ഉമ്മുല്‍ ഖുവൈന്‍ : ഉമ്മുല്‍ ഖുവൈന്‍ പ്രവാസി കൂട്ടായ്മ സംഘടിപ്പിച്ച നബി ദിന സംഗമം ജന പങ്കാളിത്തം കൊണ്ട് ശ്രദ്ധേയമായി. ഉമ്മുല്‍ ഖുവൈന്‍ ഇന്ത്യന്‍ അസോസിയേഷന്‍ ഹാളില്‍ വെച്ച് നടത്തിയ നബി ദിന സംഗമം, എസ്. കെ. എസ്. എസ്. എഫ്. നാഷണല്‍ കമ്മിറ്റി പ്രസിഡന്റ് സയ്യിദ് ശുഐബ് തങ്ങള്‍ ഉത്ഘാടനം ചെയ്തു.
ഷൗക്കത്തലി മൗലവി നബിദിന പ്രഭാഷണം നടത്തി. നാസര്‍ മൗലവി, റഫീഖ് മൌലവി, അബ്ദുള്ള മുസല്യാര്‍തുടങ്ങിയവര്‍ മൌലിദ് പാരായണത്തിനു നേതൃത്വം നല്‍കി. ഇന്ത്യന്‍ അസോസിയേഷന്‍ പ്രസിഡന്റ് സി.എം.ബഷീര്‍, അബ്ദു റസാഖ് തിരുത്തി, അബ്ദുള്ള ചേലേരി തുടങ്ങിയവര്‍ ആശംസകള്‍ നേര്‍ന്നു.
തുടര്‍ന്ന് മദ്രസ്സാ വിദ്യാര്‍ത്ഥികള്‍ അവതരിപ്പിച്ച വിവിധ കലാ പരിപാടികള്‍ അരങ്ങേറി. ഇ. പി.സുബൈര്‍ അദ്ധ്യക്ഷത വഹിച്ചു. കുന്നത്ത് അബൂബക്കര്‍ സ്വാഗതവും ലിയാഖത്ത് അലി നന്ദിയും പറഞ്ഞു. നിരവധി കുടുംബങ്ങള്‍ സംബന്ധിച്ചു.
- pma
