അബുദാബി: മത – സാംസ്കാരിക – വിദ്യാഭ്യാസ – ജീവ കാരുണ്യ മേഖലകളില്‍ പ്രവര്‍ത്തിച്ചു വരുന്ന വൈ. എം. സി. എ. അബുദാബി ചാപ്ടര്‍ സംഘടിപ്പിക്കുന്ന എക്യുമെനി ക്കല്‍ ക്രിസ്മസ് കരോള്‍ ‘ഗ്ലോറിയസ് ഹാര്‍മണി 2014’ എന്ന പേരില്‍ 2015 ജനുവരി 10 ശനിയാഴ്ച രാത്രി 7. 30 ന് അബുദാബി ഇവാഞ്ചലിക്കല്‍ ചര്‍ച്ച് സെന്ററില്‍ നടക്കും.
ഇന്ത്യ, ഫിലിപ്പൈന്‍, ശ്രീലങ്ക, എതോപ്യ, പാകിസ്ഥാന്‍ തുടങ്ങിയ രാജ്യങ്ങളിലെ യു. എ. ഇ. യിലെ പ്രവാസികളുടെ ക്വയര്‍ ഗ്രൂപ്പുകള്‍ ‘ഗ്ലോറിയസ് ഹാര്‍മണി’ യില്‍ ക്രിസ്മസ് ഗാനങ്ങള്‍ ആലപിക്കും.
വിവിധ ക്രിസ്തീയ സഭകളുടെ ഐക്യ വേദിയായ വൈ. എം. സി. എ. എല്ലാ വര്‍ഷവും നടത്തി വരുന്ന ‘ഗ്ലോറിയസ് ഹാര്‍മണി’യുടെ നടത്തിപ്പിനായി വിപുലമായ ക്രമീകരണങ്ങള്‍ ചെയ്തു കഴിഞ്ഞതായി പ്രോഗ്രാം കണ്‍ വീനര്‍ രാജന്‍ തറയശ്ശേരി, ജനറല്‍ സെക്രട്ടറി ബേസില്‍ വര്‍ഗ്ഗീസ് എനിവര്‍ അറിയിച്ചു. പരിപാടിയില്‍ മത സാംസ്കാരിക രംഗത്തെ പ്രമുഖര്‍ സംബന്ധിക്കും
- pma
