 |
 |
 |
 |
 |
 |
 |
 |
 |
 |
 |
 |
 |
 |
പുട്ടപര്ത്തി : ശ്വാസ കോശ സംബന്ധിയായ അസുഖത്തെ തുടര്ന്ന് ആശുപത്രിയില് പ്രവേശിപ്പിക്കപ്പെട്ട സായി ബാബയുടെ നില ഗുരുതരമായി തുടരുന്നു എന്ന് ആശുപത്രി അധികൃതര് അറിയിച്ചു. കൃത്രിമ യന്ത്രങ്ങളുടെ സഹായത്താലാണ് ബാബ ഇപ്പോള് ശ്വസിക്കുന്നത്. എന്നാല് അദ്ദേഹത്തിന്റെ ആരോഗ്യ നില അല്പ്പം മെച്ചപ്പെട്ടിട്ടുണ്ട് എങ്കിലും ഗുരുതരാവസ്ഥ തരണം ചെയ്തിട്ടില്ല എന്ന് ഡോക്ടര്മാര് അറിയിച്ചു. 85 വയസുള്ള ബാബയെ മാര്ച്ച് 28 നാണ് ആശുപത്രിയില് പ്രവേശിപ്പിച്ചത്.
- ജെ.എസ്.
ന്യൂഡല്ഹി : കോണ്ഗ്രസ് നേതാവ് എന്. ഡി. തിവാരി തന്റെ അച്ഛന് ആണെന്ന് അവകാശപ്പെട്ട ആളുടെ പരാതി പ്രകാരം തിവാരിയുടെ ഡി. എന്. എ. പരിശോധന ഹൈദരാബാദിലെ സെന്റര് ഫോര് ഡി. എന്. എ., ഫിംഗര് പ്രിന്റിംഗ് ആന്ഡ് ഡയഗ്നോസ്റ്റികസ് (Centre for DNA, Fingerprinting and Diagnostics – CDFD) ആവും നടത്തുക എന്ന് സൂചന. പരിശോധന നടത്തുന്നതുമായി ബന്ധപ്പെട്ട വിശദാംശങ്ങള് വ്യക്തമാക്കാന് ഡല്ഹി ഹൈക്കോടതി പ്രസ്തുത പരീക്ഷണ ശാലയോട് ആവശ്യപ്പെട്ടിട്ടുണ്ട്.
ഡല്ഹി സ്വദേശിയായ രോഹിത് ശേഖര് ആണ് തിവാരി തന്റെ പിതാവാണ് എന്ന് തെളിയിക്കണം എന്ന ആവശ്യവുമായി കോടതിയെ സമീപിച്ചിരിക്കുന്നത്. തിവാരി ഇത് നിഷേധിച്ചിട്ടുണ്ട്.
മൂന്നു യുവതികളുമായി ഉള്ള കിടപ്പറ വീഡിയോ രംഗങ്ങള് പരസ്യമായതിനെ തുടര്ന്ന് 2009 ഡിസംബറില് തിവാരി ആന്ധ്രാപ്രദേശ് ഗവര്ണര് സ്ഥാനം രാജി വെച്ചിരുന്നു.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, തട്ടിപ്പ്, പീഡനം, വിവാദം
ബാംഗ്ലൂര് : ആണവ സ്ഥാപനങ്ങളുടെ പ്രവര്ത്തനങ്ങളില് കൂടുതല് സുതാര്യത വേണമെന്ന് പ്രധാന മന്ത്രി മന്മോഹന് സിംഗ് ആവശ്യപ്പെട്ടതിനു പിന്നാലെ രാജ്യത്തെ ആണവ വികസന പദ്ധതികള്ക്ക് മോറട്ടോറിയം പ്രഖ്യാപിക്കണം എന്ന് പ്രമുഖ ശാസ്ത്രജ്ഞരുടെ സംഘം ആവശ്യപ്പെട്ടു.
ബാംഗ്ലൂര് ഇന്ത്യന് ഇന്സ്റ്റിട്ട്യൂട്ട് ഓഫ് സയന്സ് ഡയറക്ടര് ഡോ. ബാല് റാമിന്റെ നേതൃത്വത്തില് 60 ശാസ്ത്രജ്ഞരാണ് ഈ ആവശ്യം ഉന്നയിച്ചത്.
സുരക്ഷിതത്വത്തിനും പൊതുജന അംഗീകാരത്തിനും മുന്തൂക്കം നല്കി ആണവ നിലയങ്ങളുടെ പുനപരിശോധന നടത്തണം എന്നാണ് ശാസ്ത്രജ്ഞരുടെ ആവശ്യം. ആണവ ഊര്ജ വകുപ്പിലെ ഉദ്യോഗസ്ഥര് അല്ലാത്തവരും സാമൂഹ്യ പ്രവര്ത്തകരും സംഘടനകളും ഉള്പ്പെട്ട സംഘമായിരിക്കണം ഈ പരിശോധന നടത്തേണ്ടത്. ഈ പരിശോധന കഴിയുന്നത് വരെ അടുത്ത കാലത്ത് അംഗീകാരം നല്കിയ ആണവ പദ്ധതികള്ക്ക് നല്കിയ അംഗീകാരം പിന്വലിക്കണം എന്നും ആണവ പരിപാടികള്ക്ക് മോറട്ടോറിയം പ്രഖ്യാപിക്കണം എന്നുമാണ് ശാസ്ത്രജ്ഞര് ആവശ്യപ്പെട്ടത്.
- ജെ.എസ്.
ന്യൂഡല്ഹി : കാര്ഷിക മേഖലയില് 100 ശതമാനം നേരിട്ടുള്ള വിദേശ നിക്ഷേപം കൊണ്ടു വരാന് കേന്ദ്ര സര്ക്കാര് തീരുമാനിച്ചു. ഇതു വരെ കാര്ഷിക മേഖലയില് നേരിട്ടുള്ള വിദേശ നിക്ഷേപം സാദ്ധ്യമല്ലായിരുന്നു. എന്നാല് അമേരിക്കന് പ്രസിഡണ്ട് ബരാക്ക് ഒബാമ ഇന്ത്യന് പാര്ലമെന്റില് പ്രസംഗിച്ചപ്പോള് അമേരിക്കയ്ക്ക് ഇന്ത്യയില് പൂര്ണ്ണമായി മുതല് മുടക്കാന് താല്പര്യമുണ്ട് എന്ന് വ്യക്തമാക്കിയതിന്റെ പിന്തുടര്ച്ച എന്നവണ്ണം ആണ് മന്മോഹന് സര്ക്കാരിന്റെ ഇപ്പോള് വന്ന ഈ നീക്കം. സാമ്രാജ്യത്വ കുത്തക ശക്തികളുടെ കളിപ്പാവയായാണ് കഴിഞ്ഞ കുറെ കാലമായി കേന്ദ്ര സര്ക്കാര് പ്രവര്ത്തിക്കുന്നത്.
കാര്ഷിക മേഖല സമ്പൂര്ണ്ണമായി ഇത്തരത്തില് വിദേശ കോര്പ്പൊറേറ്റുകള്ക്ക് തുറന്നു കൊടുക്കുന്നതോടെ കാര്ഷിക മേഖലയില് നിന്നും ചെറുകിട കര്ഷകരുടെ വന് തോതിലുള്ള കുടിയിറക്കത്തിനു കാരണമാകും.
കര്ഷക ആത്മഹത്യ എന്ന സമസ്യ അനുഭവിക്കുന്ന കേരളം പോലുള്ള സംസ്ഥാനങ്ങള് ആയിരിക്കും ഈ നയത്തിന്റെ ദൂഷ്യ ഫലങ്ങള് ഏറ്റവും കൂടുതല് അനുഭവിക്കുവാന് പോവുന്നത്.
കാര്ഷിക മേഖലയില് വിദേശ കമ്പനികള് കടന്നു വരുന്നതോടെ കേരളത്തിലെ കൃഷി യോഗ്യമായ ഭൂമി പൂര്ണ്ണമായും കോര്പ്പൊറേറ്റുകള് സ്വന്തമാക്കുക തന്നെ ചെയ്യും. ജല കൃഷിയും പൂര്ണ്ണമായി വിദേശ കമ്പനികള് കയ്യടക്കുന്നതോടെ നമ്മുടെ പുഴകളും നദികളും നഷ്ടമാകുവാനും കാരണമാകും എന്നും ആശങ്കയുണ്ട്.
സംസ്ഥാന തെരഞ്ഞെടുപ്പുകള്ക്ക് ശേഷം രാജ്യത്തെ ചില്ലറ വില്പ്പന മേഖല കൂടി യു. പി. എ. സര്ക്കാര് വിദേശ കുത്തകകള്ക്ക് തുറന്നു കൊടുക്കും എന്നാണ് സൂചന.
- ജെ.എസ്.
ന്യൂഡല്ഹി : വിക്കിലീക്സ് വെളിപ്പെടുത്തിയ പുതിയ രേഖകളിലെ പരാമര്ശങ്ങള് ബി. ജെ. പി. യെയും വെട്ടിലാക്കി. ആണവ കരാര് സംബന്ധിച്ച തങ്ങളുടെ എതിര്പ്പുകള് കാര്യമായി എടുക്കേണ്ട എന്ന് ഒരു ഉന്നത ബി. ജെ. പി., ആര്. എസ്. എസ്. നേതാവ് അമേരിക്കന് പ്രതിനിധിയെ സമാശ്വസിപ്പിച്ചതിന്റെ വിവരങ്ങളാണ് ഇപ്പോള് വെളിപ്പെട്ടത്. ബി. ജെ. പി. ദേശീയ എക്സിക്യൂട്ടീവ് അംഗവും ആര്. എസ്. എസ്. പ്രമുഖനുമായ ശേഷാദ്രി ചാരി ഡിസംബര് 25നാണ് അമേരിക്കന് നയതന്ത്രജ്ഞന് റോബര്ട്ട് ബ്ലെക്കുമായി കൂടിക്കാഴ്ച നടത്തി പാര്ട്ടി നിലപാട് വ്യക്തമാക്കിയത് എന്ന് കേബിള് സന്ദേശങ്ങള് പറയുന്നു. ബി.ജെ.പി. അമേരിക്കന് വിരുദ്ധ നിലപാട് സ്വീകരിക്കുന്നത് കേവലം രാഷ്ട്രീയമായ നേട്ടത്തിന് വേണ്ടിയാണെന്നും ഇതില് അമേരിക്ക ആശങ്കപ്പെടേണ്ടതില്ല എന്നുമാണ് ചാരി ബ്ലെക്കിനോടു പറഞ്ഞത്. യു. പി. എ. സര്ക്കാരിന് മേല് രാഷ്ട്രീയ ലാഭം നേടാന് വേണ്ടി സാധാരണയായി പാര്ട്ടി സ്വീകരിക്കുന്ന നിലപാട് മാത്രമാണിത് എന്നും ബി. ജെ. പി. നേതാവ് അമേരിക്കന് പ്രതിനിധിയെ ധരിപ്പിച്ചതായി വിക്കിലീക്സ് വെളിപ്പെടുത്തിയ നയതന്ത്ര രേഖകള് വ്യക്തമാക്കി.
- ജെ.എസ്.
വായിക്കുക: അമേരിക്ക, ഇന്ത്യന് രാഷ്ട്രീയം, തട്ടിപ്പ്, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
