സിംഗപ്പൂര്‍ : പോള്‍ എന്ന ഓമനപ്പേരില്‍ അറിയപ്പെടുന്ന നീരാളി 2010 ലെ ലോക കപ്പ് ഫുട്ബോള് മത്സരത്തിന്റെ ഫൈനലില്‍ സ്പെയിന് വിജയിയാവും എന്ന് പ്രവചിച്ചിരിക്കുന്നു. ലോകമെമ്പാടുമുള്ള കാണികള്‍ക്ക്‌ ഇനി ഉദ്വേഗത്തിന്റെ നിമിഷങ്ങള്‍ കളിക്കളത്തിലെ മല്സര വീര്യമാവില്ല നല്‍കുന്നത്, പോള്‍ എന്ന നീരാളിയുടെ പ്രവചനം സത്യമാവുമോ എന്ന ചിന്തയാവും.
രണ്ടു വയസ്സുകാരന്‍ പോള്‍ താമസിക്കുന്ന ടാങ്കിലേക്ക് രണ്ടു ചില്ല് പെട്ടികള്‍ താഴ്ത്തുന്നു. ഇതില്‍ ഒരു പെട്ടിയില്‍ ഒരു ടീമിന്റെ കൊടിയുടെ ചിത്രവും മറ്റേ പെട്ടിയില്‍ എതിര്‍ ടീമിന്റെ കൊടിയുടെ ചിത്രവും ഒട്ടിച്ചിട്ടുണ്ട്. രണ്ടു പെട്ടിയിലും പോളിനുള്ള ഭക്ഷണവും വെച്ചിട്ടുണ്ട്. പോള്‍ ആദ്യം തുറക്കുന്ന പെട്ടി പ്രതിനിധാനം ചെയ്യുന്ന ടീം ജയിക്കും എന്നാണു പ്രവചനത്തിന്റെ രീതി. ഇന്ന് വരെ പോള്‍ പ്രവചിച്ചതൊന്നും തെറ്റിയിട്ടില്ല എന്ന് കൂടെ പറയുമ്പോഴാണ് സംഭവം രസകരമാവുന്നത്.
ലോക കപ്പിന്റെ ആവേശത്തിന്റെ മറ പറ്റി അന്ധ വിശ്വാസം പ്രചരിപ്പിക്കാനുള്ള ശ്രമങ്ങളാണ് ഇതെന്നാണ് ഇന്ത്യയിലെ യുക്തിവാദ പ്രസ്ഥാനത്തിന്റെ പ്രമുഖ വക്താവായ സനല്‍ ഇടമറുക് പറയുന്നത്. രണ്ടു സാധ്യതകള്‍ മാത്രമുള്ള ഒരു മല്‍സരത്തില്‍ ജയത്തിനും തോല്‍വിക്കുമുള്ള സാധ്യത ഇരു ടീമുകള്‍ക്കും തുല്യമാണ്. നീരാളികളെ പോലെ ബുദ്ധിശക്തിയും സംവേദനക്ഷമതയുമുള്ള ജീവികളെ പരിശീലിപ്പിച്ച് എടുക്കുവാനും സാധ്യമാണ് എന്നും അദ്ദേഹം ചൂണ്ടിക്കാട്ടുന്നു.
ജര്‍മ്മനിയുടെ തോല്‍വി പ്രവചിച്ച നീരാളിക്കുള്ള ജര്‍മന്‍ ആരാധകരുടെ മറുപടി നീരാളിയെ വറുക്കാനും പൊരിക്കാനുമുള്ള പാചക കുറിപ്പുകളായി രംഗത്ത്‌ വന്നത് ക്രൂരമായി പോയെന്ന് മൃഗ സ്നേഹികള്‍ വാദിക്കുമ്പോള്‍ മറു വശത്ത് ഈ മിണ്ടാ പ്രാണിയെ ഇത്തരത്തില്‍ ഉപയോഗിക്കുന്നത് അതിനോട് കാണിക്കുന്ന ക്രൂരതയാണെന്ന് മൃഗങ്ങളുടെ അവകാശ സംരക്ഷണത്തിനായി പ്രവര്‍ത്തിക്കുന്ന സംഘടനകള്‍ പറയുന്നു.
മൃഗ സംരക്ഷണത്തിനായി പ്രവര്‍ത്തിക്കുന്ന പ്രമുഖ അന്താരാഷ്‌ട്ര സംഘടനയായ PETA (People for the Ethical Treatment of Animals) ഈ നീരാളിയെ ഉടന്‍ തന്നെ വിട്ടയക്കണം എന്ന് ആവശ്യപ്പെട്ടു. ഫ്രാന്‍സിന്റെ തെക്കുള്ള ദേശീയ പാര്‍ക്കിലെ ജലാശയത്തിലേക്ക് ഈ നീരാളിയെ വിട്ടയക്കണം എന്നാണു PETA യുടെ ആവശ്യം.
എന്നാല്‍ ഇത്രയും നാള്‍ തടവില്‍ ആയിരുന്നതിനാല്‍ സ്വയം ഭക്ഷണം തേടി പിടിക്കാനുള്ള കഴിവ് നഷ്ടപ്പെട്ട ഈ ജീവിയെ സ്വതന്ത്രമായി വിട്ടാല്‍ അതിന്റെ നാശത്തിനു തന്നെ അത് കാരണമാവും എന്ന് വാദിക്കുന്ന ഒരു വിഭാഗം വിദഗ്ദ്ധരും രംഗത്ത്‌ വന്നിട്ടുണ്ട്. എന്നാല്‍ ഇതിനെല്ലാം പുറമെയാണ് പോളിന്റെ പ്രവചനത്തിന് എതിരെ മറ്റൊരു പ്രവചനവുമായി പുതിയൊരു ജ്യോതിഷ “രത്നം” രംഗത്ത്‌ വന്നത്. മണി എന്ന തത്തയാണ് പോളിന്റെ പുതിയ എതിരാളി. സിംഗപ്പൂരിലുള്ള പക്ഷി “ശാസ്ത്രജ്ഞന്‍” മുനിയപ്പന്റെ തത്തയാണ് മണി. മണിയും ജര്‍മ്മനിയുടെ തോല്‍വി “കൃത്യ”മായി പ്രവചിച്ചുവത്രെ. മാത്രമല്ല, പോള്‍ പ്രവചിച്ചതിനു വിരുദ്ധമായി ലോക കപ്പ് ഫുട്ബോള് ഫൈനലില്‍ ഹോളണ്ട് ജയിക്കും എന്നാണു മണിയുടെ പ്രവചനം. ഇനി കളി പോളും മണിയും തമ്മിലാണ്.
മുനിയപ്പനും മണിയും
ഇത്രയും നാള്‍ ദിവസം പ്രതി ശരാശരി പത്ത് പേരുടെ ഭാഗ്യം പ്രവചിച്ചു മുനിയപ്പന്റെയും തന്റെയും വിശപ്പടക്കിയിരുന്ന മണിയ്ക്ക് ലോക കപ്പ് പ്രവചനം തുടങ്ങിയതോടെ വമ്പിച്ച ഡിമാണ്ട് ആണ് എന്ന് സിംഗപ്പൂരില്‍ നിന്നുമുള്ള റിപ്പോര്‍ട്ടുകള്‍ സൂചിപ്പിക്കുന്നു. ഇപ്പോള്‍ മുനിയപ്പന്റെ തത്ത തങ്ങളുടെ ഭാഗ്യം പ്രവചിക്കുന്നതും കാത്ത്‌ പ്രതിദിനം നൂറിലേറെ പേര്‍ മുനിയപ്പന്റെ മുന്‍പില്‍ ക്യൂ നില്‍ക്കുന്നു സിംഗപ്പൂരിലെ “ലിറ്റില്‍ ഇന്‍ഡ്യ” പ്രദേശത്ത്.
ജൊഹാനസ്ബര്‍ഗ് : ലോകകപ്പ്‌ ഫുട്ബോള് ഫൈനല്‍ മല്സര ത്തില്‍ സ്പെയിന് ഹോളണ്ടു മായി ഏറ്റുമുട്ടും. ഇന്നലെ നടന്ന സെമി ഫൈനലില്‍ യൂറോപ്യന്‍ ചാമ്പ്യന്മാരായ സ്പെയിന്, മുന്‍പ് നാല് തവണ ലോകകപ്പ്‌ കിരീടം ചൂടി യിരുന്ന ജര്‍മ്മനി യെ ഏകപക്ഷീയ മായ ഒരു ഗോളിനാണ് തകര്‍ത്തത്. 
ജൊഹാനസ്ബര്‍ഗ് : ലാറ്റിന്‍ അമേരിക്കന്‍ പ്രതീക്ഷ കള്‍ക്ക് വിരാമം ഇട്ടു കൊണ്ട് ലോക ഫുട്ബോളിലെ പ്രഥമ ചാമ്പ്യന്മാരായ ഉറുഗ്വെ യെ രണ്ടിന് എതിരെ മൂന്നു ഗോളു കള്‍ക്ക് മറികടന്ന്‍ ഹോളണ്ട് ഫൈനലി ലേക്ക് കുതിച്ചു. ആദ്യാവസാനം ആവേശം നിറഞ്ഞ മല്സര ത്തില്‍ ഇരു ടീമു കളും ഒന്നിനൊന്നു മെച്ചപ്പെട്ട പ്രകടന മാണ് പുറത്തെടുത്തത്‌. ഒന്നാം പകുതി യുടെ പതിനെട്ടാം മിനുട്ടില്‍ തീര്‍ത്തും അപ്രതീക്ഷിതമായി ഹോളണ്ട് ക്യാപ്ടന്‍ ജിയോവാനി ബ്രോങ്കോസ്റ്റ് ഉതിര്‍ത്ത സുന്ദരമായ ലോംഗ് റേഞ്ച് ഗോളിലൂടെ ഓറഞ്ചു പട ലീഡു നേടി എങ്കിലും അതിശക്തി യായി തിരിച്ചടിച്ച ഉറുഗ്വെ -ഈ ലോക കപ്പിലെ തന്നെ താരങ്ങളില്‍ ഒരാളായ ഫോര്‍ലാന്‍ ഗോള്‍ മടക്കി- സമനില ( 1 – 1 ) കൈവരിച്ചു.
ജൊഹാനസ്ബര്‍ഗ് : ജര്‍മ്മന്‍ ഫോര്‍വേഡു കളുടെ അതിശക്ത മായ ആക്രമണ ത്തിനിര യായി കിരീട പ്രതീക്ഷ യുമായി എത്തിയ അര്ജന്റീന എതിരില്ലാത്ത നാല് ഗോളു കള്‍ക്ക് പരാജയം ഏറ്റു വാങ്ങി ലോകകപ്പില്‍ നിന്നും പുറത്തായി. ലോക ഫുട്ബോളര്‍ മെസ്സിയുടെ നേതൃത്വ ത്തില്‍ കളിക്കാനിറങ്ങിയ അര്ജന്റീന ക്ക് ക്വാര്‍ട്ടറിലെ നിര്‍ണ്ണായക മല്സര ത്തില്‍ തൊട്ടതെല്ലാം പിഴക്കുക യായിരുന്നു. വേഗത കുറഞ്ഞ പ്രതിരോധ നിരയുമായി അതിവേഗ ക്കാരായ ജര്‍മ്മന്‍ കളിക്കാര്‍ക്ക് എതിരെ യാതൊരു ഗെയിം പ്ലാനും ഇല്ലാതെ യാണ് ഇതിഹാസ താരം ഡീഗോ മറഡോണ തന്‍റെ ടീമിനെ ഗ്രൗണ്ടില്‍ ഇറക്കിയത് എന്ന് വ്യക്ത മാകുന്ന തായിരുന്നു ഇന്നലത്തെ കളി. അര്ജന്റീന യുടെ ആരാധകരെ ഞെട്ടിച്ചു കൊണ്ട്, കളിയുടെ മൂന്നാം മിനുട്ടില്‍ തന്നെ ജര്‍മ്മനി യുടെ മുള്ളര്‍ ആദ്യത്തെ ഗോള്‍ നേടി.
കേപ്ടൗണ്‍: ഒരു ലോകകപ്പിലെ ക്വാര്‍ട്ടര്‍ ഫൈനലിന്‍റെ നിലവാര ത്തിലേക്ക് ഉയരാതെ പോയ മല്സര ത്തില്‍, ആദ്യമായി ക്വാര്‍ട്ടറില്‍ കളിക്കുന്ന ലാറ്റിന്‍ അമേരിക്കന്‍ രാജ്യമായ പരാഗ്വെ ക്ക് എതിരെ സ്പെയിന് ഏകപക്ഷീയ മായ ഒരു ഗോളിന്‍റെ വിജയം. രണ്ടാം പകുതിയുടെ എഴുപത്തി എട്ടാം മിനുട്ടില്‍ എസ്പാനിയ യുടെ സൂപ്പര്‍ സ്ട്രൈക്കര്‍ ഡേവിഡ്‌ വിയ യാണ് നിര്‍ണ്ണായക ഗോള്‍ സ്കോര്‍ ചെയ്തത്. ഇരു ടീമുകളും മാറി മാറി ആധിപത്യം പുലര്‍ത്തിയ മല്സര ത്തില്‍ എടുത്തു പറയാവുന്ന സവിശേഷത റഫറി ഈ മത്സര ത്തിനിടയില്‍ കാണിച്ചു കൂട്ടിയ കോമാളി ത്തരങ്ങള്‍ ആണ്. കളിയുടെ ഗതിയെ തന്നെ മാറ്റി മറിച്ചേക്കാവുന്ന രണ്ടു പെനാല്‍ട്ടി കിക്കുകള്‍ ഇരു ടീമുകളും പാഴാക്കുന്നത് കാണാമായിരുന്നു.
വാഷിംഗ്ടണ്‍ : സ്ത്രീ ശാക്തീകരണവും ലിംഗ സമത്വവും ലക്ഷ്യമാക്കി ഐക്യ രാഷ്ട്ര സഭയുടെ കീഴില്‍ ഒരു പുതിയ വിഭാഗം തുടങ്ങാന്‍ ജനറല്‍ അസംബ്ലിയില്‍ ഏകപക്ഷീയമായി തീരുമാനമായി. ഐക്യ രാഷ്ട്ര സഭ – സ്ത്രീ (UN Women – UN Entity for Gender Equality and the Empowerment of Women) എന്നാവും ഇത് അറിയപ്പെടുക. നാല് വര്‍ഷത്തെ ചര്‍ച്ചകള്‍ക്കും പ്രയത്നത്തിനും ശേഷമാണ് അവസാനം ഈ തീരുമാനം പാസായത് എന്ന് ഐക്യ രാഷ്ട്ര സഭ പുറത്തിറക്കിയ പ്രസ്താവനയില്‍ പറയുന്നു.
ജൊഹാനസ്ബര്‍ഗ് : ലോകത്തിലെ ഏറ്റവും വലിയ കായിക മാമാങ്കത്തില്‍ ബ്രസീലിന്‍റെ യശസ്സ് ഉയര്‍ത്താന്‍ കലാ കാലങ്ങളില്‍ ഓരോ അവതാരങ്ങളെ അവര്‍ക്ക് ലഭിക്കാറുണ്ട്. ക്ലബ്ബ്‌ ഫുഡ്ബോളില്‍ പേരെടുത്ത പല വമ്പന്മാരും ഈ ലോകകപ്പില്‍ ബ്രസീലിന് വേണ്ടി കൂട്ടുകെട്ടാന്‍ ഉണ്ടായിരുന്നു. സ്വന്തം ക്ലബ്ബ്‌ ടീമിന് വേണ്ടി അത്ഭുതങ്ങളും മിന്നായങ്ങളും പുറത്തെടുക്കുന്ന ഈ വമ്പന്മാര്‍ ബ്രസീലിയന്‍ ജഴ്സിയില്‍ ആത്മാര്‍ത്ഥത കാണിക്കാ തിരുന്ന താണ് ഈ പരാജയ ത്തിന്‍റെ കാരണം.
ജൊഹാനസ്ബര്‍ഗ് : കളിയുടെ ആദ്യാവസാനം ഇത്രയും ആവേശം മുറ്റിനിന്ന ഒരു മല്‍സരം 2010 ലോകകപ്പില്‍ ഇത് വരെ ഉണ്ടായിട്ടില്ല. തുടക്കത്തില്‍ ലാറ്റിന്‍ അമേരിക്കന്‍ ശക്തികളായ ഉറോഗ്വന്‍ പട, ഗോള്‍ എന്ന് തോന്നിപ്പിക്കുന്ന ഒട്ടനവധി നീക്കങ്ങളി ലൂടെ ആഫ്രിക്കന്‍ ചുണക്കുട്ടി കളായ ഘാന യെ ഞെട്ടിപ്പിച്ചു കൊണ്ട് മുന്നേറു മ്പോള്‍ ശരവേഗ ത്തില്‍ തിരിച്ചടിച്ച് ഉറോഗ്വന്‍ പ്രതിരോധ നിര തച്ചുടക്കുന്ന വിധത്തില്‍ ആഫ്രിക്കന്‍ കുതിരകള്‍ മുന്നേറി. കളിയുടെ ആവേശ തിരയിളക്ക ത്തില്‍ എന്തും സംഭവിക്കാം എന്ന അവസ്ഥ !
ജൊഹാനസ്ബര്‍ഗ് : 2010 ലോക കപ്പ് ഫുട്ബോളില്‍ പരാഗ്വേയുടെ ഏറ്റവും ചൂടുള്ള ആരാധികയാണ് ലാറിസ റിക്വേമി. ലോക കപ്പ് പരാഗ്വെയ്ക്ക് ലഭിച്ചാല്‍ താന്‍ പൂര്‍ണ നഗ്നയായി ദേഹത്ത് ചുവപ്പും നീലയും ചായമടിച്ചു റോഡിലൂടെ ഓടും എന്നാണ് ഈ പ്രശസ്ത മോഡല്‍ ആരാധകരോട് വാഗ്ദാനം ചെയ്തിരിക്കുന്നത്. 24 കാരിയായ ഈ അടിവസ്ത്ര മോഡലിന്റെ അര്‍ദ്ധ നഗ്നമായ ദൃശ്യം ലോക കപ്പിന്റെ ഗാലറിയില്‍ ഇടയ്ക്കിടയ്ക്ക് കാണാം. എന്നാല്‍ നഗ്നയായി ഓടുമെന്ന പ്രഖ്യാപനത്തോടെ ലാറിസ ഇന്നലെ മുതല്‍ ഇന്റര്‍നെറ്റില്‍ ഏറ്റവുമധികം സേര്‍ച്ച്‌ ചെയ്യപ്പെടുന്ന പേരായി മാറിയിരിക്കുന്നു.
ജൊഹാനസ്ബര്‍ഗ് : 2010 ലോകകപ്പിലെ ഇത് വരെ ഉള്ള കാഴ്ചകള്‍ വില യിരുത്തു മ്പോള്‍ കളി പ്രേമി കളുടെ മനസ്സില്‍ തങ്ങി നില്‍ക്കുവാന്‍ മാത്രമുള്ള ഒരു പ്രകടനവും മത്സരത്തിന് എത്തിയ ടീമുകളില്‍ നിന്നും ഉണ്ടായിട്ടില്ല എന്ന് തന്നെ പറയാം. ഇരുണ്ട കരയില്‍ ആദ്യമായി വിരുന്നെത്തിയ ഈ സുപ്രധാന കായിക മാമാങ്കം ശ്രദ്ധേയ മാക്കുന്നതില്‍ ഗാലറിയില്‍ എത്തിയ കാഴ്ചക്കാരുടെ പങ്ക് നിസ്തുലമാണ്. കുറ്റം പറയരുതല്ലോ, ഗ്രൗണ്ടില്‍ കാര്യമായി ഒന്നും കാണാന്‍ കഴിയാതിരുന്ന കാണികള്‍ക്ക്‌ കണ്‍ നിറയെ കാണാന്‍ ഗാലറി യില്‍ ചിലര്‍ കാട്ടിക്കൂട്ടിയ ‘കോപ്രായങ്ങള്‍’ തന്നെ ധാരാളം. ചിലതെല്ലാം സഭ്യതയുടെ അതിര്‍ വരമ്പുകള്‍ ഭേദിക്കുന്നതുമാണ്.
