 |
 |
 |
 |
 |
 |
 |
 |
 |
 |
 |
 |
 |
 |
കോഴിക്കോട്: നാദാപുരം കുന്നംകോട് ടൌണിലുള്ള ഹെല്ത്ത് സെന്ററിനു സമീപത്ത് നിന്നും 10 സ്റ്റീല് ബോംബുകള് കണ്ടെടുത്തു. റോഡിലെ ഓവുചാലില് ഒളിപ്പിച്ചു വച്ച നിലയിലായിരുന്നു ബോംബുകള്. രാവിലെ ഒമ്പതു മണിയോടെയാണ് നാദാപുരം പോലീസ് ബോംബുകള് കണ്ടെടുത്തത്. തുടര്ന്ന് ബോംബ് സ്ക്വാഡെത്തി ബോംബുകള് നിര്വീര്യമാക്കി
- എസ്. കുമാര്
വായിക്കുക: അപകടം, കുറ്റകൃത്യം, ക്രമസമാധാനം, ദുരന്തം
തിരുവനന്തപുരം: ശബരിമല തീര്ഥാടകര് മകരജ്യോതി കാണാന് പല സ്ഥലങ്ങളില് തമ്പടിക്കുന്നതു തടയണമെന്ന് പുല്ലുമേട് ദുരന്തം അന്വേഷിക്കുന്ന ജസ്റ്റിസ് ഹരിഹരന് നായര് കമ്മിഷന് ഇടക്കാല റിപ്പോര്ട്ടില് പറഞ്ഞു. ഒരു സ്ഥലത്തുതന്നെ തീര്ഥാടകര് കേന്ദ്രീകരിച്ചതാണ് അപകടകാരണമെന്നും ഭാവിയില് ഇത്തരം സംഭവങ്ങള് ഒഴിവാക്കാന് മുന്കരുതല് വേണമെന്നും റിപ്പോര്ട്ട് നിര്ദേശിക്കുന്നു.
ഇന്നലെ മുഖ്യമന്ത്രി ഉമ്മന്ചാണ്ടിക്കു സമര്പ്പിച്ച റിപ്പോര്ട്ട് മേല്നടപടികള്ക്കായി മന്ത്രി വി.എസ്. ശിവകുമാറിനു കൈമാറി. കഴിഞ്ഞമാസം 17, 18 തീയതികള് അപകടസ്ഥലം സന്ദര്ശിച്ചശേഷമാണു കമ്മിഷന് റിപ്പോര്ട്ട് തയാറാക്കിയത്. റിപ്പോര്ട്ട് മന്ത്രി സഭയോഗം ചര്ച്ച ചെയ്യും.
- ലിജി അരുണ്
വായിക്കുക: കേരള ഹൈക്കോടതി, ക്രമസമാധാനം, ദുരന്തം, മനുഷ്യാവകാശം
ചേര്ത്തല : കുപ്രസിദ്ധ ഗുണ്ടാ നേതാവ് കിളിയാച്ചന് എന്ന അനില് കുമാറിനെ (40) ഒരു സംഘം ആളുകള് വെട്ടിക്കൊന്നു. പ്രദേശത്തെ പ്രമുഖ ഗുണ്ടയായ കിളിയാച്ചന് നാട്ടുകാര്ക്ക് സ്ഥിരം ശല്യമായിരുന്നു. തിരുവോണ ദിവസം ഇയാള് ചില അക്രമങ്ങള് നടത്തി ഭീകരാന്തരീക്ഷം സൃഷ്ടിച്ചിരുന്നു. ഗുണ്ടാ കുടിപ്പകയാണ് കൊലപാതകത്തിനു കാരണമെന്ന് കരുതുന്നു. ഞായറാഴ്ച രാത്രിയാണ് തിരുവിഴ ലെവല് ക്രോസിനു സമീപം വച്ച് അനില് കുമാറിന് വെട്ടേറ്റത്. തലയ്ക്കും ശരീരത്തിന്റെ വിവിധ ഭാഗങ്ങളിലും വെട്ടേറ്റതിനെ തുടര്ന്ന് ഗുരുതരമായി പരിക്കേറ്റ ഇയാളെ കോട്ടയം മെഡിക്കല് കോളേജ് ആസ്പത്രിയില് എത്തിച്ചെങ്കിലും ജീവന് രക്ഷിക്കുവാനായില്ല.
കൊലപാതകം, ഗുണ്ടാ പ്രവര്ത്തനങ്ങള്, ഭീഷണിപ്പെടുത്തി പണം തട്ടിയെടുക്കല്, മോഷണം തുടങ്ങി നിരവധി കേസുകള് ഇയാള്ക്കെതിരെ ഉണ്ട്. ഗുണ്ടാ ആക്ട് പ്രകാരം ജയില് ശിക്ഷയും അനുഭവിച്ചിട്ടുണ്ട്. അവിവാഹിതനാണ്.
- എസ്. കുമാര്
വായിക്കുക: കുറ്റകൃത്യം, ക്രമസമാധാനം
- ലിജി അരുണ്
വായിക്കുക: എതിര്പ്പുകള്, കേരള രാഷ്ട്രീയം, ക്രമസമാധാനം
ഏങ്ങണ്ടിയൂര് : പ്രവാസി മലയാളിയുടെ നാട്ടിലെ വീട്ടില് മണല് ഭൂ മാഫിയക്ക് വേണ്ടി ക്വൊട്ടേഷന് സംഘം ആക്രമണം നടത്തിയ കേസില് മുഖ്യമന്ത്രിക്കും, പ്രവാസി കാര്യ വകുപ്പ് മന്ത്രിക്കും, എന്. ആര്. ഐ. സെല് പോലീസ് സൂപ്രണ്ടിനും പരാതി നല്കി. ദുബായില് ജോലിക്കാരനും ഏങ്ങണ്ടിയൂര് സ്വദേശിയുമായ ഉദയകുമാറിന്റെ വീട്ടിലാണ് ഇന്നലെ ഉച്ചയ്ക്ക് ഒരു സംഘം ഗുണ്ടകള് ആക്രമണം നടത്തിയത്. ഗര്ഭിണിയായ സഹോദരി നിസഹായയായി നോക്കി നില്ക്കവേ വീട്ടില് ഉണ്ടായിരുന്ന ജ്യേഷ്ഠ പുത്രനായ വിലാഷിനെ (28) അക്രമികള് മര്ദ്ദിച്ചു അവശനാക്കി. ഇയാള് ഇപ്പോള് തൃത്തല്ലൂര് സര്ക്കാര് ആശുപത്രിയില് ചികിത്സയിലാണ്.
ഉദയകുമാറിന്റെ ഭൂമിയില് നിന്നും മണല് മാഫിയ അനധികൃതമായി മണല് എടുക്കുന്നത് സംബന്ധിച്ച് ചാവക്കാട് കോടതിയില് കേസ് നിലവിലുണ്ട്. തുടര്ച്ചയായ മണല് എടുക്കല് മൂലം പ്രദേശത്തെ കിണറുകളിലെ ജലനിരപ്പ് ക്രമാതീതമായി കുറഞ്ഞിട്ടുണ്ട്.
-
വായിക്കുക: കുറ്റകൃത്യം, ക്രമസമാധാനം, പരിസ്ഥിതി, പ്രവാസി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
