തിരുവനന്തപുരം : കഴിഞ്ഞ പതിനാലു വര്ഷമായി ഇടതു മുന്നണിയുമായി തുടരുന്ന ബന്ധം അവസാനിപ്പിക്കുവാന് ഇന്ത്യന് നാഷ്ണല് ലീഗ് തീരുമാനിച്ചു. ഇടതു മുന്നണിയില് അംഗമാക്കുവാന് അപേക്ഷ നല്കി ഏഴു വര്ഷമായി കാത്തിരി ക്കുകയാണെന്നും, അടുത്തിടെ വന്നവരെ പോലും മുന്നണിയില് സ്വീകരിച്ചിട്ടും തങ്ങളുടെ അപേക്ഷയില് അനുകൂല നിലപാട് സ്വീകരിക്കാത്തതില് പ്രതിഷേധിച്ചാണ് ഇത്തരം ഒരു തീരുമാനം ഐ. എന്. എല്. എടുത്തത് എന്നും നേതാക്കള് അറിയിച്ചു. ഇന്നലെ ചേര്ന്ന സംസ്ഥാന കൌണ്സിലില് എടുത്ത തീരുമാനം ഏക കണ്ഠമായിരുന്നു എന്നും നേതാക്കള് മാധ്യമങ്ങളെ അറിയിച്ചു.
ഇടതു ബന്ധം വിടുന്നതോടെ പാര്ട്ടിയ്ക്കു ലഭിച്ച ബോര്ഡ് മെംബര് സ്ഥാനങ്ങള് അംഗങ്ങള് രാജി വെക്കും എന്നും, ഒരു സാഹചര്യത്തിലും മറ്റൊരു പാര്ട്ടിയുമായും ലയനം ഇല്ലെന്നും നേതാക്കള് വ്യക്തമാക്കി. വരുന്ന തദ്ദേശ സ്വയംഭരണ സ്ഥാപന ങ്ങളിലേയ്ക്കുള്ള തിരഞ്ഞെടുപ്പില് പാര്ട്ടി യു. ഡി. എഫുമായി സഹകരിക്കും.
കോഴിക്കോട് : കേരള സംഗീത നാടക അക്കാദമിയുടെ 2009-ലെ മികച്ച പ്രൊഫഷണല് നാടകത്തിനുള്ള അവാര്ഡ് പ്രഖ്യാപിച്ചു. കോഴിക്കോട് സങ്കീര്ത്തനയുടെ തീപ്പൊട്ടന് ആണ് മികച്ച നാടകം. സംവിധായകന് രാജീവന് മാമ്പിള്ളി, രചന പി. സി. ജോര്ജ്ജ് കട്ടപ്പന, മികച്ച നടന് ശ്രീധരന് നീലേശ്വരം, നടി ബിന്ദു സുരേഷ്. പ്രൊ. ജി. ബാലകൃഷ്ണന് ചെയര്മാന് ആയിട്ടുള്ള ജൂറിയാണ് വിജയികളെ തിരഞ്ഞെടുത്തത്.
ഗുരുവായൂര് : പ്രശസ്ത സാഹിത്യകാരന് കോവിലന് അന്തരിച്ചു. 87 വയസ്സായിരുന്നു. രാവിലെ മൂന്ന് മണി യ്ക്കായിരുന്നു അന്ത്യം. കുന്നംകുളത്തെ ഒരു സ്വകാര്യ ആശുപത്രിയില് ഒരാഴ്ചയായി ശ്വാസ തടസ്സത്തെ ത്തുടര്ന്ന് ചികിത്സ യിലായിരുന്നു.
