 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : കേരളത്തിൽ ഉടനീളം അർബുദ രോഗികൾക്ക് ചികിത്സാ ആവശ്യങ്ങൾക്കായി കെ. എസ്. ആർ. ടി. സി ബസ്സുകളിൽ യാത്രാ സൗജന്യം അനുവദിക്കും എന്ന് ഗതാഗത വകുപ്പ് മന്ത്രി കെ. ബി. ഗണേഷ് കുമാർ നിയമ സഭയിൽ അറിയിച്ചു. സൂപ്പർ ഫാസ്റ്റ് മുതൽ ഓർഡിനറി വരെയുള്ള എല്ലാ വിഭാഗം ബസ്സുകളിലും സൗജന്യ യാത്ര സാധ്യമാക്കും.
റേഡിയേഷൻ, കീമോ തുടങ്ങി അർബുദം സംബന്ധമായ ഏത് ആവശ്യത്തിനും പദ്ധതി ഉപയോഗപ്പെടുത്താം. സ്വകാര്യ ആശുപത്രികളിൽ ചികിത്സക്ക് എത്തുവന്നവർക്കും പദ്ധതി സഹായകരമാണ്.
- pma
വായിക്കുക: bus, ആരോഗ്യം, കേരള രാഷ്ട്രീയ നേതാക്കള്, ഗതാഗതം, മനുഷ്യാവകാശം, വൈദ്യശാസ്ത്രം, സാമൂഹ്യക്ഷേമം, സാമ്പത്തികം
കൊച്ചി : വീണ്ടും കുതിച്ചുയർന്നു സ്വർണ്ണ വില. 2025 ഒക്ടോബർ 8 ബുധനാഴ്ച മാത്രം 840 രൂപ വർദ്ധിച്ച് പവൻ വില 90,320 രൂപയായി ഉയർന്നു. ഒരു ഗ്രാം സ്വർണ്ണത്തിനു 105 രൂപ വര്ദ്ധിച്ച് 11,290 രൂപയുമായി. അന്താരാഷ്ട്ര സ്വര്ണ്ണ വില 4000 ഡോളർ കടന്നു.
രാജ്യാന്തര വിപണിയില് സ്പോട് ഗോള്ഡ് വില ട്രോയ് ഔണ്സിന് 4,020 ഡോളറായി. ഈ വര്ഷം ആദ്യം 2,500 ഡോളർ ആയിരുന്നു. അമേരിക്കയിലെ സാമ്പത്തിക പ്രതിസന്ധി മൂലമാണ് സ്വർണ്ണ വില കുതിച്ചുയരാൻ കാരണം എന്ന് സാമ്പത്തിക വിദഗ്ദർ വിലയിരുത്തുന്നു.
- pma
വായിക്കുക: gold-price, സാമൂഹികം, സാമ്പത്തികം, സ്ത്രീ
തിരുവനന്തപുരം : രണ്ടു വയസ്സിനു താഴെയുള്ള കുഞ്ഞുങ്ങൾക്ക് ചുമ മരുന്നുകൾ നൽകുന്നതിൽ രക്ഷിതാക്കളും ആരോഗ്യ പ്രവർത്തകരും കൂടുതൽ ജാഗ്രത പുലർത്തണം എന്ന് ഇന്ത്യൻ അക്കാദമി ഓഫ് പീഡിയാട്രിക്സ് കേരള (ഐ. എ. പി) അറിയിച്ചു. ഈ പ്രായത്തിലുള്ള കുഞ്ഞുങ്ങളിലെ മിക്ക ചുമ രോഗ ങ്ങളും മരുന്നു ഇല്ലാതെ തന്നെ സ്വയം ഭേദമാകുന്നവയാണ്.
അതിനാൽ ഈ പ്രായത്തിലുള്ള കുട്ടികൾക്ക് ചുമ മരുന്നുകളുടെ പതിവായ ഉപയോഗം അനാവശ്യവും സുരക്ഷിതം അല്ലാത്തതും എന്നുള്ള കാര്യം രക്ഷിതാക്കളുടെ ശ്രദ്ധയിൽ ഉണ്ടാവണം എന്നും അധികൃതർ ഓർമ്മിപ്പിച്ചു.
ചുമ മരുന്നിനേക്കാൾ നല്ലത്, ആവശ്യത്തിന് വെള്ളം കുടിക്കുക (Adequate Hydration), നല്ലതു പോലെ വിശ്രമം, മൂക്കിൽ ഒഴിക്കുന്ന സലൈൻ തുള്ളിമരുന്നുകൾ (Saline Nasal Drops) ഉപയോഗിക്കുക.
വലിയ കുട്ടികൾക്ക് നൽകുന്ന മരുന്നുകൾ പോലും കൃത്യമായ അളവിൽ, കുറഞ്ഞ ദിവസത്തേക്ക് മാത്രമേ കൊടുക്കുവാൻ പാടുള്ളൂ.
സ്വയം ചികിത്സ ഒഴിവാക്കുക, സുരക്ഷിതവും ഫല പ്രദവുമായ ചികിത്സ ലഭ്യമാക്കുവാൻ പീഡിയാട്രിക് കൺസൾട്ടേഷൻ തേടാനും ഐ. എ. പി. നിർദ്ദേശിച്ചു.
- pma
വായിക്കുക: e-health, ആരോഗ്യം, കുട്ടികള്, പ്രതിരോധം, വിവാദം, വൈദ്യശാസ്ത്രം, സാമൂഹികം
തൃശൂർ : ഗുരുവായൂർ നിയോജക മണ്ഡലത്തിലെ തീര പ്രദേശത്ത് താമസിക്കുന്ന അറുന്നൂറിലധികം തീര ദേശ നിവാസികൾക്ക് പട്ടയം അനുവദിക്കുന്ന നടപടി 2025 ഡിസംബർ മാസത്തോടെ പൂർത്തീകരിക്കാൻ ജില്ലാ റവന്യു അസംബ്ലിയിൽ തീരുമാനിച്ചു എന്നു എൻ. കെ. അക്ബർ എം. എൽ. എ. അറിയിച്ചു.
ചാവക്കാട് നഗരസഭ, കടപ്പുറം, പുന്നയൂര്, പുന്നയൂര് ക്കുളം പഞ്ചായത്തുകളിലെ കടല് പുറമ്പോക്ക്, അണ് സര്വ്വേ ലാന്റ് എന്നിവയില് താമസിക്കുന്ന 600 ഓളം പേര്ക്ക് പട്ടയം അനുവദിക്കുന്നതിന് 2024 ഒക്ടോബര് മാസത്തില് കൂടിയ നിയമസഭാ സമ്മേളനത്തില് എന്. കെ. അക്ബര് എം. എല്. എ. ആവശ്യപ്പെട്ടിരുന്നു.
അതിന്റെ അടിസ്ഥാനത്തിലാണ് മണ്ഡലത്തിലെ ചാവക്കാട് താലൂക്ക് പരിധിയില് വരുന്ന കടപ്പുറം, മണത്തല, പുന്നയൂര്, പുന്നയൂര് ക്കുളം വില്ലേജുകളിലെ അണ് സര്വ്വേഡ് കടല് പുറമ്പോക്ക് 1961 ലെ സര്വ്വേ ആന്റ് ബൌണ്ടറീസ് ആക്ട് പ്രകാരം സര്വ്വേ ചെയ്യുന്ന തിനായി കരട് വിഞ്ജാപനം തയ്യാറാക്കുന്നതിന് ജില്ലാ കളക്ടര് നടപടി സ്വീകരിച്ചത്. ഈ വില്ലേജുകളിലെ ഹൈ ടൈഡ് ലൈന് നിശ്ചയിക്കുവാൻ ചീഫ് ഹൈഡ്രോ ഗ്രാഫര്ക്ക് 2,31,835 രൂപ ജില്ലാ കളക്ടര് അനുവദിച്ചു. സര്വ്വേ നടത്തി ഹൈ ടൈഡ് ലൈന് നിജപ്പെടുത്തിയാൽ വിജ്ഞാപനം പുറപ്പെടുവിച്ച് കൈവശക്കാരില് നിന്നും പട്ടയ അപേക്ഷ വാങ്ങി പട്ടയം അനുവദിക്കും.
ഈ നടപടി ക്രമങ്ങള് ഡിസംബര് മാസത്തോടെ പൂര്ത്തിയാക്കി പട്ടയം ലഭ്യമാക്കുന്നതിന്, കഴിഞ്ഞ ദിവസം തിരുവനന്ത പുരത്ത് നടന്ന ജില്ല റവന്യൂ അസംബ്ലിയില് തീരുമാനമായതായി എം. എൽ. എ. അറിയിച്ചു. P R D
- pma
വായിക്കുക: chavakkad-guruvayoor, kerala-government-, പരിസ്ഥിതി, മനുഷ്യാവകാശം, സാമൂഹികം, സാമൂഹ്യക്ഷേമം
കൊച്ചി : സ്വർണ്ണ വിലയിൽ ഇന്ന് വൻ കുതിപ്പ്. ഒറ്റയടിക്ക് ഇന്ന് 1000 രൂപയാണ് പവന് വർദ്ധിച്ചത്. ഇതോടെ വില 88,000 രൂപയിൽ എത്തി. ഒരു പവന് 88,560 രൂപയാണ് വിപണി വില. ഇന്നലെ 87,560 രൂപയിലാണ് വ്യാപാരം നടന്നത്.
സ്വർണ്ണ വില കൂടാതെ പണിക്കൂലിയും ജി. എസ്. ടി. യും ഹാൾമാർക്കിംഗ് ചാർജ്ജും അടക്കം ഒരു പവൻ തൂക്കത്തിലുള്ള ആഭരണം വാങ്ങുവാൻ ഒരു ലക്ഷത്തിൽ അധികം രൂപ നൽകേണ്ടി വരും.
- pma
വായിക്കുക: gold-price, സാമൂഹികം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
