 |
 |
 |
 |
 |
 |
 |
 |
 |
 |
 |
 |
 |
 |
കൊല്ക്കത്ത: തൃണമൂല് കോണ്ഗ്രസ്സില് ചേരാന് വിസ്സമ്മതിച്ച യുവതിയെ മാനഭംഗപ്പെടുത്തി. ഇതേ തുടര്ന്ന് യുവതി ആത്മഹത്യക്ക് ശ്രമിച്ചു. അക്രമികള് യുവതിയുടെ ബന്ധുക്കളെ മര്ദ്ദിക്കുകയും ചെയ്തു. ഈസ്റ്റ് മിഡ്നപൂരിനടുത്ത് കന്യാദിഗിരിയില് കഴിഞ്ഞ ഞായറാഴ്ചയാണ് സംഭവം നടന്നത് . യുവതിയുടെ മകന് പോലീസില് പരാതിപ്പെടുകയായിരുന്നു. സംഭവം പശ്ചിമ ബംഗാളില് മമത ബാനര്ജിയുടെ ഭരണത്തിനെതിരെ രോഷമുയരുവാന് ഇടയാക്കിയിട്ടുണ്ട്.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, കുറ്റകൃത്യം, പീഡനം, സ്ത്രീ
ന്യൂഡല്ഹി: ആഭ്യന്തര സുരക്ഷയുമായി ബന്ധപ്പെട്ട് മുഖ്യമന്ത്രിമാരുടെ സുപ്രധാന സമ്മേളനം ഇന്ന് ഡല്ഹിയില് നടക്കും. യോഗം പ്രധാനമന്ത്രി ഡോ. മന്മോഹന്സിങ് ഉദ്ഘാടനം ചെയ്യും, എന്നാല് കേന്ദ്ര ആഭ്യന്തരമന്ത്രാലയം വിളിച്ച ഈ യോഗത്തില് പശ്ചി മബംഗാള് മുഖ്യമന്ത്രി മമതാ ബാനര്ജി പങ്കെടുക്കില്ല എന്നാണ് റിപ്പോര്ട്ട്. ബംഗാളിനെ പ്രതിനിധാനം ചെയ്ത് ധനമന്ത്രി അമിത് മിത്ര പങ്കെടുക്കും. എന്തു കൊണ്ടാണ് മമത യോഗത്തില് നിന്നും വിട്ടു നില്ക്കുന്നത് എന്ന് വ്യക്തമല്ല.
രാജ്യത്ത് തീവ്രവാദ വിരുദ്ധനടപടി ശക്തിപ്പെടുത്തല്, രഹസ്യാ ന്വേഷണ സംവിധാനം മെച്ചപ്പെടുത്തല്, മാവോവാദി പ്രശ്നം, പോലീസ് പരിഷ്കരണം, തീരദേശ സുരക്ഷ, കേന്ദ്ര – സംസ്ഥാന ബന്ധങ്ങള് തുടങ്ങിയവ വിഷയങ്ങളാണ് യോഗത്തില് ചര്ച്ച ചെയ്യുന്നത്.
- ന്യൂസ് ഡെസ്ക്
വായിക്കുക: ഇന്ത്യ, ഇന്ത്യന് രാഷ്ട്രീയം, തീവ്രവാദം, പോലീസ്, രാജ്യരക്ഷ
ന്യൂഡല്ഹി: അന്താരാഷ്ട്ര നാണ്യ നിധിയുടെയും (ഐ. എം. എഫ്.) ലോക ബാങ്കിന്റെയും വാര്ഷിക സമ്മേളനത്തില് പങ്കെടുക്കാന് ധനമന്ത്രി പ്രണബ് മുഖര്ജി നാളെ അമേരിക്കയിലേക്ക് ലേക്ക് തിരിക്കും. ധനമന്ത്രാലയ ഉദ്യോഗസ്ഥരും റിസര്വ് ബാങ്ക് ഗവര്ണര് ജി. സുബ്ബറാവുവും പ്രണബിനെ അനുഗമിക്കുന്നുണ്ട്. അഞ്ച് ദിവസമാണ് സന്ദര്ശനം. ജി-20 രാജ്യങ്ങളിലെ ധന മന്ത്രിമാരുടെയും കേന്ദ്ര ബാങ്ക് ഗവര്ണര്മാരുടെയും ബ്രിക്സ് മന്ത്രിമാരുടെയും യോഗത്തിലും പ്രണബ് പങ്കെടുക്കും. യു. എസ്. ധനകാര്യ സെക്രട്ടറി തിമോത്തി ഗീഥ്നര്, യു. കെ. അന്താരാഷ്ട്ര വികസന സെക്രട്ടറി ആന്ഡ്രൂ മിച്ചെല്, ഇറാന് ധനമന്ത്രി സയീദ് ഷംസുദ്ദീന് , ദക്ഷിണ കൊറിയന് ധനമന്ത്രി ബാക് ജയേവോന് എന്നിവരുമായും പ്രണബ് ചര്ച്ച നടത്തും.
- ന്യൂസ് ഡെസ്ക്
വായിക്കുക: അമേരിക്ക, ഇന്ത്യന് രാഷ്ട്രീയം, സാമ്പത്തികം
ന്യൂഡല്ഹി: മുന് സൈനിക മേധാവി രവീന്ദര് ഋഷിക്കെതിരേ എന്ഫോഴ്സ്മെന്റ് ഡയറക്ടറേറ്റ് കള്ളപ്പണക്കേസ് രജിസ്റ്റര് ചെയ്തു. യുദ്ധവാഹന ഇടപാടില് ആരോപണ വിധേയനായയതിനു പിന്നാലെയാണ് ഇത്. അദ്ദേഹം മേധാവിയായുള്ള വെക്ട്ര കമ്പനിക്കെതിരേയും കേസുണ്ട്. സി. ബി. ഐ. യും മറ്റ് കേന്ദ്ര ഏജന്സികളും നടത്തിയ അന്വേഷണത്തില് തെളിവുകള് ലഭിച്ച സാഹചര്യത്തിലാണു നടപടി.
ഇതോടെ സേനാ മേധാവി ബി. കെ. സിംഗ് നടത്തിയ വെളിപ്പെടുത്തലില് ആരോപിതനായ മുന് സൈനിക മേധാവി രവീന്ദര് ഋഷിക്കെതിരേ കുരുക്കുകള് മുറുകുകയാണ്. സൈനികാവശ്യത്തിനായി ട്രാക്ക് വാങ്ങിക്കുവാന് 14 കോടി രൂപ തനിക്ക് വാഗ്ദാനം ചെയ്തെന്നു ബി. കെ. സിംഗ് നടത്തിയ വെളിപ്പെടുത്തലും തുടര്ന്ന് അദ്ദേഹം നല്കിയ പരാതിയും ഏറെ വിവാദങ്ങള്ക്ക് വഴി വെച്ചിരുന്നു. ബ്രിട്ടനിലെ ടട്ര സിപോക്സ് കമ്പനിയുമായി ബി. ഇ. എം. എല്. നടത്തിയ യുദ്ധോപയോഗ ട്രക്ക് ഇടപാടാണു വിവാദമായത്.1997 ലെ ഇടപാട് ചട്ടം ലംഘിച്ചാണെന്ന് സി. ബി. ഐ. കണ്ടെത്തിയിട്ടുണ്ട്.
- ന്യൂസ് ഡെസ്ക്
തിരുവനന്തപുരം: ഫ്രഞ്ച് സഹകരണത്തോടെ മഹാരാഷ്ട്രയിലെ ജയ്താപൂരില് സ്ഥാപിക്കാനുദ്ദേശിക്കുന്ന ആണവ റിയാക്ടര് വഴി ദുരന്തമുണ്ടായാല് ആണവ റിയാക്ടര് വിതരണം ചെയ്യുന്ന ഫ്രാന്സിന് ഉത്തരവാദിത്വമുണ്ടാകില്ല. ഇന്ത്യന് സര്ക്കാരിനായിരിക്കും പൂര്ണ്ണ ഉത്തരവാദിത്വമെന്ന് ഫ്രഞ്ച് അംബാസിഡര് ഫാങ്കോയിസ് റിഷയാര്. മഹരാഷ്ട്രയിലെ അണവ റിയാക്ടര് സംബന്ധിച്ച് പ്രാഥമിക ചര്ച്ചകള് തുടരുകയാണ്. ഇത് സംബന്ധിച്ച അന്തിമ തീരുമാനമായിട്ടില്ല. എല്ലാവിധ സുരക്ഷാ സംവിധാനങ്ങളോടും കൂടിയാകും ആണവ റിയാക്ടര് സ്ഥാപിക്കുക അപകടമുണ്ടായാല് രാജ്യത്തിലെ നിയമം അനുസരിച്ച് ഇന്ത്യയ്ക്ക് മുന്നോട്ടു പോകാമെന്നും അദ്ദേഹം പത്രസമ്മേളനത്തില് പറഞ്ഞു. ആണവ ചര്ച്ചകള് മുറുകുന്ന സാഹചര്യത്തില് ഈ പ്രസ്താവനക്ക് ഏറെ പ്രസക്തിയുണ്ട്. ജൈതാപൂരും കൂടംകുളത്തും ആണവ നിലയം സ്ഥാപിക്കാന് ഏതറ്റം വരെ പോകാനും തയ്യാറായി നില്ക്കുന്ന കേന്ദ്ര സംസ്ഥാന ഭരണകൂടങ്ങള് ഇതിനു മറുപടി പറയേണ്ടി വരും അല്ലെങ്കില് വന് ദുരന്തം വന്നതിനു ശേഷം മാത്രം ചിന്തിക്കുന്ന നമ്മുടെ ഭരണാധികാരികള് കൈമലര്ത്തുന്ന രീതി ജനങ്ങള് സഹിച്ചെന്നു വരില്ല.
- ന്യൂസ് ഡെസ്ക്
വായിക്കുക: ഇന്ത്യ, ഇന്ത്യന് രാഷ്ട്രീയം, പരിസ്ഥിതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
