 |
 |
 |
 |
 |
 |
 |
 |
 |
 |
 |
 |
 |
 |
ബംഗളൂരു : ബി. ജെ. പി. നേതാവ് ഡി. വി. സദാനന്ദ ഗൌഡ കർണ്ണാടക മുഖ്യമന്ത്രി സ്ഥാനം രാജി വെച്ചു. ലിംഗായത്ത് നേതാവും ബി. എസ്. യെദ്യൂരപ്പയുടെ അനുഭാവിയുമായ ജഗദീഷ് ഷെട്ടാർ മുഖ്യമന്ത്രി സ്ഥാനം ഏറ്റെടുക്കും. ഇന്ന് രാവിലെ തലസ്ഥാനത്ത് നടന്ന പാർട്ടി യോഗത്തിന് ശേഷം ബി. ജെ. പി. അദ്ധ്യക്ഷൻ നിതിൻ ഗട്കരി ഈ കാര്യം പ്രഖ്യാപിച്ചു. പാർട്ടിയുടെ താൽപര്യം കണക്കിലെടുത്താണ് ഈ തീരുമാനം. രാജി പാർട്ടി സ്വീകരിച്ചു. ജഗദീഷ് ഷെട്ടാർ പുതിയ മുഖ്യമന്ത്രിയായി സ്ഥാനം ഏൽക്കും എന്നാണ് പാർട്ടി തീരുമാനം എന്നും അദ്ദേഹം പറഞ്ഞു.
- ജെ.എസ്.
വായിക്കുക: ഇന്ത്യന് രാഷ്ട്രീയ നേതാക്കള്, കർണ്ണാടക
മുംബൈ: ഇറ്റലിക്കാരിയായ സോണിയാ ഗാന്ധി പ്രധാനമന്ത്രി ആകുന്നതിനെ എതിര്ത്തില്ലെന്ന് പറഞ്ഞ മുന് രാഷ്ട്രപതി എ. പി. ജെ. അബ്ദുള് കലാമിനെ രൂക്ഷമായ ഭാഷയില് വിമര്ശിച്ച് ശിവസേന തലവന് ബാല് താക്കറെ രംഗത്ത് വന്നു . കലാം തികഞ്ഞ കാപട്യക്കാരനെന്ന രൂക്ഷ വിമര്ശനമാണ് താക്കറെ നടത്തിയത്. ‘ടേണിംഗ് പോയിന്റ്സ്’ എന്ന തന്റെ പുതിയ പുസ്തകത്തിൽ 2004-ലെ തെരഞ്ഞെടുപ്പിന് ശേഷം സോണിയാ ഗാന്ധി പ്രധാനമന്ത്രി ആകുന്നതിനോട് തനിക്ക് എതിര്പ്പുണ്ടായിരുന്നില്ല എന്ന് ആ കാലയളവില് രാഷ്ട്രപതി ആയിരുന്ന കലാം നടത്തിയ വെളിപ്പെടുത്തലിന്റെ പശ്ചാത്തലത്തിലാണ് താക്കറെയുടെ രൂക്ഷ വിമര്ശനം. വര്ഷങ്ങള്ക്ക് ശേഷമുള്ള ഈ വെളിപ്പെടുത്തല് കലാമിനെ ഒരു പരിഹാസ കഥാപാത്രമാക്കി മാറ്റിയെന്നു താക്കറെ പറഞ്ഞു. ഇറ്റലിക്കാരിയായ സോണിയാ ഗാന്ധി പ്രധാനമന്ത്രി ആകുന്നതിനെ എതിര്ത്തില്ല എന്നത് അപമാനമാണെന്നും താക്കറെ കുറ്റപ്പെടുത്തി
- ലിജി അരുണ്
വായിക്കുക: ഇന്ത്യന് രാഷ്ട്രീയ നേതാക്കള്, വിവാദം
ന്യൂഡൽഹി : അഴിമതി കേസില് പ്രത്യേക കോടതി കുറ്റം ചുമത്തിയതിനെ തുടര്ന്ന് കേന്ദ്ര ചെറുകിട വ്യവസായ മന്ത്രി വീരഭദ്ര സിങ്ങ് രാജി വെച്ചു. കോണ്ഗ്രസ്സിന്റെ മുതിര്ന്ന നേതാവായ സിങ്ങ് 1989-ല് ഹിമാചല് പ്രദേശ് മുഖ്യമന്ത്രി ആയിരിക്കെയാണ് കേസിനാസ്പദമായ സംഭവം നടന്നത്. കേസില് സിങ്ങിന്റെ ഭാര്യയും പ്രതിയാണ്. മൊഹീന്ദര് ലാല് എന്ന ഐ. എസ്. എസ്. ഉദ്യോഗസ്ഥനുമായും ചില വ്യവസായികളുമായും വീരഭദ്ര സിങ്ങ് നടത്തിയ സംഭാഷണത്തിന്റെ ശബ്ദ രേഖ പുറത്തു വന്നിരുന്നു. ഇത് കേസില് നിര്ണ്ണായക തെളിവായി മാറി.
2010-ല് ആണ് അഴിമതിക്കേസില് സിങ്ങിനെതിരെ കുറ്റപത്രം സമര്പ്പിക്കപ്പെട്ടത്. ഇത് റദ്ദാക്കണമെന്നും കേസ് സി. ബി. ഐ. ക്ക് വിടണമെന്നുമുള്ള സിങ്ങിന്റെ ആവശ്യം ഹൈക്കോടതിയുടെ പരിഗണയിലാണ്. അഞ്ചു തവണ ഹിമാചല് പ്രദേശില് മുഖ്യമന്ത്രിയായിരുന്നു വീരഭദ്ര സിങ്ങ്. യു. പി. എ. സര്ക്കാരില് നിന്നും അഴിമതിയുമായി ബന്ധപ്പെട്ട് രാജി വെയ്ക്കുന്ന മൂന്നാമത്തെ മന്ത്രിയാണ് സിങ്ങ്. 2ജി സ്പെക്ട്രം അഴിമതിക്കേസില് എ. രാജയും, ദയാനിധി മാരനും നേരത്തെ രാജി വെച്ചിരുന്നു.
- എസ്. കുമാര്
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്
ന്യൂ
ഡല്ഹി: രാഷ്ട്രപതി സ്ഥാനത്തേക്കുളള തെരഞ്ഞെടുപ്പില് ബി. ജെ. പി സാങ്മയെ പിന്തുണക്കാന് തീരുമാനിച്ചു. പിന്തുണ മല്സരത്തില് നിന്നും പിന്മാറാന് ആവശ്യപെട്ട് എന്. സി. പി. രംഗത്ത് വന്നിരുന്നു. എന്നാല് എന്. സി. പിയില് നിന്നും രാജിവെച്ച് രാഷ്ട്രപതി സ്ഥാനാര്ഥിയായി മത്സരിക്കാന് തന്നെയായിരുന്നു സാങ്മയുടെ തീരുമാനം. എന്. ഡി. എയില് സമവായം ഉണ്ടാകാത്തതാണ് സാങ്മയെ ബി. ജെ. പിക്ക് പിന്തുണക്കേണ്ടി വന്നത്. ഇന്നലെ ചേര്ന്ന ബി. ജെ. പി. നേതൃയോഗത്തിലാണ് ഇത് സംബന്ധിച്ച് തീരുമാനമായതെന്ന് ലോക്സഭ പ്രതിപക്ഷ നേതാവ് സുഷമ സ്വരാജ് വാര്ത്താ ലേഖകരോട് വ്യക്തമാക്കി. എന്നാല് എന്. ഡി. എ. സഖ്യകക്ഷികളായ ശിവസേന ജെ. ഡി. യു കക്ഷികള് പിന്തുണക്കില്ലെന്നാണ് സൂചന
- ന്യൂസ് ഡെസ്ക്
വായിക്കുക: ഇന്ത്യ, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
ന്യൂഡല്ഹി : മതേതര പ്രതിച്ഛായയുള്ള ആളാകണം എന്. ഡി. എയുടെ പ്രധാനമന്ത്രി സ്ഥാനാര്ഥിയെന്ന ജെ. ഡി. യു. നേതാവും ബിഹാര് മുഖ്യമന്ത്രിയുമായ നിതീഷ് കുമാറിന്റെ പ്രസ്താവന എന്. ഡി. എ. യില് പുതിയ കലഹത്തിലേക്കും പരസ്പരം പഴിചാരുന്നതിലേക്കും എത്തി നില്ക്കുന്നു. ഗുജറാത്ത് മുഖ്യമന്ത്രി നരേന്ദ്ര മോഡിയെ പ്രധാനമന്ത്രി സ്ഥാനാര്ഥിയായി ഉയര്ത്തിക്കാട്ടുന്നതിനെച്ചൊല്ലി നിധീഷ് കുമാര് നടത്തിയ പ്രസ്താവനയാണ് ബി. ജെ. പിയും സഖ്യകക്ഷിയായ ജെ. ഡി. യു. വൂം തമ്മില് രൂക്ഷമായ അഭിപ്രായ വ്യതാസത്തില് എത്തി നില്ക്കുന്നത്. മോഡിയെ പിന്തുണച്ചു കൊണ്ട് ആര്. എസ്. എസ്. രംഗത്ത് വരുകയും അടുത്ത ഇന്ത്യന് പ്രധാനമന്ത്രി ഹിന്ദുവായിരിക്കണം എന്ന തീവ്ര ഹിന്ദുത്വ നിലപാട് സ്വീകരിക്കുകയും ചെയ്തതോടെ കാര്യങ്ങള് കൂടുതല് വഷളായി. മോഡിയെ ഉയര്ത്തിക്കാട്ടിയാല് എന്. ഡി. എ സഖ്യം വിടുമെന്ന സൂചന നല്കി ജെ. ഡി. യു. നേതാവ് ശിവാനന്ദ് തിവാരി രംഗത്തെത്തിയതു. ഗുജറാത്ത് കലാപത്തിനു ശേഷം മോഡിയെ പുറത്താക്കാന് അന്നു പ്രധാനമന്ത്രിയായിരുന്ന എ. ബി. വാജ്പേയി ആഗ്രഹിച്ചിരുന്നുവെന്നു വെളിപ്പെടുത്തി നിതീഷ് കുമാര് പറഞ്ഞതോടെ ഇരു കക്ഷികളും കൂടുതല് അകന്നു.
- ന്യൂസ് ഡെസ്ക്
വായിക്കുക: ഇന്ത്യ, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, തീവ്രവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
