കൊച്ചി : സംസ്ഥാനത്തെ കെ. എസ്. ആര്. ടി. സി ബസ്സുകള് പ്രകൃതിവാതകത്തില് ഓടിക്കാന് ശ്രമം തുടങ്ങി. രണ്ടായിരം കോടി രൂപ ചെലവില് സംസ്ഥാനത്ത് പ്രകൃതിവാതക വിതരണത്തിനായി നടപ്പാക്കുന്ന പദ്ധതിയുടെ ഭാഗമായാണ് ബസ്സുകള് പ്രകൃതിവാതകത്തിലേക്ക് മാറുന്നത്. കെ. എസ്. ആര്. ടി. സി യുടെ സാമ്പത്തിക നില മെച്ചപ്പെടുത്താനും പരിസ്ഥിതിക്ക് കൂടുതല് ദോഷകരമായി ബാധിക്കാതിരിക്കനുമാണ് പ്രകൃതി വാതകം ഉപയോഗിക്കാന് തീരുമാനിച്ചത് എന്ന് കെ. എസ്. ആര്. ടി. സി അധികൃതര് പറഞ്ഞു. കേരളസംസ്ഥാന വ്യവസായ വിതരണ കോര്പ്പറേഷന് നോയിഡയിലെ ഗെയിലുമായി ചേര്ന്ന് രൂപവത്ക്കരിച്ച കേരള ഗെയില് ഗാസ് ലിമിറ്റഡ് ആണ് പദ്ധതികള് നടപ്പിലാക്കുന്നത്. ഇതിന്റെ ഭാഗമായുള്ള സി. എന്. ജി സ്റ്റേഷനുകള് കൊച്ചിയില് പ്രവര്ത്തനമാരംഭിക്കും. നിലവില് കെ. എസ്. ആര്. ടി. സിക്ക് ആറായിരം ബസുകളാണ് ഉള്ളത് സി. എന്. ജിയിലേക്ക് മാറുന്നതിലൂടെ ഇന്ധന ഇനത്തില് ഏറെ സാമ്പത്തിക ലാഭം ഉണ്ടാകും
-
അനുബന്ധ വാര്ത്തകള്
വായിക്കുക: പരിസ്ഥിതി, സാമ്പത്തികം
