 |
 |
 |
 |
 |
 |
 |
 |
 |
 |
 |
 |
 |
 |
മുംബൈ: നാഗ്പൂരിലെ ചിട്ണീസ് പാര്‍ക്കില്‍ പൊതുയോഗത്തിന് പങ്കെടുക്കാന്‍ എത്തിയ അണ്ണാ ഹസാരെയുടെ വാഹനത്തിന് നേരെ കല്ലേറ്. കല്ലേറില്‍ വാഹനത്തിന്റെ ചില്ലുകള്‍ തകര്‍ന്നു. ഹസാരെ സുരക്ഷിതനാണെന്ന് അദ്ദേഹത്തോട് അടുത്ത വൃത്തങ്ങള്‍ പറഞ്ഞു. ആരാണ് ആക്രമണം നടത്തിയതെന്ന് കണ്ടെത്താന്‍ കഴിഞ്ഞിട്ടില്ല. പോലിസ്‌ അന്വേഷണം ആരംഭിച്ചു.
- ന്യൂസ് ഡെസ്ക്
വായിക്കുക: അഴിമതി, ഇന്ത്യ, ഇന്ത്യന്‍ രാഷ്ട്രീയം, കുറ്റകൃത്യം
ന്യൂഡല്‍ഹി: സൈന്യത്തില്‍ നിന്നും വിരമിച്ച ശേഷം അഴിമതി വിരുദ്ധ സമരത്തില്‍ പങ്കുചേരാന്‍ കരസേനാ മേധാവി ജനറല്‍ വി. കെ. സിങ്ങിന് അണ്ണ ഹസാരെയുടെ ക്ഷണം. പാക്കിസ്ഥാനെതിരേ രണ്ടു യുദ്ധങ്ങളില്‍ പങ്കെടുത്തയാളാണ് താനെന്നും, എന്നാല്‍ താനിപ്പോള്‍ രാജ്യത്തിനുള്ളിലെ ശത്രുക്കളെയാണു നേരിടുന്നതെന്നും ഹസാരെ പറഞ്ഞു. അഴിമതിക്കെതിരെയുള്ള സമരം തുടരുമെന്നും ഈ സമരത്തിലേക്ക് സിംഗിനെ പോലുള്ളവരുടെ സാന്നിധ്യം അനിവാര്യമാണെന്നും എന്നാല്‍, പങ്കെടുക്കണമോ എന്നു തീരുമാനിക്കേണ്ടത് അദ്ദേഹമാണെന്നും ഹസാരെ പറഞ്ഞു . മഹരാഷ്ട്രയില്‍ ലോകായുക്ത നിയമം നടപ്പാക്കാനാവശ്യപ്പെട്ടു 35 ദിവസം നീളുന്ന സംസ്ഥാന പര്യടനത്തിലാണു ഹസാരെ. ഇതിന്‍റെ ഭാഗമായി നടത്തിയ യോഗത്തിലാണു സിങ്ങിനെ ക്ഷണിച്ചു കൊണ്ടുള്ള പ്രസംഗം നടത്തിയത്. സിങ്ങിനെ സമരത്തിനു ക്ഷണിച്ച ഹസാരെയുടെ നടപടിയെ ഒപ്പമുണ്ടായിരുന്ന കിരണ്‍ ബേദി സ്വാഗതം ചെയ്തു.
- ന്യൂസ് ഡെസ്ക്
ന്യൂഡല്‍ഹി: എയര്‍ ഇന്ത്യ പൈലറ്റുമാരില്‍ ഒരു വിഭാഗം നടത്തുന്ന സമരം മൂന്നു ദിവസം പിന്നിട്ടതോടെ ജനങ്ങളെ ഏറെ ബുദ്ധിമുട്ടിലാക്കി. എന്നാല്‍ സമരം കൂടുതല്‍ വ്യാപിക്കുകയാണ്. കിംഗ്‌ ഫിഷറിലെ പൈലറ്റ് മാരും സമത്തിലേക്ക് ഇറങ്ങിയതോടെ പ്രശനം കൂടുതല്‍ രൂക്ഷമായി. സമരത്തെ തുടര്‍ന്ന് അനേകം സര്‍വീസുകളാണ് മുടങ്ങിയത്‌. ഇതോടെ നിരവധി പേരുടെ യാത്രകള്‍ അവതാളത്തിലായി. എന്നാല്‍ സമരത്തിന്റെ പേരില്‍ എയര്‍ ഇന്ത്യ സര്‍വീസ്‌ മുടങ്ങിയതോടെ മറ്റു വിമാന കമ്പനികള്‍ക്ക് കൊയ്ത്തു കാലമായി. അവസരം മുതലെടുത്ത് മറ്റു വിമാന ക്കമ്പനികള്‍ നിരക്ക് വര്‍ധിപ്പിക്കുന്നതായും ആക്ഷേപമുണ്ട്.
നഷ്ടത്തിലേക്ക് കൂപ്പുകുത്തുന്ന എയര്‍ ഇന്ത്യയെ രക്ഷിക്കാന്‍ സമരം അവസാനിപ്പിക്കാന്‍ നടപടി സ്വീകരിക്കണമെന്ന് എം. പി. മാര്‍ സര്‍ക്കാറിനോട് ആവശ്യപ്പെട്ടു. എന്നാല്‍ സമരം അവസാനിപ്പിച്ച ശേഷം ചര്‍ച്ചയാകാമെന്നാണ് വ്യോമയാന മന്ത്രി അജിത് സിംഗ് പറയുന്നത്. കോടതി പറഞ്ഞത് അംഗീകരിക്കാത്തവര്‍ തന്‍െറ വാക്ക് കേള്‍ക്കാനിടയില്ലെന്നും മന്ത്രി പറഞ്ഞു. സമര രംഗത്തുള്ള ഒന്‍പത്‌ പേരെ ഇന്നലെ സര്‍വീസില്‍ നിന്നും പുറത്താക്കിയിരുന്നു. ഇതോടെ പുറത്താക്കിയ പൈലറ്റുമാരുടെ എണ്ണം 29 ആയി. പൈലറ്റുമാരെ പിരിച്ചു വിടുന്ന എയര്‍ ഇന്ത്യ മാനേജ്മെന്‍റിനെ തിരുത്താന്‍ ഇടപെടണമെന്ന് പ്രധാനമന്ത്രി മന്‍മോഹന്‍ സിങ്, യു. പി. എ. അധ്യക്ഷ സോണിയ ഗാന്ധി എന്നിവരോട് പൈലറ്റ് ഗില്‍ഡ് ആവശ്യപ്പെട്ടു.
- ന്യൂസ് ഡെസ്ക്
കോല്‍ക്കത്ത: ചില്ലറ വ്യാപാര രംഗത്ത്‌ നേരിട്ടുള്ള വിദേശ നിക്ഷേപം ഇറക്കുക എന്ന ലക്ഷ്യത്തോടെ പശ്ചിമ ബംഗാള്‍ സന്ദര്‍ശിച്ച യു. എസ്. സ്റ്റേറ്റ് സെക്രട്ടറി ഹിലരി ക്ലിന്റന് മുഖ്യമന്ത്രി മമത ബാനര്‍ജിയുടെ ഹൃദ്യമായ സ്വീകരണം. കവി രവീന്ദ്രനാഥ ടാഗോറിന്റെ കൃതികളായ ഗീതാഞ്ജലിയും ഗീതാബിദനും സ്വാമി വിവേകാനന്ദന്‍ കൃതികള്‍ ഒപ്പം ശാന്തിനികേതനില്‍ നിന്ന് കൊണ്ടുവന്ന സ്കാര്‍ഫ് എന്നിവ അടങ്ങിയ വൈവിധ്യമാര്‍ന്ന സമ്മാനങ്ങളാണ് ഹിലരി ക്ലിന്റന് മമത ബാനര്‍ജി നല്‍കിയത്‌. ബംഗാളില്‍ നിക്ഷേപങ്ങള്‍ നടത്താന്‍ അമേരിക്ക തയാറാണെന്ന് ഹിലരി അറിയിച്ചിട്ടുണ്ട് എന്നാല്‍ ചില്ലറ വ്യാപാരരംഗത്ത് നേരിട്ടുളള വിദേശ നിക്ഷേപം എന്ന വിഷയം ചര്‍ച്ച ചെയ്തില്ല എന്നാണ് മമത പറഞ്ഞത്.
- ന്യൂസ് ഡെസ്ക്
വായിക്കുക: അമേരിക്ക, ഇന്ത്യ, ഇന്ത്യന്‍ രാഷ്ട്രീയം, സാമ്പത്തികം
ന്യൂഡല്‍ഹി: കോണ്‍ഗ്രസ്‌ ഇതുവരെയും രാഷ്ട്രപതി സ്‌ഥാനാര്‍ഥിയെ നിശ്‌ചയിച്ചിട്ടില്ല എന്ന്‌ പാര്‍ട്ടി അധ്യക്ഷ സോണിയ ഗാന്ധി. തൃണമൂല്‍ കോണ്‍ഗ്രസ്‌ അധ്യക്ഷ മമതാ ബാനര്‍ജിയുമായി നടത്തിയ കൂടിക്കാഴ്‌ചക്ക്‌ ശേഷം മാധ്യമങ്ങളോട്‌ സംസാരിക്കുകയായിരുന്നു അവര്‍. ഇതാദ്യമായാണ്‌ സോണിയ ഇക്കാര്യത്തില്‍ പ്രതികരണം നടത്തുന്നത്‌.
കോണ്‍ഗ്രസ്‌ വക്‌താവ്‌ റഷീദ്‌ ആല്‍വിയും ഇതേ രീതിയില്‍ പ്രതികരണം നടത്തിയിരുന്നു. എന്നാല്‍, പ്രണാബ്‌ മുഖര്‍ജി സ്‌ഥാനാര്‍ഥിയായേക്കും എന്ന വാര്‍ത്തകള്‍ അദ്ദേഹം നിഷേധിച്ചില്ല. എന്നാല്‍, ഇക്കാര്യത്തില്‍ അന്തിമ തീരുമാനം പറയാറായിട്ടില്ല എന്നും പാര്‍ട്ടി സമവായത്തിനായി ശ്രമിക്കുകയാണെന്നും കോണ്‍ഗ്രസ്‌ വക്‌താവ്‌ ഒരു ചാനലിനു നല്‍കിയ അഭിമുഖത്തില്‍ പറഞ്ഞു.
പ്രണാബ്‌ മുഖര്‍ജിയോ ഹമീദ്‌ അന്‍സാരിയോ കോണ്‍ഗ്രസിന്റെ രാഷ്ട്രപതി സ്‌ഥാനാര്‍ഥി ആയേക്കുമെന്നാണ്‌ സൂചന.
- ന്യൂസ് ഡെസ്ക്
വായിക്കുക: ഇന്ത്യ, ഇന്ത്യന്‍ രാഷ്ട്രീയം
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
