ന്യൂഡല്‍ഹി: ആഗസ്റ്റ്‌ ഏഴിന് നടക്കുന്ന ഉപരാഷ്ട്രപതി തെരഞ്ഞെടുപ്പിലേക്ക് യു. പി. എ. സ്ഥാനാര്ഥിയായി ഹമീദ് അന്‍സാരി നാമനിര്‍ദേശ പത്രിക സമര്‍പ്പിച്ചു. അന്‍സാരി നാല് സെറ്റ് പത്രിക റിട്ടേണിങ് ഓഫീസറായ ലോക്‌സഭാ സെക്രട്ടറി ജനറല്‍ ടി. കെ. വിശ്വനാഥന്റെ മുമ്പാകെ സമര്‍പ്പിച്ചു.
പ്രധാനമന്ത്രി മന്‍മോഹന്‍ സിങ്, കോണ്‍ഗ്രസ് പ്രസിഡന്റ് സോണിയാ ഗാന്ധി, പ്രതിരോധമന്ത്രി എ.കെ.ആന്റണി, രാഹുല്‍ ഗാന്ധി, മുലായം സിങ് യാദവ്, ലാലുപ്രസാദ് യാദവ്, ടി.ആര്‍. .ബാലു എന്നിവര്‍ക്കൊപ്പമാണ് ഹമീദ് അന്‍സാരി പത്രിക സമര്‍പ്പിക്കാന്‍ എത്തിയത്. ജസ്വന്ത് സിങ് ആണ് എന്‍… . ഡി. എയുടെ ഉപരാഷ്ട്രപതി സ്ഥാനാര്ഥി.
ഡല്‍ഹി: രാഷ്ട്രപതി സ്ഥാനത്തേക്കുളള തെരഞ്ഞെടുപ്പില്‍ ബി. ജെ. പി സാങ്മയെ പിന്തുണക്കാന്‍ തീരുമാനിച്ചു. പിന്തുണ മല്‍സരത്തില്‍ നിന്നും പിന്മാറാന്‍ ആവശ്യപെട്ട് എന്‍. സി. പി. രംഗത്ത് വന്നിരുന്നു. എന്നാല്‍ എന്‍. സി. പിയില്‍ നിന്നും രാജിവെച്ച് രാഷ്ട്രപതി സ്ഥാനാര്ഥിയായി മത്സരിക്കാന്‍ തന്നെയായിരുന്നു സാങ്മയുടെ തീരുമാനം. എന്‍. ഡി. എയില്‍ സമവായം ഉണ്ടാകാത്തതാണ് സാങ്മയെ ബി. ജെ. പിക്ക് പിന്തുണക്കേണ്ടി വന്നത്. ഇന്നലെ ചേര്‍ന്ന ബി. ജെ. പി. നേതൃയോഗത്തിലാണ് ഇത് സംബന്ധിച്ച് തീരുമാനമായതെന്ന് ലോക്സഭ പ്രതിപക്ഷ നേതാവ് സുഷമ സ്വരാജ് വാര്‍ത്താ ലേഖകരോട് വ്യക്തമാക്കി. എന്നാല്‍ എന്‍. ഡി. എ. സഖ്യകക്ഷികളായ ശിവസേന ജെ. ഡി. യു കക്ഷികള്‍ പിന്തുണക്കില്ലെന്നാണ് സൂചന
