തടിപിടിക്കുവാന് ആനയെ സ്വകാര്യ വ്യക്തിയുടെ പറമ്പില് തളച്ച് പാപ്പാന്മാര് സ്ഥലം കാലിയാക്കിയതോടെ ആനയുടെ പരിചരണം നാട്ടുകാര് ഏറ്റെടുത്തു. പത്തനം തിട്ട വലഞ്ചുഴി വ്യാഴിക്കടവിലാണ് സംഭവം. വെള്ളിയാഴ്ച വൈകുന്നേരത്തോടെ ആനയുടെ പാപ്പാന്മാര് മുങ്ങിയതിനെ തുടര്ന്ന് ഭക്ഷണം ലഭിക്കാതെ ആന അവശനായി. അടുത്തു ചെന്നാല് ആന ആക്രമിക്കുമോ എന്ന് ആദ്യം ആരും അടുത്ത് ചെന്നില്ല. എന്നാല് ആനയ്ക്ക് തളര്ച്ച കണ്ടതിനെ തുടര്ന്ന് നാട്ടുകാര് സംഘടിച്ച് പനമ്പട്ട നല്കി. ആനയുടെ മുന് കാലും പിന്നിലെ കാലും ബന്ധിച്ചിരുന്നു. ഉപദ്രവകാരിയല്ലെന്ന് ബോധ്യമായതിനെ തുടര്ന്ന് ചിലര് അടുത്തു ചെന്ന് ഒരു ചരുവത്തില് ആനയ്ക്ക് വെള്ളം വച്ചു കൊടുത്തു.
ആനയ്ക്കു ചുറ്റും ആളുകള് കൂടിയതോടെ ചിലര് സ്വയം പാപ്പന് സ്ഥാനം ഏറ്റെടുക്കുവാന് ശ്രമിച്ചു. എന്നാല് ഭക്ഷണവും വെള്ളവും അകത്തു ചെന്ന് അത്യാവശ്യം ഊര്ജ്ജം കൈവരിച്ച കൊമ്പന് അവരെ വിരട്ടിയോടിച്ചു. വൈകുന്നേരത്തോടെ ഉടമയെത്തി. ഉത്തരവാദിത്വം ഇല്ലാതെ ആനയെ ഉപേക്ഷിച്ചുപോയ പാപ്പാന്മാര്ക്കെതിരെ നടപടി എടുക്കണമെന്ന് നാട്ടുകാര് ഉടമയോട് ആവശ്യപ്പെട്ടു. ഒടുവില് വേണ്ട നടപടിയെടുക്കാം എന്ന ഉറപ്പിന്മേല് ഉടമ ആനയെ കൊണ്ടുപോയി.
പുല്പ്പള്ളി : കാട്ടാനക്കൂട്ടം നാട്ടിലിറങ്ങി കൃഷിയിടങ്ങള് നശിപ്പിക്കുന്നത് വയനാട്ടില് പതിവായി. കാട്ടാനകള് നാട്ടിലിറങ്ങുന്നത് നിയന്ത്രിക്കുവാനായി കാടിന്റെ അതിര്ത്തികളില് സ്ഥാപിച്ചിരുന്ന സോളാര് വേലികള് പൊളിഞ്ഞതും, കിടങ്ങുകള് പലയിടങ്ങളിലും മണ്ണു വീണ് നികന്നതും മൂലം ആനകള്ക്ക് നിഷ്പ്രയാസം കടന്നു വരാവുന്ന സ്ഥിതിയാണ്. പുല്പ്പള്ളി, നടവയല്, വടക്കനാട്, തൃശ്ശിലേരി തുടങ്ങി പലയിടങ്ങളിലും കാട്ടാന ശല്യം രൂക്ഷമാണ്.
തിരുവനന്തപുരം : കേരളാ കോണ്ഗ്രസ്സ് പി. സി. തോമസ് വിഭാഗത്തിലെ വി. സുരേന്ദ്രന് പിള്ളയ്ക്ക് മന്ത്രി സ്ഥാനം നല്കുവാന് ഇടതു മുന്നണി യോഗം തീരുമാനിച്ചു. മന്ത്രി സഭയില് തങ്ങള്ക്ക് പ്രാതിനിധ്യം നല്കണം എന്ന് ആവശ്യപ്പെട്ട് പി. സി. തോമസ് വിഭാഗം മുന്നണിക്ക് കത്തു നല്കിയിരുന്നു. നിലവില് പി. സി. തോമസ് വിഭാഗത്തിന്റെ ഏക എം. എല്. എ. ആണ് തിരുവനന്തപുരം വെസ്റ്റ് മണ്ഡലത്തെ പ്രതിനിധീകരിക്കുന്ന സുരേന്ദ്രന് പിള്ള. വകുപ്പും സത്യ പ്രതിജ്ഞാ തീയതിയും പിന്നീട് തീരുമാനിക്കും. തന്നെ മന്ത്രിയാക്കുവാന് ഉള്ള തീരുമാനത്തില് സന്തോഷമുണ്ടെന്നും ഇക്കാര്യത്തില് ഘടക കക്ഷികളോട് നന്ദിയുണ്ടെന്നും സുരേന്ദ്രന് പിള്ള അറിയിച്ചു.
