Next »Next Page » പ്രണയം : മലയാളിയുടെ ലൈംഗിക കപട നാട്യത്തിന്റെ ഇര »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine