ചാലക്കുടി: വാല്പാറയില് കാട്ടാനക്കൂട്ടത്തിന്റെ ആക്രമണത്തിനിരയായാള് മരിച്ചു. എസ്റ്റേറ്റ് ജീവനക്കാരന് നടേശന്റെ മകന് രാജേന്ദ്രന് (39) ആണ് മരിച്ചത്. മുടീസ് അര്ബന് ബാങ്ക് സെക്യൂരിറ്റി ജീവനക്കാരന് ആയിരുന്നു ഇയാള്. രാത്രി ജോലി കഴിഞ്ഞ് മടങ്ങും വഴി എസ്റ്റേറ്റ് റോഡില് വച്ച് പത്തോളം വരുന്ന കാട്ടാനക്കൂട്ടം രാജേന്ദ്രനെ ആക്രമിക്കുകയായിരുന്നു. ബഹളം കേട്ട് ഓടിക്കൂടിയ എസ്റ്റേറ്റ് തൊഴിലാളികള് ആനകളെ തുരത്തി രാജേന്ദ്രനെ വാല്പാറ സര്ക്കാര് ആശുപത്രിയില് എത്തിച്ചു. അവിടെ നിന്നും പിന്നീട് കോയമ്പത്തൂരിലെ ആശുപത്രിയിലേക്ക് കൊണ്ടു പോയെങ്കിലും വഴിമധ്യേ രാജേന്ദ്രന് മരിച്ചു. വാല്പാറ മേഘലയില് കാട്ടാനക്കൂട്ടം നാട്ടില് ഇറങ്ങുന്നത് പതിവായിട്ടുണ്ട്. ആനത്താരകള്ക്ക് ഭംഗം വന്നതും ഭക്ഷണ ക്ഷാമവുമാണ് ആനകള് നാട്ടിലിറങ്ങുന്നതിന്റെ പ്രധാന കാരണം.
വാടാനപ്പള്ളി : വാടാനപ്പള്ളി നടുവില്ക്കര പുത്തിലത്ത് ക്ഷേത്രത്തിലെ പാലക്കൊമ്പ് എഴുന്നള്ളി പ്പിനിടെയുണ്ടായ സംഘട്ടന ത്തിനിടയില് ആനയിടഞ്ഞു. ഗുരുവയൂര് ദേവസ്വത്തിന്റെ ‘ശേഷാദ്രി’ കൊമ്പന് സംഘട്ടന ത്തിനിടയില് മടലു കൊണ്ട് അടിയേല്ക്കുകയായിരുന്നു. അടി കൊണ്ട് വേദനിച്ച ആന രണ്ടു പേരെ പുറത്തിരുത്തി ഓടി. ഇടഞ്ഞ ആന ചില വീടുകള്ക്കും മതിലുകള്ക്കും കേടു വരുത്തി. ആനയുടെ അടിയേറ്റ് സത്യന് എന്ന ആള്ക്ക് കാലിനു പരിക്കേറ്റു. മേപ്പുറത്ത് അരുണിന്റെ വീട്ടിലെ വളര്ത്തു നായയെ ആന തുമ്പി കൊണ്ട് എടുത്ത് നിലത്ത് അടിച്ചു കൊന്നു. അര്ദ്ധരാത്രി 12:45 നു ആനയെ തളച്ചു. നാശ നഷ്ടമുണ്ടായവര് ഗുരുവായൂര് ദേവസ്വത്തില് പരാതി നല്കുവാന് ആലോചിക്കുന്നുണ്ട്.
