 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി: പ്രസ് ട്രസ്റ്റ് ഒഫ് ഇന്ത്യ (പിടിഐ)ചെയര്മാനായി മാതൃഭൂമി എംഡി എം.പി. വീരേന്ദ്രകുമാറിനെ തെരഞ്ഞെടുത്തു. ഏജന്സി ഓഹരിയുടമകളുടെ വാര്ഷിക യോഗത്തിലായിരുന്നു തെരഞ്ഞെടുപ്പ്. ടൈംസ് ഒഫ് ഇന്ത്യയിലെ എം. ഡി വിനീത് ജെയിനിന്റെ പിന്ഗാമിയായാണ് വീരേന്ദ്രകുമാര് ഈ സ്ഥാനത്തെത്തുന്നത്. മുന്പ് രണ്ടുതവണ പിടിഐ ചെയര്മാനായിട്ടുണ്ട്. ദിനമലര് പബ്ലിഷര് ആര്. ലക്ഷ്മിപതിയാണ് വൈസ് ചെയര്മാന്.
-
വായിക്കുക: ഇന്ത്യ, ഇന്ത്യന് രാഷ്ട്രീയ നേതാക്കള്
ന്യൂഡല്ഹി: ജനലോക്പാല് ബില്ലിനു വേണ്ടി അണ്ണ ഹസാരെ എട്ടു ദിവസമായി തുടങ്ങിയ സമരം ഒത്തുതീര്പ്പിലേക്ക് .നിരാഹാരം അവസാനിപ്പിക്കണം എന്നപേക്ഷിച്ച് ഹസാരെയ്ക്ക് പ്രധാനമന്ത്രി മന്മോഹന്സിങ് കത്തുനല്കിയതിന്റെ അടിസ്ഥാനത്തിലാണ് ഒത്തുതീര്പ്പിന് വഴി തെളിഞ്ഞത്. നിരാഹാരസമരം എട്ടാം ദിവസത്തിലേക്ക് കടന്നതോടെ ഹസാരെയുടെ ആരോഗ്യനില മോശമായതും പ്രക്ഷോഭത്തിന് രാജ്യവ്യാപകമായ പിന്തുണ തുടരുന്നതുമാണ് നേരിട്ട് കത്തയയ്ക്കാന് പ്രധാനമന്ത്രിയെ പ്രേരിപ്പിച്ചത്. സ്പീക്കര് അനുവദിക്കുകയാണെങ്കില് ജനലോക്പാല് ബില് പാര്ലമെന്റില് അവതിരിപ്പിക്കാമെന്നും സ്റ്റാന്ഡിങ് കമ്മിറ്റിയുടെ പരിഗണനയ്ക്ക് വിടാമെന്നും കത്തില് പ്രധാനമന്ത്രി വ്യക്തമാക്കിയിട്ടുണ്ട്. ഒപ്പം സാമൂഹികപ്രവര്ത്തക അരുണറോയി നല്കിയതടക്കമുള്ള എല്ലാ ബില്ലുകളും സ്റ്റാന്ഡിങ് കമ്മിറ്റി പരിഗണിക്കും പ്രധാനമന്ത്രിയുടെ നിര്ദേശപ്രകാരം കേന്ദ്രമന്ത്രി മന്ത്രി പ്രണബ് മുഖര്ജിയുമായി ഹസാരെ സംഘം പ്രതിനിധികളായ അരവിന്ദ കെജ്രിവാളും കിരണ്ബേദിയും പ്രശാന്ത്ഭൂഷണുമാണ് ചൊവ്വാഴ്ച വൈകിട്ട് ചര്ച്ച നടത്തിയത്. മന്ത്രി സല്മാന്ഖുര്ഷിദ്, ഷീലാ ദീക്ഷിതിന്റെ മകനും എം.പി.യുമായ സന്ദീപ് ദീക്ഷിത് എന്നിവരും ചര്ച്ചയില് പങ്കെടുത്തു. സമരത്തെ തുര്ന്നുള്ള സ്ഥിതി ഗതി ചര്ച്ചചെയ്യാന് കേന്ദ്രം ഇന്ന് സര്വകക്ഷിയോഗം വിളിച്ചിട്ടുണ്ട്. അമേരിക്കയില് ശസ്ത്രക്രിയ കഴിഞ്ഞ് വിശ്രമിക്കുന്ന കോണ്ഗ്രസ് അധ്യക്ഷ സോണിയ ഗാന്ധി നിര്ദേശിച്ചതനുസരിച്ചാണ് പ്രധാനമന്ത്രി ഹസാരെയ്ക്ക് കത്തെഴുതിയതെന്ന് പാര്ട്ടിവൃത്തങ്ങള് അറിയിച്ചു.സമരത്തോടുള്ള സര്ക്കാറിന്റെ നിലപാടില് പ്രതിഷേധിച്ച് പ്രതിപക്ഷം ചൊവ്വാഴ്ച പാര്ലമെന്റ് നടപടി പൂര്ണമായും സ്തംഭിപ്പിച്ചിരുന്നു രാജ്യവ്യാപകമായി പ്രതിഷേധം ഉയര്ന്ന സാഹചര്യത്തില് സര്ക്കാരിന് സമവായമാല്ലാതെ മറ്റു വഴിയില്ലാതായി.
-
വായിക്കുക: അഴിമതി, ഇന്ത്യ, മനുഷ്യാവകാശം
ചെന്നൈ: ശക്തമായ ലോക്പാല് ബില്ലിനു വേണ്ടി നിരാഹാരം അനുഷ്ടിക്കുന്ന അണ്ണാ ഹസാരയ്ക്ക് പിന്തുണയുമായി തമിഴ് സിനിമാ ലോകം. ഇതിന്റെ ഭാഗമായി ചെന്നൈയില് അവര് ഒരു ദിവസത്തെ നിരാഹാരം ആരംഭിച്ചു. നടീനടന്മാര്, സംവിധായകര്, എഴുത്തുകാര്, സാങ്കേതിക പ്രവര്ത്തകര് തുടങ്ങി സിനിമയുടെ വ്യത്യസ്ഥ മേഘലയില് നിന്നുള്ളവര് സമര പന്തലില് സജീവമാണ്. രാവിലെ ഒമ്പത് മുതല് വൈകീട്ട് അഞ്ചുമണി വരെയാണ് സമരം. സൌത്ത് ഇന്ത്യന് ആര്ട്ടിസ്റ്റ് അസോസിയേഷന്, പ്രോഡ്യൂസേഴ്സ് കൌണ്സില്, ഫെഫ്സി തുടങ്ങിയ സംഘടനകളാണ് പ്രധാനമായും സമരത്തിന് മുന്കൈ എടുത്തത്. ഹസാരയുടെ സമരത്തിനു പിന്തുണ പ്രഖ്യാപിക്കുന്നതിനോടൊപ്പം അദ്ദേഹത്തിന്റെ സമരത്തിനെ ജനങ്ങളിലേക്ക് കൂടുതലായി എത്തിക്കാനാകുമെന്നാണ് സംഘാടകര് പ്രതീക്ഷിക്കുന്നത്.
എന്നാല് അഴിമതിയ്ക്കെതിരെ അണ്ണാ ഹസാരെ നടത്തുന്ന നിരാഹാര സമരത്തിന് തമിഴ് സിനിമാ പ്രവര്ത്തകര് പിന്തുണക്കുമ്പോള് മലയാള സിനിമാ പ്രവര്ത്തകര് അദ്ദേഹത്തിനു പിന്തുണയുമായി മുന്നോട്ടു വരുവാന് ഇനിയും തയ്യാറായിട്ടില്ല. ഇതിനു കാരണമായി കരുതുന്നത് അടുത്തിടെ മലയാള സിനിമയിലെ രണ്ടു സൂപ്പര് സ്റ്റാറുകളായ മമ്മൂട്ടിയുടേയും മോഹന് ലാലിന്റേയും വീടുകളിലും സ്ഥാപനങ്ങളിലും ആദായ നികുതി വകുപ്പ് നടത്തിയ റെയ്ഡില് കോടികളുടെ കള്ളപ്പണമടക്കം അനധികൃത സ്വത്തുക്കള് കണ്ടെത്തിയതാണ്. മോഹന് ലാലിന്റെ വീട്ടില് നിന്നും ആനക്കൊമ്പും കണ്ടെത്തിയിരുന്നു. ആദ്യ ദിവസങ്ങളില് താരങ്ങളുടെ കള്ളപ്പണത്തെ സംബന്ധിച്ചുള്ള വാര്ത്തകള് സജീവമായിരുന്നു. എന്നാല് പിന്നീട് വളരെ പെട്ടെന്നു തന്നെ മാധ്യമങ്ങളില് നിന്നും ഇതു സംബന്ധിച്ചുള്ള വാര്ത്തകള് അപ്രത്യക്ഷമായി. വാര്ത്തകള് നിലച്ചു വെങ്കിലും ഇവരെ മുന് നിര്ത്തിക്കൊണ്ട് കള്ളപ്പണത്തിനും അഴിമതിക്കും എതിരെ സംസാരിക്കുവാനോ ഹസാരയുടെ സമരത്തിനു പിന്തുണ പ്രഖ്യാപിക്കുവാനോ മലയാള സിനിമാ സംഘടനകള്ക്ക് അല്പം മടിയുണ്ടാകും. നടന് സുരേഷ് ഗോപി അന്നാ ഹസാരയുടെ നിരാഹാര സമരത്തിനു പിന്തുണ പ്രഖ്യാപിച്ച് രംഗത്ത് വന്നിരുന്നു.
-
വായിക്കുക: അഴിമതി, ഇന്ത്യ, ഇന്ത്യന് രാഷ്ട്രീയം
ന്യൂഡല്ഹി: അണ്ണാ ഹസാരെ നടത്തുന്ന അഴിമതിവിരുദ്ധ പോരാട്ടം അതി ദേശീയവാദമാണെന്ന് ബുക്കര് പ്രൈസ് ജേതാവും സാമൂഹികപ്രവര്ത്തകയും എഴുത്തുകാരിയുമായ അരുന്ധതി റോയി പറഞ്ഞു . ഒരു ഇംഗ്ലീഷ് പത്രത്തില് പ്രസിദ്ധീകരിച്ച ലേഖനത്തിലൂടെ അരുന്ധതി ഹസാരെയേ രൂക്ഷമായി വിമര്ശിച്ചത്. സ്വന്തം സംസ്ഥാനമായ മഹാരാഷ്ട്രയില് പെരുകുന്ന കര്ഷക ആത്മഹത്യകള്ക്കെതിരേ ഹസാരെ നിശബ്ദത പാലിക്കുകയാണെന്നും അരുന്ധതി കുറ്റപ്പെടുത്തി. ഹസാരെയുടെ സമരരീതിയും സത്തയും തെറ്റാണെന്നു ലേഖനത്തില് അരുന്ധതി കുറ്റപ്പെടുത്തി. മഹാത്മാഗാന്ധിയുടെ പാത പിന്തുടര്ന്ന് അണ്ണാ ഹസാരെ സ്വീകരിച്ച നിരാഹാര സമരത്തെയും മറ്റു മാര്ഗങ്ങളെയും അരുന്ധതി ചോദ്യംചെയ്തു. ഗാന്ധിയനെന്ന് അവകാശപ്പെടുന്നുണ്ടെങ്കിലും അണ്ണാ ഹസാരെയുടെ അധികാരത്തോടെയുള്ള ആവശ്യപ്പെടല് അതിനു യോജിക്കും വിധമല്ലെന്നും ലോക്പാല് ബില്ലിനെ ലക്ഷ്യംവച്ച് അരുന്ധതി പറഞ്ഞു. നിരാഹാരത്തെ പിന്തുണയ്ക്കാത്തവര് യഥാര്ഥ ഇന്ത്യക്കാരല്ലെന്നാണു സമരത്തിലൂടെ നല്കുന്ന തെറ്റായ സന്ദേശം, ഇത് ശരിയല്ല. അവര് കൂട്ടിച്ചേര്ത്തു
-
പട്ന: പ്രശസ്ത ചരിത്രകാരന് റാം ശരണ് ശര്മ (92) അന്തരിച്ചു. വാര്ദ്ധക്യ സഹജമായ അസുഖങ്ങളാല് ചികിത്സയിലായിരുന്നു, പട്നയിലെ സ്വകാര്യ ആസ്പത്രിയില് വെച്ച് ശനിയാഴ്ച രാത്രിയായിരുന്നു അന്ത്യം. ഇന്ത്യന് കൗണ്സില് ഓഫ് ഹിസ്റ്റോറിക്കല് റിസര്ച്ചിന്റെ സ്ഥാപക ചെയര്മാനായ ശര്മ പട്ന, ഡല്ഹി, ടൊറാന്റോ, ലണ്ടന് സര്വ്വകലാശാലകളില് അധ്യാപകനായിരുന്നു. യു.ജി.സി ഫെലോ, ഇന്ത്യന് ഹിസ്റ്ററി കോണ്ഗ്രസ് പ്രസിഡന്റ് എന്നീ നിലകളിലും പ്രവര്ത്തിച്ചിട്ടുണ്ട്. 115 പുസ്തകങ്ങള് എഴുതിയിട്ടുള്ള അദ്ദേഹത്തിന്റെ കൃതികള് 15 ഭാഷകളിലേക്ക് വിവര്ത്തനം ചെയ്യപ്പെട്ടിട്ടുണ്ട്. പുരാതന,മധ്യകാല ഇന്ത്യാ ചരിത്രമായിരുന്നു ശര്മയുടെ പ്രധാന മേഖല. ആസ്പക്റ്റ്സ് ഓഫ് പൊളിറ്റിക്കല് ഐഡിയാസ് ആന്ഡ് ഇന്സ്റ്റിറ്റ്യൂഷന്സ് ഇന് ആന്ഷ്യന്റ് ഇന്ത്യ, ശൂദ്രാസ് ഇന് ആന്ഷ്യന്റ് ഇന്ത്യ, ഇന്ത്യാസ് ആന്ഷ്യന്റ് പാസ്റ്റ്, ലുക്കിംഗ് ഫോര് ദ ആര്യന്സ്, ഇന്ത്യന് ഫ്യൂഡലിസം, ഏര്ലി മിഡീവിയല് ഇന്ത്യന് സൊസൈറ്റി തുടങ്ങിയവയാണ് അദ്ദേഹത്തിന്റെ ചില പ്രധാന കൃതികള്. ഡല്ഹി ജാമിയ മില്ലിയ സര്വ്വകലാശാലയിലെ ചരിത്ര അധ്യാപകന് ഡോ.ഗ്യാന് പ്രകാശ് ശര്മ മകനാണ്
- ഫൈസല് ബാവ
വായിക്കുക: ഇന്ത്യ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
