 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : കീടനാശിനി വ്യവസായം സ്റ്റോക്ക്‌ഹോം കണ്‍വെന്ഷനില്‍ പങ്കെടുക്കുന്ന ഇന്ത്യന്‍ പ്രതിനിധികളെ സ്വാധീനിക്കുന്നതായി കേരളത്തില്‍ നിന്നുമുള്ള സ്വതന്ത്ര നിരീക്ഷകനായി പങ്കെടുക്കുന്ന ഡോ. മൊഹമ്മദ്‌ അഷീല്‍ അറിയിച്ചു. ആരോഗ്യ മന്ത്രി പി. കെ. ശ്രീമതിയ്ക്ക് അയച്ച സന്ദേശത്തിലാണ് ഇന്ത്യന്‍ പ്രതിനിധികള്‍ കീടനാശിനി വ്യവസായികളുടെ പ്രതിനിധികളായി സമ്മേളനത്തില്‍ പങ്കെടുക്കുന്ന നിരീക്ഷകരുടെ ആജ്ഞാനുവര്‍ത്തികളായാണ് പെരുമാറുന്നത് എന്ന് അദ്ദേഹം വ്യക്തമാക്കിയത്‌.
- ജെ.എസ്.
വായിക്കുക: അഴിമതി, എതിര്‍പ്പുകള്‍, പരിസ്ഥിതി
തിരുവനന്തപുരം: പരിസ്ഥിതി പ്രവര്‍ത്തകര്‍ക്കും എന്‍ഡോസല്‍ഫാന്‍ ഇരകള്‍ക്കും സമരാവേശം വര്‍ദ്ധിപ്പിക്കാന്‍ മുഖ്യമന്ത്രിയുടെ നിരാഹാര സമരത്തിനായി. സൈലന്റ്വാലി സമരത്തിനു ശേഷം ആദ്യമായാണ് ഒരു പാരിസ്ഥിതിക വിഷയത്തില്‍ ഇത്ര വിപുലമായ ഒരു സമരം കേരളമൊട്ടുക്കും ഏറ്റെടുക്കുന്നത്. സ്റ്റോക്ക് ഹോമില്‍ ലോക പരിസ്ഥിതി സമ്മേളനം നടക്കുമ്പോള്‍ ഇവിടെ മുഖ്യമന്ത്രി വി. എസ്. അച്യുതാനന്ദന്റെ നേതൃത്വത്തില്‍ തിരുവനന്തപുരത്ത് രക്തസാക്ഷി മണ്ഡപത്തിനു മുന്നില്‍ എട്ടു മണിക്കൂര്‍ നീണ്ട ഉപവാസത്തിനു ശേഷവും തളരാത്ത ആവേശവുമായി എന്ഡോസള്ഫാന് നിരോധിക്കുന്നതിനായി ഇനിയും സമര മുഖത്ത് ശക്തിയോടെ തന്നെ നിലനില്‍ക്കുമെന്ന് പ്രഖ്യാപിച്ചപ്പോള്‍ കേരളമാകെ എന്ഡോസള്ഫാന് നിരോധിക്കണമെന്ന ആവശ്യമുന്നയിച്ചു കൊണ്ട് വിവിധ സംഘടനകള്‍ ഉപവാസത്തിനു പിന്തുണ നല്‍കി. ഏപ്രില്‍ 25നു കേരളമൊട്ടുക്കും എന്ഡോസള്ഫാന് വിരുദ്ധ ദിനമായി ആചരിക്കുമെന്നു എന്ഡോസള്ഫാന് എന്ന കീടനാശിനി നിരോധിക്കാന്‍ തയ്യാറാകാത്ത കേന്ദ്രസര്‍ക്കാരിന്റെ നടപടി അത്യന്തം ക്രൂരവും നിന്ദ്യവുമാണെന്നും ഇക്കാര്യത്തില്‍ കേരളത്തിന്റെ ശക്തമായ പ്രധിഷേധിക്കുന്നു എന്നും മുഖ്യമന്ത്രി പറഞ്ഞു. ഉപവാസ സമരത്തില്‍ നിന്നും യു. ഡി. എഫ്. വിട്ടുനിന്നപ്പോള്‍ ബി. ജെ. പി. യടക്കം മുഖ്യമന്ത്രിയുടെ ഉപവാസത്തിനു പിന്തുണ നല്‍കിയത് ശ്രദ്ധേയമായി.
- ലിജി അരുണ്‍
വായിക്കുക: പരിസ്ഥിതി, മനുഷ്യാവകാശം, സാമൂഹ്യ പ്രവര്‍ത്തനം
കൊച്ചി: ശബരിമലയിലെ മകര വിളക്ക് മനുഷ്യ നിര്‍മ്മിതമാണെന്ന് ദേവസ്വം ബോര്‍ഡ് ഹൈക്കോടതിയില്‍ സത്യവാങ്മൂലം നല്‍കി. പൊന്നമ്പല മേട്ടില്‍ കാലങ്ങളായി ആദിവാസികള്‍ നടത്തുന്ന ദീപാ‍രാധന യാണിതെന്നും മകര ജ്യോതിയെന്നത് ആകാശത്ത് ഉദിക്കുന്ന നക്ഷത്രമാണെന്നും ദേവസ്വം ബോര്‍ഡിന്റെ സത്യവാങ്ങ് മൂലത്തില്‍ പറയുന്നു. എന്നാല്‍ ദീപം തെളിക്കുന്നത് ആരാധനയെ ബാധിക്കുമെന്നതിനാല്‍ വനം വകുപ്പിന്റേയും കെ. എസ്. ഈ.ബി. യുടെയും സഹകരണം തേടുമെന്നും ഇതില്‍ പറയുന്നുണ്ട്.
- ലിജി അരുണ്‍
വായിക്കുക: അപകടം, കേരള ഹൈക്കോടതി, ദുരന്തം, വിവാദം
തിരുവനന്തപുരം: എന്ഡോസള്ഫാന് നിരോധിക്കണമെന്ന് ആവശ്യപ്പെട്ട് മുഖ്യമന്ത്രി വി. എസ്. അച്യുതാനന്ദന്റെ നേതൃത്വത്തില്‍ തിരുവനന്തപുരത്ത് രക്തസാക്ഷി മണ്ഡപത്തിനു മുമ്പില്‍ ഉപവാസ സമരം രാവിലെ ആരംഭിച്ചു. രാഷ്ടീയ സാമൂഹിക സാംസ്കാരിക രംഗങ്ങളില്‍ നിന്നുള്ളവരടക്കം ഉള്ള വലിയ ഒരു സംഘമാണ് ഉപവാസത്തില്‍ സംബന്ധിക്കുന്നത്. കീടനാശിനി ക്കമ്പനിക്ക് അനുകൂലമായ കേന്ദ്ര നിലപാട് ജനങ്ങളോടുള്ള വെല്ലുവിളി യാണെന്നും എന്ഡോസള്ഫാന് നിരോധിക്കുവാന്‍ എല്ലാ സംസ്ഥാനങ്ങളും ആവശ്യപ്പെട്ടാ‍ലേ നടപടിയെടുക്കൂ എന്ന നിലപാട് തിരുത്തുവാന്‍ കേന്ദ്രം തയ്യാറാകണമെന്നും ഉപവാസം ഉല്‍ഘാടനം ചെയ്തു കൊണ്ട് മുഖ്യമന്ത്രി വി. എസ്. അച്യുതാനന്ദന്‍ പറഞ്ഞു. എന്ഡോസള്ഫാന് എതിരെ എല്ലാവരും ഒരുമിച്ച് രംഗത്തിറങ്ങണമെന്നും നിലപാട് പരസ്യമാക്കുവാന്‍ ചിലര്‍ മടി കാണിക്കുന്നത് ഖേദകരമാണെന്ന് ബി. ജെ. പി. നേതാവും മുന്‍ കേന്ദ്ര മന്ത്രിയുമായ ഓ. രാജഗോപാല്‍ പറഞ്ഞു. എന്ഡോസള്ഫാന് നിരോധനം ദുരിതമനുഭവിക്കുന്ന ആയിരക്കണക്കിനു ആളുകളുടെ പൊതുവായ ആവശ്യമാണെന്നിരിക്കെ യു. ഡി. എഫ്. നേതാക്കള്‍ ഉപവാസത്തില്‍ നിന്നും വിട്ടു നിന്നത് പ്രതിഷേധത്തിനിടയാക്കി.
- ലിജി അരുണ്‍
തൃശൂര്‍ : കേരള സംഗീത നാടക അക്കാദമിയുടെ സഹകരണത്തോടെ നടക്കുന്ന രംഗ ചേതന നാടകോത്സവത്തില്‍ ഇന്നലെ ജി. ശങ്കര പിള്ളയുടെ “കറുത്ത ദൈവത്തെ തേടി” അരങ്ങേറി. അവതരണം രംഗ ചേതന, തൃശൂര്‍. പ്രേം കുമാര്‍, ആന്റോ കല്ലേരി, പ്രശാന്ത്‌, നിതിന്‍ തിമോത്തി, വിഷ്ണു പ്രസാദ്‌, ചന്ദ്രന്‍ മുക്കാട്ടുകര, റിന്റണ്‍ ആന്റണി, രജിത, സുനിത എന്നിവര്‍ അഭിനയിച്ചു.
- ജെ.എസ്.
വായിക്കുക: നാടകം
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
