അബുദാബി : സമസ്ത കേരള ജംയ്യത്തുല്‍ ഉലമ ഉപാധ്യക്ഷനും മംഗലാപുരം, ചെമ്പരിക്ക സംയുക്ത മുസ്‌ലിം ജമാഅത്തു കളുടെ ഖാസി യുമായിരുന്ന മര്‍ഹൂം സി. എം. അബ്ദുള്ള മൗലവി അനുസ്മരണ യോഗവും പ്രതിമാസ സ്വലാത്ത് മജ്‌ലിസും അബുദാബി ഇന്ത്യന്‍ ഇസ്ലാമിക് സെന്ററില്‍ ജനുവരി 9 ന് നടത്താന്‍ എസ്. കെ. എസ്. എസ്. എഫ്. അബുദാബി കാസറ ഗോഡ് ജില്ലാ കമ്മിറ്റി തീരുമാനിച്ചു.
വൈകീട്ട് 6 മണിക്ക് സ്വലാത്ത്, ഖുര്‍ആന്‍ പാരായണ സദസ്സോടെ പരിപാടി ആരംഭിക്കും. തുടര്‍ന്ന് നടക്കുന്ന അനുസ്മരണ സമ്മേളനം മൊയ്തു ഹാജി കടന്നപ്പള്ളി ഉദ്ഘാടനം ചെയ്യും.
പ്രമുഖ വാഗ്മി ഹനീഫ് ഇര്‍ഷാദി ഹുദവി ദേലം പാടി സി. എം. ഉസ്താദ് അനുസ്മരണ പ്രഭാഷണം നിര്‍വഹിക്കും. അബുദാബി സുന്നി സെന്റര്‍, എസ്. കെ. എസ് . എസ്. എഫ്, കെ. എം. സി. സി. നേതാക്കള്‍ സംബന്ധിക്കും.
- pma
