 |
 |
 |
 |
 |
 |
 |
 |
 |
 |
 |
 |
 |
 |
ചെന്നൈ: മുല്ലപ്പെരിയാര് വിഷയത്തില് ഇപ്പോള് മാധ്യമങ്ങള് പെരുപ്പിച്ചു കാണിക്കുന്ന പോലെ ഒന്നുമില്ലെന്നും, യാതൊരു ആശങ്കയ്ക്കും അടിസ്ഥാനമില്ലെന്നും ഇക്കാര്യത്തില് കേരളത്തെ നിയന്ത്രിക്കണമെന്നും ഇപ്പോഴത്തെ ഡാം പുതിയ ഡാം പോലെ സുരക്ഷിതമാണെന്നും കാണിച്ച് തമിഴ്നാട് മുഖ്യമന്ത്രി ജയലളിത പ്രധാനമന്ത്രി മന്മോഹന് സിംഗിന് കത്തയച്ചു. ഒരാഴ്ചയ്ക്കിടെ ഇത് രണ്ടാം തവണയാണ് ഈ വിഷയത്തില് ജയലളിത പ്രധാനമന്ത്രിക്ക് കത്തയക്കുന്നത്.
-
വായിക്കുക: അപകടം, ഇന്ത്യന് രാഷ്ട്രീയം, പരിസ്ഥിതി, പ്രതിഷേധം
ന്യൂഡല്ഹി: മുല്ലപ്പെരിയാര് വിഷയത്തില് നേരിട്ട് ഇടപെടാന് കഴിയില്ലെന്ന് കേന്ദ്ര ആഭ്യന്തര സഹ മന്ത്രി മുല്ലപ്പള്ളി രാമചന്ദ്രന് പറഞ്ഞു. കേന്ദ്ര ആഭ്യന്തര മന്ത്രാലയത്തില് ദുരന്ത നിവാരണത്തിന്റെ ചുമതലയുള്ളതിനാലാണ് ഇടപെടാന് കഴിയാത്തതെന്നും കൂടാതെ പ്രധാനമന്ത്രി വിഷയത്തില് നേരിട്ട് ഇടപെടുന്നതിനാല് ആഭ്യന്തര മന്ത്രാലയത്തിന് പ്രത്യേകം ഇടപെടാന് കഴിയില്ലെന്നും അദ്ദേഹം പറഞ്ഞു.
-
വായിക്കുക: ഇന്ത്യന് രാഷ്ട്രീയം, കേരള രാഷ്ട്രീയം, ദുരന്തം, പരിസ്ഥിതി, പ്രതിഷേധം
കൂടംകുളം : കൂടംകുളം ആണവ നിലയത്തിനെതിരെ നടക്കുന്ന സമരം നൂറു ദിനം പിന്നിട്ടു. ആണവ നിലയത്തിന്റെ പണി അവസാനിപ്പിക്കണമെന്ന് ആവശ്യപ്പെട്ടു കൊണ്ട് തദ്ദേശ വാസികളും പരിസ്ഥിതി പ്രവര്ത്തകരും നടത്തിയ സമരം പിന്നീട് ലോക ശ്രദ്ധ നേടുകയായിരുന്നു. ഫുക്കുഷിമ ആണവ ദുരന്തത്തെ തുടര്ന്ന് ലോകത്താകെ ആണവ വിരുദ്ധ തരംഗം ഉണ്ടായപ്പോഴും ഇന്ത്യന് ഭരണകൂടം കൂടംകുളം പദ്ധതിയുമായി മുന്നോട്ട് പോയതോടെ സമരം ശക്തമാക്കുകയായിരുന്നു. ആണവ നിലയം അടച്ചു പൂട്ടുന്നത് വരെ സമരം തുടരുക തന്നെ ചെയ്യുമെന്ന് സമര സമിതി നേതാവ് എസ്. പി. ഉദയകുമാര് പറഞ്ഞു.
-
ന്യൂഡല്ഹി: മുല്ലപ്പെരിയാറില് പുതിയ ഡാം നിര്മ്മിക്കുക എന്ന കേരളത്തിന്റെ ആവശ്യത്തിന് കേന്ദ്രത്തിന്റെ പിന്തുണ. മുല്ലപെരിയാര് പ്രശ്നത്തില് കേരളവും തമിഴ്നാടുമായുള്ള ചര്ച്ചയ്ക്ക് മധ്യസ്ഥത വഹിക്കാന് തയ്യാറാണെന്ന് കേന്ദ്ര ജലവിഭവമന്ത്രി പവന് കുമാര് ബന്സല് പറഞ്ഞു. പ്രധാനമന്ത്രിയുമായി ചര്ച്ച നടത്തിയതിന് ശേഷമാണ് പവന്കുമാര് ബന്സല് മധ്യസ്ഥതയ്ക്ക് തയ്യാറാണെന്ന് അറിയിച്ചത്. ഡാമിന്റെ നിര്മ്മാണച്ചെലവ് പൂര്ണമായും വഹിക്കാന് കേരളം തയ്യാറാണെന്ന് മുഖ്യമന്ത്രി അറിയിച്ചിട്ടുണ്ട്. എന്നാല് ഈ തീരുമാനം തമിഴ്നാട് സ്വീകരിക്കുമോ എന്ന ആശങ്കയുമുണ്ട്. കേരളം മുഴുവന് ചെലവ് എടുത്താല് ഡാമിന്റെ പൂര്ണ അവകാശം കേരളത്തിനാകും എന്നാ ഭയവും തമിഴ്നാടിനെ അലട്ടുന്നുണ്ട്.
-
വായിക്കുക: ഇന്ത്യ, ഇന്ത്യന് രാഷ്ട്രീയം, കേരളം, പരിസ്ഥിതി
ചെന്നൈ: എം. ഡി. എം. കെ. പ്രവര്ത്തകര് സാലിഗ്രാമത്തിലുളള പ്രസാദ് ഫിലിം ലബോറട്ടറീസില് അതിക്രമിച്ചു കടന്ന് നാശനഷ്ടം വരുത്തി. എം. ഡി. എം. കെ. പാര്ട്ടി ജനറല് സെക്രട്ടറി മല്ലയ് സത്യ ഉള്പ്പെടെ 23 എം. ഡി. എം. കെ. പ്രവര്ത്തകരെ പോലിസ് അറസ്റ്റു ചെയ്ത് നീക്കി. മലയാളിയായ സോഹന് റോയ് സംവിധാനം ചെയ്ത ഹോളിവുഡ് ചിത്രം ‘ഡാം 999’ വിവാദമായ മുല്ലപ്പെരിയാര് വിഷയം പ്രമേയമാക്കി എന്നാരോപിച്ചാണ് എം. ഡി. എം. കെ. പ്രവര്ത്തകര് ലാബ് അടിച്ചു തകര്ത്തത്.
എന്നാല് 1975ല് ചൈനയില് 2.5 ലക്ഷം ആളുകള് കൊല്ലപ്പെട്ട ബന്ക്വിയോ ഡാമിന്റെ കഥയാണ് താന് ചിത്രത്തില് ഉപയോഗിച്ചിരിക്കുന്നതെന്ന് സംവിധായകന് സോഹന് റോയ് വ്യക്തമാക്കി.
അതിനിടെ, ചിത്രത്തിനെതിരെ ഡി. എം. കെ. യും പി. എം. കെ. യും രംഗത്തെത്തിയിട്ടുണ്ട്. ഡി. എം. കെ. പാര്ലമെന്ററി പാര്ട്ടി നേതാവ് ടി. ആര്. ബാലു പ്രധാനമന്ത്രിയെ കണ്ട് ചിത്രം നിരോധിക്കണമെന്ന് ആവശ്യപ്പെട്ടു. ചിത്രത്തിനു പിന്നില് കേരള സര്ക്കാരാണെന്ന് ടി. ആര്. ബാലു ഡല്ഹിയില് ആരോപിച്ചു.
-
വായിക്കുക: ഇന്ത്യന് രാഷ്ട്രീയം, പരിസ്ഥിതി, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
