 |
 |
 |
 |
 |
 |
 |
 |
 |
 |
 |
 |
 |
 |
മുംബൈ: നാഗ്പൂരിലെ ചിട്ണീസ് പാര്‍ക്കില്‍ പൊതുയോഗത്തിന് പങ്കെടുക്കാന്‍ എത്തിയ അണ്ണാ ഹസാരെയുടെ വാഹനത്തിന് നേരെ കല്ലേറ്. കല്ലേറില്‍ വാഹനത്തിന്റെ ചില്ലുകള്‍ തകര്‍ന്നു. ഹസാരെ സുരക്ഷിതനാണെന്ന് അദ്ദേഹത്തോട് അടുത്ത വൃത്തങ്ങള്‍ പറഞ്ഞു. ആരാണ് ആക്രമണം നടത്തിയതെന്ന് കണ്ടെത്താന്‍ കഴിഞ്ഞിട്ടില്ല. പോലിസ്‌ അന്വേഷണം ആരംഭിച്ചു.
- ന്യൂസ് ഡെസ്ക്
വായിക്കുക: അഴിമതി, ഇന്ത്യ, ഇന്ത്യന്‍ രാഷ്ട്രീയം, കുറ്റകൃത്യം
ന്യൂഡല്‍ഹി: 2ജി സ്‌പെക്ട്രം ഇടപാടുമായി ബന്ധപ്പെട്ട അഴിമതി കേസില്‍ കുടുങ്ങി കഴിഞ്ഞ 15 മാസമായി ജയിലില്‍ കഴിയുന്ന മുന്‍ ടെലികോം മന്ത്രി എ. രാജയ്ക്ക് സി. ബി. ഐ. പ്രത്യേക കോടതി ജാമ്യം അനുവദിച്ചു. 20 ലക്ഷം രൂപയുടെ ബോണ്ടിനും തുല്യ തുകക്കുള്ള മറ്റ് രണ്ട് ജാമ്യത്തിലുമാണ് രാജയ്ക്ക് പുറത്തേക്ക് ഇറങ്ങാന്‍ സാധിച്ചത്. എന്നാല്‍ കോടതിയുടെ അനുമതിയില്ലാതെ തമിഴ്‌നാട് സന്ദര്‍ശിയ്ക്കരുതെന്ന കര്‍ശന വ്യവസ്ഥയും ജഡ്ജി ഒ. പി. സെയ്‌നി ജാമ്യവ്യവസ്ഥയില്‍ പറയുന്നു. ഇതോടൊപ്പം ടെലികോം ഡിപ്പാര്‍ട്ട്‌മെന്റിന്റെ ഓഫീസ് സന്ദര്‍ശിക്കുകയോ കേസിലെ സാക്ഷികളെ സ്വാധീനിക്കാന്‍ ശ്രമിക്കുകയോ ചെയ്യരുതെന്ന് കോടതി കര്‍ശനമായി പറഞ്ഞു. ടു. ജി. സ്‌പെക്ട്രം ലൈസന്‍സ് അനുവദിച്ചതില്‍ അഴിമതി നടന്നിട്ടുണ്ടെന്ന് ആരോപിച്ച്‌ 2011 ഫെബ്രുവരി 2 നാണ് രാജ അറസ്റ്റിലായത്.
- ന്യൂസ് ഡെസ്ക്
വായിക്കുക: അഴിമതി, ഇന്ത്യന്‍ രാഷ്ട്രീയം, കുറ്റകൃത്യം, കോടതി, പോലീസ്‌
ഹൈദരാബാദ്: നടനും രാജ്യസഭാംഗവുമായ ചിരഞ്ജീവിയുടെ മകള്‍ സുസ്മിതയുടെ ചെന്നൈയിലെ വസതിയില്‍ നിന്ന് കണക്കില്‍പ്പെടാത്ത 35 കോടി രൂപ ആദായനികുതി വകുപ്പ് പിടിച്ചെടുത്തു.റിയല്‍ എസ്റ്റേറ്റ് വ്യവസായി ശിവപ്രസാദിന്‍റെ മകനാണു സുസ്മിതയുടെ ഭര്‍ത്താവ് വിഷ്ണു പ്രസാദ്. വെള്ളി, ശനി ദിവസങ്ങളില്‍ നടന്ന റെയ്ഡിലാണ് വസതിയില്‍ നിന്ന് 500, 1000 നോട്ടുകളായി ഒരു കോടി രൂപ വീതമടങ്ങിയ 35 പെട്ടികള്‍ കണ്ടെടുത്തത്. അന്വേഷണ സംഘം പണം പിന്നീടു റിസര്‍വ് ബാങ്കിനു കൈമാറി. എന്നാല്‍, റെയ്ഡുമായി തന്നെ ബന്ധിപ്പിക്കുന്നതു രാഷ്ട്രീയ ലക്ഷ്യത്തോടെയെന്നു ചിരഞ്ജീവി. കൃത്യമായി നികുതി ഒടുക്കിയതിന് ആദായ നികുതി വകുപ്പിന്‍റെ പുരസ്കാരം ലഭിച്ചിട്ടുണ്ട് എനിക്ക്. മകളുടെ വസതിയില്‍ നടന്ന റെയ്ഡ് രാഷ്ട്രീയ പ്രേരിതമെന്നും പണം വിഷ്ണുവിന്‍റെ ബന്ധുക്കളുടേതെന്നും ചിരഞ്ജീവി.
- ന്യൂസ് ഡെസ്ക്
വായിക്കുക: കുറ്റകൃത്യം, സാമ്പത്തികം
ലക്നൌ: ഉത്തര്‍പ്രദേശിലെ ബി. എസ്. പി. യുടെ പ്രമുഖ നേതാവും എം. പി. യുമായ ജുഗല്‍ കിഷോറിന്റെ ലക്ഷ്മിപുര്‍ ഖേരിയിലെ വസതിയിൽ വെച്ച് 16-കാരിയായ പെണ്‍കുട്ടിയെ ബലാത്സംഗം ചെയ്തതായി പരാതി. എം. പി. യുടെ വസതിയിലെ ജീവനക്കാരനായ ബ്രിജേഷ്‌ എന്നയാള്‍ തന്നെ തോക്കു ചൂണ്ടി ഭീഷണി പ്പെടുത്തിയ ശേഷം ബലാത്സംഗം ചെയ്തു എന്നാണ് പെൺകുട്ടി പരാതി ഉന്നയിച്ചിരിക്കുന്നത്.
തന്നെ പീഡിപ്പിച്ചുവെന്നു പെണ്‍കുട്ടി പൊലീസിന് നേരിട്ട് മൊഴി നല്‍കി. പെണ്‍കുട്ടിയും കുടുംബവും ശനിയാഴ്‌ച രാത്രി ഒരു വിവാഹ ചടങ്ങില്‍ പങ്കെടുത്ത് തിരിച്ചു വരുമ്പോള്‍ ബ്രിജേഷ്‌ പെണ്‍കുട്ടിയെ വായില്‍ തുണി തിരുകി ബലമായി പിടികൂടി എം. പിയുടെ വീട്ടില്‍ എത്തിച്ചു.
രക്ഷപ്പെടാന്‍ ശ്രമിച്ച പെണ്‍കുട്ടിയെ ഇയാള്‍ തോക്കു ചൂണ്ടി ഭീഷണിപ്പെടുത്തി. തുടര്‍ന്ന് ബലാത്സംഗം ചെയ്തു എന്നാണ് പരാതിയില്‍ പറയുന്നത്.
- ന്യൂസ് ഡെസ്ക്
വായിക്കുക: കുറ്റകൃത്യം, പീഡനം, സ്ത്രീ
കൊല്‍ക്കത്ത: തൃണമൂല്‍ കോണ്‍ഗ്രസ്സില്‍ ചേരാന്‍ വിസ്സമ്മതിച്ച യുവതിയെ മാനഭംഗപ്പെടുത്തി. ഇതേ തുടര്‍ന്ന് യുവതി ആത്മഹത്യക്ക് ശ്രമിച്ചു. അക്രമികള്‍ യുവതിയുടെ ബന്ധുക്കളെ മര്‍ദ്ദിക്കുകയും ചെയ്തു. ഈസ്റ്റ് മിഡ്‌നപൂരിനടുത്ത് കന്യാദിഗിരിയില്‍ കഴിഞ്ഞ ഞായറാഴ്ചയാണ് സംഭവം നടന്നത് . യുവതിയുടെ മകന്‍ പോലീസില്‍ പരാതിപ്പെടുകയായിരുന്നു. സംഭവം പശ്ചിമ ബംഗാളില്‍ മമത ബാനര്‍ജിയുടെ ഭരണത്തിനെതിരെ രോഷമുയരുവാന്‍ ഇടയാക്കിയിട്ടുണ്ട്.
- ന്യൂസ് ഡെസ്ക്
വായിക്കുക: ഇന്ത്യന്‍ രാഷ്ട്രീയം, കുറ്റകൃത്യം, പീഡനം, സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
